პრემიერის შეფასება Business Insider Georgia-ს კითხვებზე საინვესტიციო გარემოსა და ლარის კურსის შესახებ
დღის ტოპ 10 სიახლე
სხვა სიახლეები
ეკონომიკური პოლიტიკის კომიტეტმა დაჩქარებული წესით განსახილველ კანონპროექტებს მეორე მოსმენით მხარი დაუჭირა
28.10.2026.12:23
საქართველოს პარლამენტის ეკონომიკური პოლიტიკის კომიტეტმა დაჩქარებული წესით განსახილველ კანონპროექტებს მეორე მოსმენით მხარი დაუჭირა.
კომიტეტის თავმჯდომარემ, შოთა ბერეკაშვილმა კომიტეტის წევრებს საპარლამენტო უმრავლესობის წევრების მიერ ინიციირებული კანონპროექტები: „ენერგეტიკისა და წყალმომარაგების შესახებ“ საქართველოს კანონში ცვლილების შეტანის თაობაზე“ და „ლატარიების, აზარტული და მომგებიანი თამაშობების მოწყობის შესახებ“ საქართველოს კანონში ცვლილების შეტანის თაობაზე“ და მისგან გამომდინარე ცვლილებების პაკეტი მეორე მოსმენით გააცნო.
მომხსენებლის განმარტებით, კანონპროექტების პირველი მოსმენით განხილვის შემდეგ, წარმოდგენილი რედაქციები იურიდიული ტექნიკის თვალსაზრისით გასწორდა და პროექტში მოცემული რიგი ტერმინები დაზუსტდა.
შოთა ბერეკაშვილის განცხადებით, „ენერგეტიკისა და წყალმომარაგების შესახებ“ საქართველოს კანონში ცვლილების შეტანის თაობაზე“ კანონპროექტით, სემეკს უფლებამოსილება ენიჭება 2038 წლის 1 იანვრამდე ბუნებრივი გაზის ტარიფის დადგენის დროს, განსხვავებული მომსახურების ღირებულება დაადგინოს საყოფაცხოვრებო მომხმარებლების მიერ მოხმარებული მოცულობის მიხედვით.
რაც შეეხება „ლატარიების, აზარტული და მომგებიანი თამაშობების მოწყობის შესახებ“ საქართველოს კანონში ცვლილების შეტანის თაობაზე“ კანონპროექტს, მასში საერთაშორისო აზარტული ტურნირების მოწყობის და ორგანიზების საკითხები დგინდება.
