გაეროს მსოფლიო ტურიზმის ორგანიზაციის გენერალური მდივნის თანამდებობაზე ზურაბ პოლოლიკაშვილის კანდიდატურა საქართველოს ხელისუფლებამ წარადგინა, თუმცა, მოგვიანებით მისი კანდიდატურა თავისივე გადაწყვეტილებით გაიწვია - მთავრობის ადმინისტრაცია

პოლიტიკა

დღევანდელი შეხვედრა გვექნება ბოსტნეულის, ხილის, წვენების და ჯემების მწარმოებელ კომპანიებთან. ჩვენი მიზანია, რომ ფასწარმოქმნის ჯაჭვის შესწავლა დავიწყოთ ქვემოდან ზემოთ - შოთა ბერეკაშვილი

13.02.2026.14:49

ჩვენი მიზანია, რომ ფასწარმოქმნის ჯაჭვის შესწავლა დავიწყოთ ქვემოდან ზემოთ, რაც ნიშნავს, რომ ჯერ ჩვენ შევხვდებით მწარმოებლებს, შემდეგ იმპორტიორებს და დისტრიბუტორებს, - განაცხადა სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი დროებითი კომისიის თავმჯდომარემ შოთა ბერეკაშვილმა „ქრონიკასთან“.

მისი თქმით, მნიშვნელოვანია, რომ პროცესი სწორად წარიმართოს. განსაკუთრებით მნიშვნელოვანია ადგილობრივი წარმოება.

„დღევანდელი შეხვედრა გვექნება ბოსტნეულის, ხილის, წვენების და ჯემების მწარმოებელ კომპანიებთან. ჩვენი მიზანია, რომ ფასწარმოქმნის ჯაჭვის შესწავლა დავიწყოთ ქვემოდან ზემოთ, რაც ნიშნავს, რომ ჯერ ჩვენ შევხვდებით მწარმოებლებს, შემდეგ იმპორტიორებს და დისტრიბუტორებს. ბოლო ეტაპზე შევხვდებით ქსელური მაღაზიების და სუპერმარკეტების წარმომადგენლებს. მნიშვნელოვანია, რომ პროცესი სწორად წარიმართოს. განსაკუთრებით მნიშვნელოვანია ადგილობრივი წარმოება. მიგვაჩნია, რომ საშუალო და მცირე წარმოება არის ეკონომიკის ზრდის ყველაზე მაღალი მაგენერირებელი. შემდეგ დაიწყება ანალიტიკის და შესწავლის ნაწილი. საბოლოო ჯამში, მივალთ იქ, რომ საუკეთესო მექანიზმებს ავამოქმედებთ, რომელიც მოგვცემს საშუალებას, რომ გავაუმჯობესოთ სექტორი“, - აღნიშნა ბერეკაშვილმა.

დღეს პარლამენტში სასურსათო პროდუქციის, მედიკამენტებისა და საწვავის ფასწარმოქმნის სტრუქტურის შემსწავლელი დროებითი კომისია მეორე სხდომას გამართავს.

იმ მძღოლებს და ავტომფლობელებს, რომლებიც შეიძენენ ავტომობილებს 2026 წლის 1 აპრილამდე და მათი ტრანსპორტირება საზღვარგარეთიდან დაიწყება 2026 წლის 1 აპრილამდე, ეს ცვლილება არ შეეხება - ალექსანდრე დარახველიძე 13.02.2026.14:04