საარჩევნო ადმინისტრაციამ საინფორმაციო სივრცის კვლევის მორიგი ანგარიში გამოაქვეყნა
საქართველოს ცენტრალურმა საარჩევნო კომისიამ (ცესკო) საინფორმაციო სივრცის კვლევის მორიგი ანგარიში გამოაქვეყნა. დოკუმენტი 2025 წლის 31 ოქტომბრიდან 31 დეკემბრის ჩათვლით პერიოდს მოიცავს, - ინფორმაციას ცესკო ავრცელებს.
უწყების ცნობით, ცესკოს სტრატეგიული კომუნიკაციების დეპარტამენტის საინფორმაციო-ანალიტიკური განყოფილების მიერ საინფორმაციო სივრცის მონიტორინგი განხორციელდა როგორც თვისებრივი და სოციოლოგიური, ასევე რაოდენობრივი კვლევის მეთოდების გამოყენებით.
„ანგარიშის მიხედვით დამუშავდა 103 ინფორმაცია. ყოველდღიურად გავრცელებულ ინფორმაციაზე დაკვირვების და ანალიზის შედეგად გამოიკვეთა, რომ აღნიშნულ საანგარიშო პერიოდშიც გაგრძელდა დეზინფორმაციული და მანიპულაციური ნარატივების გავრცელება, დაინტერესებული მხარეების მხრიდან გამოიკვეთა საარჩევნო ადმინისტრაციისა და 2024-2025 წლების საარჩევნო პროცესის დისკრედიტაციის მცდელობა. ცალკეული პოლიტიკური პარტიებისა და არასამთავრობო ორგანიზაციის წარმომადგენლები, საზოგადოების შეცდომაში შეყვანის მიზნით ავრცელებდნენ დეზინფორმაციულ, მანიპულაციურ დაუსაბუთებელ ინფორმაციას სხვადასხვა საკომუნიკაციო არხის, ტელევიზიების, ონლაინ სააგენტოებისა და სოციალური ქსელების მეშვეობით. აღსანიშნავია, რომ მათ მიერ გავრცელებული დეზინფორმაციული ნარატივები ხშირ შემთხვევაში ეწინააღმდეგებოდა რეალობას და იყო სრულად უსაფუძვლო, ან რიგ შემთხვევებში მანიპულირებული.
საინფორმაციო სივრცეზე დაკვირვებამ აჩვენა, რომ დაინტერესებული პირები კამპანიურად, იდენტური, დეზინფორმაციული და მანიპულაციური ნარატივების გავრცელებით ცდილობდნენ საარჩევნო პროცესის, ცესკოსა და მისი ხელმძღვანელების დისკრედიტაციას. აღნიშნული კიდევ ერთხელ ადასტურებს, რომ დეზინფორმაციის გავრცელება ერთ-ერთი მნიშვნელოვანი გამოწვევაა და აუცილებელია მუდმივი მონიტორინგი და შესაბამისი რეაგირება საზოგადოების ინფორმირების მიზნით.
შესაბამისად, ცესკოს სტრატეგიული კომუნიკაციების დეპარტამენტის საინფორმაციო-ანალიტიკური განყოფილება საინფორმაციო სივრცის მონიტორინგს ახორციელებს როგორც საარჩევნო, ისე არასაარჩევნო პერიოდში, რათა საარჩევნო საკითხებთან დაკავშირებით დეზინფორმაციის გამოვლენის შემთხვევაში, განხორციელდეს დროული და შესაბამისი რეაგირება, საზოგადოებას კი მიეწოდოს გადამოწმებული და ზუსტი ინფორმაცია.
ანგარიში იხილეთ ბმულზე“, - აღნიშნულია გავრცელებულ ინფორმაციაში.
დღის ტოპ 10 სიახლე
ცნობილი ფოლკლორისტის ანზორ ერქომაიშვილის და ეთნომუსიკოლოგის თამარ მამალაძის საფოსტო მარკები გამოიცა
სხვა სიახლეები
ქეშბექის გადახდის დაგვიანება მოქმედებს ბიზნესზე - შეკვეთის მისაწოდებლად გვჭირდება თანხა, ამიტომ მივდივართ ბანკთან, რომელიც გვაძლევს მაღალ პროცენტში სესხს და ეს პროცესი გრძელდება დაუსრულებლად - „ჯეო ნატურალსის“ ფინანსური დირექტორი
19.02.2026.17:21
მთავარი პრობლემა, რომელზეც ვისაუბრეთ, ქეშბექია, მაგრამ ქეშბექი საბოლოო ჯამში გადახდის პირობებზე მოქმედებს. ქეშბექს გვაჭრიან შეტანისთანავე, ხოლო გადახდას გვპირდებიან მხოლოდ მაშინ, როცა გაყიდიან, - ამის შესახებ, შპს „ჯეო ნატურალსის“ ფინანსურმა დირექტორმა, გიორგი პარკაიამ, სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი საქართველოს პარლამენტის დროებითი კომისიის სხდომაზე განაცხადა.
როგორც პარკაიამ აღნიშნა, გადახდის დაგვიანება პირდაპირ მოქმედებს ბიზნესზე, შესაბამისად, საბრუნავი თანხის მისაღებად, მწარმოებელს უწევს ბანკთან მისვლა, რომელიც რომელიც სესხს მაღალ პროცენტში გასცემს. მისი თქმით, ეს პროცესი დაუსრულებლად გრძელდება.
„მთავარი პრობლემა, რომელზეც ვისაუბრეთ, ქეშბექია, მაგრამ ქეშბექი, საბოლოო ჯამში, გადახდის პრობლემებზე მოქმედებს. ქეშბექს გვაჭრიან შეტანისთანავე, ხოლო გადახდით იხდიან მხოლოდ მაშინ, როცა გაყიდიან. გვეუბნებიან, რომ გავყიდეთ 20 000 ლარის პროდუქცია, გვირიცხავენ 20 000 ლარს - ამას ჩვენ ვერ ვაკონტროლებთ და იმავდროულად გვიგზავნიან 100 000 ლარის შეკვეთას. იგივე ქსელი გვიგზავნის უფრო გაზრდილ მოთხოვნას, ვიდრე ჩაგვირიცხეს.
ეს როგორ მოქმედებს: ჩაგვირიცხეს 20 000 ლარი, ხოლო უნდა მივაწოდოთ 100 000 ლარის პროდუქცია. ამ 100 000 ლარის შეკვეთის მისაწოდებლად ისევ გვჭირდება საბრუნავი თანხა, ამიტომ მივდივართ ბანკთან, რომელიც გვაძლევს მაღალ პროცენტზე სესხს. ეს პროცესი გრძელდება დაუსრულებლად - ჯაჭვია.
რეალურად, ჩვენი პრობლემა არის გადახდის პირობები: ჯერ ერთი, არ ვიცით, როდის და რას გვიხდიან; შემდეგ გვიწევს ბანკიდან ვალის აღება, დამატებითი კაპიტალის მოზიდვა და შესაბამისად გვეზრდება ხარჯები.
თავიდან დავიწყეთ სოფლის განვითარების გრანტითა და სესხით. ეს გრანტი და სესხი ახლა გაზრდილია, ამჟამად გვაქვს დაახლოებით 15-ჯერ მეტი მოცულობა, 6 მილიონი ლარის სესხი. გადახდის დაგვიანება პირდაპირ მოქმედებს ჩვენს ბიზნესზე“, - განაცხადა გიორგი პარკაიამ.
