რომ არ ყოფილიყო ის სახელმწიფო პროგრამები, რომლებიც შექმენით 2013 წელს, ჩვენ ასეთ რისკიან ბიზნესს ხელს არ მოვკიდებდით - შპს „ტირიფონის ხილის“ წარმომადგენელი ზურაბ გოჯიაშვილი
შპს „ტირიფონის ხილის“ წარმომადგენელმა, ზურაბ გოჯიაშვილმა, სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი საქართველოს პარლამენტის დროებითი კომისიის სხდომაზე, მისი კომპანიის გამოცდილებაზე ისაუბრა.
გოჯიაშვილის თქმით, რომ არა სახელმწიფო პროგრამები, ის მაღალი რისკის მქონე ბიზნესს ხელს არ მოკიდებდა, მით უმეტეს, რომ ხეხილის ბაღები საოკუპაციო საზღვართან ახლოს მდებარეობს.
„რომ არ ყოფილიყო ის სახელმწიფო პროგრამები, რომლებიც თქვენ შექმენით 2013 წელს, ჩვენ ამხელა მაღალ რისკიან ბიზნესს ხელს არ მოვკიდებდით, მით უმეტეს, სამი საოკუპაციო ბაზა პირდაპირ დასცქერის ჩვენს ბაღებს, შემიძლია შეუიარაღებელი თვალით დავინახო, უზარმაზარი ბაზებია.
ადგილობრივი რისკის გარდა, კიდევ ბუნებრივი რისკია, სტიქიის რისკები გვაქვს, რომლის ნაწილისგან დაზღვეული ვართ. ეს ნაწილი არის მაგალითად, სეტყვის საწინააღმდეგო ბადეები და სეტყვისგან გვაქვს დაზღვეული. წელს კიდევ ერთხელ ავიღეთ შეღავათიანი აგრო სესხი იმისთვის, რომ ბაღი გავაშენოთ, მისი ნაწილი უკვე ანგარიშზე გვაქვს და ნაწილი ავითვისეთ, რადგან ნერგები უნდა შევიძინოთ, ასევე უცხოეთში საყრდენი სისტემა“, - განაცხადა გოჯიაშვილმა.
დღევანდელ სხდომაზე, კომისიის წევრები, ხილის, ბოსტნეულის, წვენების და ჯემების ადგილობრივი მწარმოებელი კომპანიების წარმომადგენლებთან ერთად, ბაზრის სტრუქტურის, ფასწარმოქმნის ჯაჭვის და სექტორის საოპერაციო პროცესების შესახებ მსჯელობენ.
დღის ტოპ 10 სიახლე
სხვა სიახლეები
ინფორმაცია, თითქოს მთავრობის მიერ მიღებული ახალი დადგენილება სტუდენტთა კვოტირების შესახებ მოქმედ სტუდენტებს ეხება არის სრული სიცრუე - ზვიად გაბისონია
13.02.2026.16:05
საქართველოს განათლების, მეცნიერებისა და ახალგაზრდობის მინისტრის მოადგილე ზვიად გაბისონიას განმარტებით მთავრობის ახალი დადგენილება სახელმწიფო უნივერსიტეტების სტუდენტთა კვოტირების შესახებ არ ვრცელდება მოქმედ სტუდენტებზე.
„სხვადასხვა მედიასაშუალებისა და ოპოზიციურად განწყობილი პირების მხრიდან მიზანმიმართულად გავრცელებული ინფორმაცია, თითქოს მთავრობის მიერ მიღებული ახალი დადგენილება სტუდენტთა კვოტირების შესახებ მოქმედ სტუდენტებს ეხებათ არის სრული სიცრუე.
ხაზგასმით მსურს აღვნიშნო, რომ მთავრობის დადგენილება არ ვრცელდება სახელმწიფო უნივერსიტეტების მოქმედ სტუდენტებზე და შეეხება მხოლოდ იმ აბიტურიენტებს, რომლებიც 2026-2027 სასწავლო წლიდან ჩაირიცხებიან სახელმწიფო უმაღლეს საგანმანათლებლო დაწესებულებებში.
მსგავსი დეზინფორმაციის გავრცელება მხოლოდ და მხოლოდ საზოგადოების, განსაკუთრებით კი, სტუდენტების მიზანმიმართულად შეცდომაში შეყვანას ემსახურება‘‘, – განაცხადა ზვიად გაბისონიამ.
ჩვენთვის უმნიშვნელოვანესია, გავაძლიეროთ საქართველოს, როგორც სატრანზიტო-ლოგისტიკური ჰაბის ფუნქცია - მარიამ ქვრივიშვილი
13.02.2026.14:54
საქართველოსა და ხორვატიას შორის ეკონომიკური ურთიერთობების გაღრმავების კუთხით საკმაოდ დიდი შესაძლებლობები გვაქვს - მარიამ ქვრივიშვილი
13.02.2026.14:50
