მარიამ ქვრივიშვილი თურქეთის ტრანსპორტისა და ინფრასტრუქტურის მინისტრს შეხვდა - რა განიხილეს
ეკონომიკისა და მდგრადი განვითარების მინისტრი მარიამ ქვრივიშვილი თურქეთის ტრანსპორტისა და ინფრასტრუქტურის მინისტრს აბდულკადირ ურალოღლუს შეხვდა, რომელიც საქართველოში ვიზიტით იმყოფება.
ვიზიტის ფარგლებში, თურქეთის მინისტრი ორმხრივ მთავრობათაშორის ეკონომიკურ კომისიის სხდომაში მიიღებს მონაწილეობას, რომელიც მეექვსედ გაიმართება. მარიამ ქვრივიშვილი და აბდულკადირ ურალოღლუ კომისიის თანათავმჯდომარეები არიან.
შეხვედრაზე მინისტრებმა განიხილეს ორმხრივი სავაჭრო-ეკონომიკური ურთიერთობების პრიორიტეტული მიმართულებები. საუბარი შეეხო ქვეყნებს შორის თანამშრომლობის განვითარებას ისეთ სექტორებში, როგორიცაა: ორმხრივი ვაჭრობა, ტრანსპორტი და ლოგისტიკა, სამოქალაქო ავიაცია, ტურიზმი და სხვ. აღინიშნა, რომ თურქეთი ნომერი პირველი სავაჭრო პარტნიორი და რეგულარულად მოწინავე ინვესტორია.
ხაზი გაესვა ნაყოფიერ თანამშრომლობას ტრანსპორტის სფეროში. აღინიშნა, რომ სატრანზიტო დერეფნის როლის ეფექტური გამოყენება და რეგიონული ლოგისტიკური ჰაბის ფორმირება საქართველოს მთავრობის პრიორიტეტული მიმართულებაა, რომლის შემდგომი განვითარება მჭიდროდაა დაკავშირებული ქვეყნის საერთო სოციალურ-ეკონომიკურ განვითარებასთან.
ხაზი გაესვა ორი ქვეყნის მჭიდრო და ნაყოფიერ თანამშრომლობას როგორც ორმხრივ ისე მრავალმხრივ დონეზე. აღინიშნა, რომ საქართველო და თურქეთი აქტიურადაა ჩართულია ევროპასა და აზიას შორის სატრანსპორტო დერეფნების განვითარების არაერთ ინიციატივაში, მათ შორისაა ტრანს-კასპიური საერთაშორისო სატრანსპორტო მარშრუტი - შუა დერეფანი, რომელიც სულ უფრო მეტად იძენს აქტუალობას რეგიონალური კავშირების გაღრმავების, გლობალური ვაჭრობისა და ეკონომიკური განვითარების ხელშეწყობის თვალსაზრისით.
მარიამ ქვრივიშვილმა თურქ კოლეგას გააცნო საქართველოს მთავრობის ხედვა ქვეყნის სატრანსპორტო-ლოგისტიკური შესაძლებლობების გაძლიერების შესახებ და მიაწოდა დეტალური ინფორმაცია კონკრეტული პროექტების მიმდინარეობაზე, რომლებიც ხელს შეუწყობს ამ მიმართულებით ქვეყნის განვითარებას. მათ შორისაა, რკინიგზის მოდერნიზაცია, აღმოსავლეთ-დასავლეთის ავტომაგისტრალის მშენებლობა, ანაკლიის ღრმაწყლოვანი ნავსადგურის განვითარება, თბილისის ახალი საერთაშორისო აეროპორტი, ბაქო - თბილისი - ყარსის რკინიგზა და სხვ. შეხვედრაზე ხაზი გაესვა უფრო მეტად გააქტიურებას შუა დერეფნის კონკურენტუნარიანობის ამაღლებისა და მასში დამატებითი ტვირთების მოზიდვასთან დაკავშირებით.
შეხვედრაზე მინისტრებმა გამოხატეს მზადყოფნა ბაქო - თბილისი - ყარსის რკინიგზის სრულ ამოქმედებასთან დაკავშირებით.
თანამშრომლობა სამოქალაქო ავიაციის სექტორში კიდევ ერთი პრიორიტეტულ მიმართულებად დასახელდა. აღინიშნა, რომ 2025 წლის იანვარ-ივნისის პერიოდში პირდაპირი რეგულარული რეისების შედეგად ორ ქვეყანას შორის გადაყვანილმა მგზავრების რაოდენობამ შეადგინა 615 ათასზე მეტი მგზავრი, რაც 2024 წლის ანალოგიურ პერიოდთან შედარებით 5,97%-ით მეტია. ხაზი გაესვა, რომ ამჟამად თურქეთის 4 ავიაკომპანია ახორციელებს ქვეყნებს შორის კვირაში 100- ზე მეტი სიხშირით მგზავრების გადაყვანას, ასევე წარმატებით ფუნქციონირებს სატვირთო ავიაგადაზიდვებიც. ითქვა, რომ თურქეთის უმსხვილეს ავიაკომპანიასთან „თურქეთის ავიახაზებთან" მიმდინარეობს მუშაობა ახალი მიმართულების დაწყების შესახებ, რომელიც კიდევ უფრო გაზრდის თანამშრომლობას როგორც ავიაციის, ისე ტურიზმის სექტორში.
