რაც შეეხება ნოშიკო ნამორაძეს მე მასთან მაქვს პირადი ურთიერთობა, მათ შორის კომუნიკაციაც გვქონდა ბოლო პერიოდის განმავლობაში, - ამბობს ქვეყნის პრემიერ-მინისტრი ბიზნესმენ ნოშიკო ნამორაძის მისამართით გავრცელებულ ინფორმაციაზე, რომლის მიხედვითაც მან საქართველო დატოვა. პრემიერის თქმით, ნოშიკო ნამორაძე არის ბიზნესმენი და ნებისმიერი ბიზნესის მიმართ სახელმწიფო გამოხატავს მხარდაჭერას.

„მე არ მგონია, რომ რაიმე მიდგომა შეცვლილიყოს. ზოგადად რაც შეეხება ბიზნესს ბიზნესის მიმართ მხარდაჭერა იქნება სრული, ნებისმიერი ბზნესმენის მიმართ, რომელიც კანონის საფუძველზე შემოიტანს წინადადებებს ყველას მიმართ იქნება სრული მხარდაჭერა. თქვენ იცით, რომ იცით არის უამრავი ბიზნესმენი, მათ შორის რომელიც პირდაპირ გამოხატავს მხარდაჭერას ოპოზიციის მიმართ. მათ მიმართაც არის დამოკიდებულება აბსოლუტურად თანასწორი და ეს არის ჩვენი ერთ-ერთი უმთავრესი მიღწევა. ჩვენ პოლიტიკური ნიშნით, ან რაიმე სხვა ნიშნით არ ვარჩევთ ერთმანეთისგან ბიზნესმენებს. 

რაც შეეხება უშუალოდ ნოშიკო ნამორაძეს მე მასთან მაქვს პირადი ურთიერთობა, მათ შორის კომუნიკაციაც გვქონდა ბოლო პერიოდის განმავლობაში, არაერთხელ.

კაცი ბიზნესმენია შეიძლება ბრიტანეთში წავიდეს, შეიძლება დაბრუნდეს - ეს ჩვეულებრივი საქმეა ხომ. ეს მე არ ვიცი, ეს არ არის ჩემი უფლებამოსილება, რომ ვაკონტროლო ვინ სად წავა, ეს არის ბიზნესმენის საქმე. და კიდევ ერთხელ გავიმეორებ, რომ ნებისმიერი ბიზნესის მიმართ სახელმწიფო გამოხატავს მხარდაჭერას, მათ შორის რა თქმა უნდა ნოშიკო ნამორაძის მიმართაც სახელმწიფო იქნება სრულად მხარდამჭერი“, - აცხადებს პრემიერი.