პრემიერ-მინისტრი სასურსათო პროდუქციის ფასებთან დაკავშირებით მოქმედი სამთავრობო საკოორდინაციო კომისიის ფორმატში საწვავის მსხვილი კომპანიების წარმომადგენლებს შეხვდა
საქართველოს პრემიერ-მინისტრი ირაკლი კობახიძე სასურსათო პროდუქციის ფასებთან დაკავშირებით მოქმედი სამთავრობო საკოორდინაციო კომისიის ფორმატში საქართველოში მოქმედი საწვავის მსხვილი კომპანიების წარმომადგენლებს შეხვდა.
კომისიის სხდომაზე განიხილეს საქართველოში საწვავზე არსებული ფასები და მისი შესაძლო შემცირების რესურსი.
აღინიშნა, რომ სასურსათო პროდუქციისგან განსხვავებით, ევროპულ ქვეყნებთან შედარებით საქართველოში საწვავის ფასები გაცილებით დაბალია, რაც მათ შორის განპირობებულია იმით, რომ აქციზის გადასახადი საქართველოში ევროპულ ქვეყნებში დაწესებულ შესაბამის გადასახადზე დაახლოებით 3-ჯერ ნაკლებია, თუმცა ამის მიუხედავად, გარკვეული დისკუსია ფასების შესაძლო შემცირებასთან დაკავშირებით შესაძლებელია.
მთავრობის მეთაურმა მოისმინა საწვავის კომპანიების წარმომადგენლების მოსაზრებები, როგორ აფასებენ ისინი ბაზარზე არსებულ მდგომარეობას, მიწოდების ჯაჭვის მუშაობას, ასევე ფასწარმოქმნის მექანიზმს.
შეხვედრა დისკუსიის ფორმატში წარიმართა. მხარეები შეთანხმდნენ, რომ სამუშაო რეჟიმში დიალოგი გაგრძელდება.
სასურსათო პროდუქციის, მედიკამენტებისა და საწვავის ფასებთან დაკავშირებით დისკუსია მომავალი კვირიდან საპარლამენტო კომისიის ფორმატში გადაინაცვლებს.
დღის ტოპ 10 სიახლე
სხვა სიახლეები
სამთავრობო საკოორდინაციო კომისიის ბოლო შეხვედრა იყო საწვავის ფასებთან დაკავშირებით, პროცესი გადაინაცვლებს საპარლამენტო ფორმატში, მიზანია, დეტალურად გავეცნოთ ბიზნეს პროცესებს - შოთა ბერეკაშვილი
30.01.2026.15:44
დღეს იყო შეხვედრა სამთავრობო კომისიის ფარგლებში საწვავის ფასებთან დაკავშირებით. ეს იყო ბოლო შეხვედრა, შესაბამისად, პროცესი გადაინაცვლებს საპარლამენტო ფორმატში, - განაცხადა დარგობრივი ეკონომიკისა და ეკონომიკური პოლიტიკის საპარლამენტო კომიტეტის თავმჯდომარე შოთა ბერეკაშვილმა სასურსათო პროდუქციის ფასებთან დაკავშირებით მოქმედი სამთავრობო საკოორდინაციო კომისიის ფორმატში საწვავის ფასებთან დაკავშირებით გამართული შეხვედრის შემდეგ.
მისი თქმით, პარლამენტში შეიქმნება ფასების შემსწავლელი კომისია და ეს კომისია შეისწავლის ფასებს საკვებ პროდუქტებზე, სწრაფი მოხმარების საგნებზე, მედიკამენტებსა და საწვავზე.
„ჩვენი მიზანია, რომ ამ კომისიის ფარგლებში შევხვდეთ ბიზნესის წარმომადგენლებს თითოეულ სექტორში, მოვუსმინოთ მათ, ასევე - ექსპერტებს. გვინდა, რომ ეს პროცესი იყოს მაქსიმალურად გამჭვირვალე და ინკლუზიური, რაც შეიძლება საზოგადოების მეტი ნაწილი ჩაერთოს პროცესში. საბოლოო ჯამში, კომისიის მიზანია, რომ დეტალურად გავეცნოთ ბიზნეს პროცესებს, რა საოპერაციო ხარჯებია ბიზნესში, რა პრობლემები აქვს ბიზნესს, რომ დავეხმაროთ, მაქსიმალურად ოპტიმიზაცია შეძლონ საოპერაციო ხარჯების, რაც შედეგობრივად აისახება სამომხმარებლო ფასებზე, კლების დინამიკაზე. მიგვაჩნია, რომ არსებობს რესურსი, თუ ბიზნესი, საზოგადოება, ექსპერტები, პარლამენტი ერთად მოვინდომებთ, რომ შევძლოთ ფასების შემცირება, როგორც სამომხმარებლო პროდუქტებზე, ასევე სწრაფი მოხმარების საგნებზე, მედიკამენტებზე. ძალიან დადებითად ვართ განწყობილი აღნიშნულ პროცესზე“, - განაცხადა შოთა ბერეკაშვილმა.
თბილისის ბიუჯეტი უპრეცედენტოდ დიდია, მაგრამ ამაზე გაჩერებას ჩვენ არ ვაპირებთ - ზურაბ აბაშიძე
30.01.2026.15:43
2026 წლის 1 იანვრიდან საქართველო შავი ზღვის ეკონომიკური ორგანიზაციის (BSEC) თავმჯდომარე ქვეყანა გახდა
29.01.2026.16:13
პრემიერ-მინისტრი ირაკლი კობახიძე შავი ზღვის ეკონომიკური თანამშრომლობის ორგანიზაციის გენერალურ მდივანს, ლაზარ კომანესკუს შეხვდა
29.01.2026.15:37
მთავრობის ადმინისტრაციის უფროსი ლევან ჟორჟოლიანი საფრანგეთის ელჩს ოლივიე კურტოს შეხვდა
29.01.2026.11:58