როგორც შეხვედრაზე აღინიშნა, გახშირებული ავია მიმოსვლა მნიშვნელოვნად უწყობს ხელს ორ ქვეყანას შორის ორ ქვეყანას შორის ტურისტული მიმოსვლის განვითარებაში - 2024 წლის მონაცემებით, თურქეთიდან საქართველოში შემოსულია 1,3 მლნ ვიზიტორზე მეტი და ამ მაჩვენებლით, თურქეთი მეორეა საქართველოში საერთაშორისო ვიზიტორების შემოსვლის მიხედვით.
შეხვედრაზე მხარეებმა ასევე განიხილეს ორი ქვეყნის თანამშრომლობა ინვესტიციების, სახმელეთო ტრანსპორტის, ჰიდროგრაფიისა და საზღვაო სფეროს, რკინიგზისა და სხვა მიმართულებით.
მარიამ ქვრივიშვილმა თურქეთის მინისტრი რიგით მეხუთე საერთაშორისო აბრეშუმის გზის ფორუმზე მოიწვია, რომელიც თბილისში 22–23 ოქტომბერს გაიმართება.
შეხვედრას ასევე დაესწრნენ საქართველოს ეკონომიკისა და მდგრადი განვითარების მინისტრის მოადგილეები გურამ გურამიშვილი და გენადი არველაძე, აგრეთვე საქართველოს ელჩი თურქეთში არჩილ კალანდია.
დღის ტოპ 10 სიახლე
სხვა სიახლეები
მაკა ბოჭორიშვილი სან-ფრანცისკოს მერთან შეხვედრისა და საქართველოსა და აშშ-ის ურთიერთობების შესახებ
05.06.2026.11:59
საქართველოს ვიცე-პრემიერმა, საგარეო საქმეთა მინისტრმა, მაკა ბოჭორიშვილმა აშშ-ში ვიზიტის ფარგლებში სან-ფრანცისკოს მერთან გამართული შეხვედრა შეაფასა და საქართველო-აშშ-ის თანამშრომლობის მნიშვნელობაზე ისაუბრა.
„სან-ფრანცისკოს მერთან შეხვედრაზე ვისაუბრეთ საქართველოსა და ქალაქს შორის თანამშრომლობაზე, ასევე იმ სიახლეზე, რომელიც გვაქვს სან-ფრანცისკოში - იცით, რომ იხსნება ინოვაციების ჰაბი, რომელიც იმუშავებს აქ, ამ ქალაქში და განსაკუთრებით მნიშვნელოვანია თანამშრომლობა ამერიკის შეერთებულ შტატებსა და საქართველოს შორის, იმისათვის, რომ სრული ხელშეწყობა ჰქონდეს ჩვენს გენერალურ საკონსულოს და ინოვაციების ჰაბს სან-ფრანცისკოში," - აღნიშნა მაკა ბოჭორიშვილმა.
ვიცე-პრემიერის შეფასებით, მნიშვნელოვანია საქართველოს აქტიური წარმოჩენა ამ მნიშვნელოვან ეკონომიკურ და ტექნოლოგიურ ცენტრში.
„აქ არის უამრავი შესაძლებლობა ქართული, ასევე ამერიკული ბიზნესებისთვის, რომ საქართველო უკეთ იყოს წარმოჩენილი ამ ქალაქში. რა თქმა უნდა, ჩვენთვის ძალიან მნიშვნელოვანია პოლიტიკური მხარდაჭერა და ხელშეწყობა. დღეს არსებული თანამშრომლობა არის კარგი, თუმცა ყოველთვის არის შესაძლებლობა, რომ უფრო მეტი გავაკეთოთ ამ თანამშრომლობის გასაღრმავებლად და ეს შეხვედრაც სწორედ ამას ემსახურებოდა," - განაცხადა მინისტრმა.
მაკა ბოჭორიშვილმა ასევე ისაუბრა საქართველო-აშშ-ის ორმხრივი ურთიერთობების განვითარებაზე. მინისტრის განცხადებით, აშშ-ის სახელმწიფო მდივნის მოადგილის ვიზიტი ადასტურებს იმ პოზიტიურ დინამიკას, რომელიც ბოლო პერიოდში ორ ქვეყანას შორის ურთიერთობებში შეინიშნება.
„საქართველოს დამოუკიდებლობის დღის აღსანიშნავ ღონისძიებაზე ამერიკის შეერთებული შტატები საკმაოდ მაღალ დონეზე იყო წარმოდგენილი. სახელმწიფო მდივნის მოადგილის ვიზიტი არის დემონსტრირება სწორედ იმ დამოკიდებულების, რასაც ბოლო პერიოდში ვხედავთ აშშ-ის ხელისუფლების მხრიდან საქართველოსთან მიმართებაში. ის ძლიერი გზავნილები, რომელიც მოვისმინეთ არის იმედისმომცემი, რომ საქართველოსა და ამერიკის შეერთებულ შტატებს შორის ურთიერთობები უფრო მეტად განვითარდება და გვექნება ახალი შესაძლებლობები, იმისათვის, რომ ორ ქვეყანას შორის ურთიერთობები მივიდეს ისეთ ნიშნულზე, რომელსაც იმსახურებს საქართველო და ამერიკის შეერთებული შტატები," - განაცხადა საგარეო საქმეთა მინისტრმა.
