შალვა პაპუაშვილი აზერბაიჯანის საგარეო საქმეთა მინისტრს შეხვდა
საქართველოს პარლამენტის თავმჯდომარე შალვა პაპუაშვილი აზერბაიჯანის რესპუბლიკის საგარეო საქმეთა მინისტრს, ჯეიჰუნ ბაირამოვს შეხვდა.
მხარეებმა აღნიშნეს, რომ საქართველოსა და აზერბაიჯანს შორის ურთიერთობები გამორჩეულად წარმატებულია და ხანგრძლივ თანამშრომლობასა და მეგობრობას ეფუძნება. ხაზი გაესვა ორი ქვეყნის მიერ სუვერენიტეტისა და ტერიტორიული მთლიანობის ურთიერთმხარდაჭერას.
დადებითად შეფასდა ორმხრივი ვიზიტების დინამიკა. საგარეო საქმეთა მინისტრმა განაცხადა, რომ მესამედ სტუმრობს პარლამენტს, ასევე, აღნიშნა, რომ საქართველოს პრეზიდენტმა და პრემიერ-მინისტრმა პირველი ოფიციალური ვიზიტები აზერბაიჯანში განახორციელეს, რაც ორ ქვეყანას შორის განსაკუთრებულ მეგობრობას ადასტურებს.
მხარეებმა განიხილეს ორ ქვეყანას შორის ორმხრივი და მრავალმხრივი ურთიერთობები. შალვა პაპუაშვილმა ყურადღება გაამახვილა ნაყოფიერ საპარლამენტო კავშირებზე.
აღინიშნა შუა დერეფნის მზარდი გეოპოლიტიკური და გეოეკონომიკური მნიშვნელობა, სტრატეგიული სატრანსპორტო-ენერგეტიკული პროექტების დიდი პოტენციალი.
შეხვედრაზე განიხილეს სამხრეთ კავკასიასა და ფართო რეგიონში მიმდინარე მოვლენები. საუბარი შეეხო სამშვიდობო შეთანხმების თაობაზე აზერბაიჯანსა და სომხეთს შორის მიმდინარე მოლაპარაკებებს და ხაზი გაესვა რეგიონული მშვიდობის მნიშვნელობას.
შეხვედრაში, აგრეთვე, მონაწილეობა მიიღეს პარლამენტის წევრებმა, აზერბაიჯანთან საპარლამენტო მეგობრობის ჯგუფის წევრებმა: ირაკლი ქადაგიშვილმა, სავალან მირზოევმა და ზაურ დარგალმა.
დღის ტოპ 10 სიახლე
სხვა სიახლეები
პრემიერ-მინისტრი აზერბაიჯანის საგარეო საქმეთა მინისტრს შეხვდა
22.07.2025.18:54
საქართველოს პრემიერ-მინისტრი ირაკლი კობახიძე აზერბაიჯანის საგარეო საქმეთა მინისტრს ჯეიჰუნ ბაირამოვს შეხვდა.
შეხვედრაზე საუბარი საქართველოსა და აზერბაიჯანს შორის სტრატეგიულ პარტნიორობას და კეთილმეზობლურ ურთიერთობებს შეეხო. ხაზი გაესვა ქვეყნებს შორის ბოლო წლებში არსებული ურთიერთობების პოზიტიურ დინამიკას.
განიხილეს ერთობლივი ინფრასტრუქტურული და ენერგეტიკული პროექტები. ხაზი გაესვა აღნიშნული პროექტების მნიშვნელობას შუა დერეფნის განვითარების პროცესში. ყურადღება გამახვილდა სავაჭრო-ეკონომიკურ ურთიერთობებზე და ქვეყნებს შორის სავაჭრო ბრუნვის ზრდის დადებით ტენდენციებზე.
საუბარი შეეხო რეგიონში არსებულ ვითარებას. პრემიერ-მინისტრმა კიდევ ერთხელ დაადასტურა საქართველოს მზადყოფნა, დიალოგისა და თანამშრომლობის გზით მაქსიმალურად შეუწყოს ხელი სამხრეთ კავკასიაში მშვიდობისა და სტაბილურობის უზრუნველყოფას.
შოთა ბერეკაშვილი და მარიამ ლაშხი კრიპტო ბირჟის „bitFlyer"
დამფუძნებელ და აღმასრულებელ დირექტორს შეხვდნენ
21.07.2025.17:54
ტურიზმის სექტორის განვითარების კუთხით მთავრობის სწორი პოლიტიკა მეორე კვარტალში მიღებულ რეკორდულ შემოსავლებში აისახა - მარიამ ქვრივიშვილი
21.07.2025.16:53
