ევროპის ენერგოუსაფრთხოებაზე საუბარი საქართველოს გარეშე წარმოუდგენელია - ილჰამ ალიევი
საქართველო-აზერბაიჯანს გვაერთიანებს სხვადასხვა პროექტი, რომლებსაც მნიშვნელობა აქვს არა მარტო ჩვენი ქვეყნებისთვის, არამედ მთელი მსოფლიოსთვის. ეს არის ნავთობისა და გაზის, ტრანსპორტის, კომუნიკაციების პროექტები. დიდი მნიშვნელობის პროექტებია და არა მარტო სამხრეთ კავკასიის, ევრაზიის სატრანსპორტო რუკას ქმნის, განაცხადა აზერბაიჯანის პრეზიდენტმა, ილჰამ ალიევმა საქართველოს პრეზიდენტ მიხეილ ყაველაშვილთან ერთად გამართულ პრესკონფერენციაზე.
მისი თქმით, ევროპის ენერგოუსაფრთხოებაზე საუბარი წარმოუდგენელია საქართველოს გარეშე.
„დღეს ჩვენ თუ ვისაუბრებთ ევროპის ენერგოუსაფრთხოებაზე, ეს წარმოუდგენელია საქართველოს გარეშე. აზერბაიჯანი საქართველოს გავლით 12 ქვეყანაში აწვდის თავის ნავთობსა და გაზს. ეს ხდება საქართველოს ტერიტორიის გავლით. სატრანსპორტო კომუნიკაციების სფეროებში გვაქვს პორტების, გზების ინფრასტრუქტურული პროექტები. შუა დერეფნის განუყოფელი ნაწილია ეს ჩვენი პროექტები. დღეს სამხრეთ კავკასიაში თუ ვისაუბრებთ შუა დერეფანზე, ეს აზერბაიჯანსა და საქართველოზე გამავალი კორიდორია და ჩვენი ქვეყნების ტერიტორიებზე გამავალი ტვირთების ოდენობა იზრდება“, – აღნიშნა ილჰამ ალიევმა.
მისივე განცხადებით, საქართველო-აზერბაიჯანის ურთიერთობები კიდევ უფრო განვითარდება და პრეზიდენტად არჩევის შემდეგ მიხეილ ყაველაშვილის პირველი ვიზიტი აზერბაიჯანში, მნიშვნელოვანია.
„საქართველო-აზერბაიჯანის ურთიერთობების შესახებ შემიძლია, ბევრი ვისაუბრო. მხოლოდ ის მინდა აღვნიშნო, რომ ამის შემდგომაც ჩვენი ურთიერთობები კიდევ უფრო განვითარდება. კიდევ ერთხელ მადლობას მოვახსენებ ბატონ პრეზიდენტს. დარწმუნებული ვარ, აზერბაიჯანელი ხალხი მაღალ შეფასებას აძლევს მის გადაწყვეტილებას. არჩევის შემდეგ პირველ ვიზიტს აქვს სიმბოლურობა და ამ ვიზიტის აზერბაიჯანში განხორციელება მეტად მნიშვნელოვანია ჩვენთვის. საქართველოს პრემიერ-მინისტრმაც არჩევნების შემდეგ პირველი ვიზიტი განახორციელა აზერბაიჯანში. ამისთვის ჩვენ მადლობლები ვართ და წარმატებებს გისურვებთ“, – განაცხადა ილჰამ ალიევმა.
დღის ტოპ 10 სიახლე
ევროპული ბიზნეს ასოციაციის (EBA) წევრები PSP ფარმას GDP სტანდარტის სერტიფიცირებულ საწყობს ესტუმრენ
სადაზღვევო სექტორი საქართველოს ფინანსური სისტემის სიმყარის ერთ-ერთი საფუძველია - ირაკლი ნადარეიშვილი
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
ლევან ჟორჟოლიანმა გაერო-ს წარმომადგენლებს საქართველოს მთავრობის პრიორიტეტები წარუდგინა, რომელიც საქართველოსა და გაერო-ს 2026-2030 წლების თანამშრომლობის ჩარჩოში იქნება გათვალისწინებული
02.05.2025.13:33
მთავრობის ადმინისტრაციის უფროსმა ლევან ჟორჟოლიანმა გაერო-ს სააგენტოებს საქართველოს მთავრობის პრიორიტეტები წარუდგინა, რომელიც საქართველოსა და გაერო-ს შორის 2026-2030 წლების თანამშრომლობის ჩარჩოში იქნება გათვალისწინებული.
მდგრადი განვითარების თანამშრომლობის მიმართულებები საქართველოს სახელმწიფო უწყებებისა და გაერო-ს სააგენტოების წარმომადგენლებმა დღეს გამართულ შეხვედრაზე განიხილეს.
ლევან ჟორჟოლიანის განცხადებით, გაეროსთან თანამშრომლობის მიმართულებით ქვეყანას ორი ძირითადი პრიორიტეტი აქვს, ესენია - ქვეყნის ეკონომიკური ზრდა და გაეროს მუშაობა საქართველოს ოკუპირებულ ტერიტორიებზე.
„განვიხილეთ 5 წლის განმავლობაში საქართველოსა და გაეროს თანამშრომლობის ძირითადი ასპექტები, პრიორიტეტები და მიმართულებები. ჩვენთვის ძალიან დიდი მნიშვნელობა აქვს ორ მიმართულებას, ეს არის გაერო-ს მუშაობა ოკუპირებულ ტერიტორიებზე და ეკონომიკური ზრდა, რომელიც უნდა იყოს მწვანე და ინკლუზიური. მნიშვნელოვანია, რომ ქვეყნის დოვლათი თანაბრად განაწილდეს, როგორც სასოფლო, ასევე ურბანულ არეალებზე. ასევე ვიმსჯელეთ სხვადასხვა პრიორიტეტებზე, რომელიც მომავალ წლებში საფუძვლად დაედება გაეროს ყველა სააგენტოსა და შესაბამისი სამინისტროების სამოქმედო გეგმას," - აღნიშნა მთავრობის ადმინისტრაციის უფროსმა.
შეხვედრის მონაწილეებს სიტყვით ასევე მიმართა გაეროს მუდმივმა კოორდინატორმა დიდიე ტღებიუკმა. მისი თქმით, გაეროს წარმომადგენლობა კონსულტაციებს მართავს საქართველოში პარტნიორ უწყებებთან, რათა ერთობლივად გაიწეროს პრიორიტეტები და განისაზღვროს, რა შეიძლება იყოს გაეროსთვის პრიორიტეტულად განსახორციელებელი მომდევნო 5 წლის განმავლობაში საქართველოში.
შეხვედრას გაეროს ყველა სააგენტოს ხელმძღვანელი პირი და მინისტრების მოადგილეები ესწრებოდნენ.
თბილისის საქალაქო სასამართლომ ბიძინა ივანიშვილის სარჩელი სრულად დააკმაყოფილა, გიორგი ბაჩიაშვილს 9000-მდე ბიტკოინის დაბრუნება დაევალა
01.05.2025.14:14
აშშ-სთან მიმდინარე დიალოგი ძალიან პოზიტიურია და ძალიან ბევრ საკითხში არის პოზიციების თანხვედრა ახალ ადმინისტრაციასთან - ლევან დავითაშვილი
01.05.2025.14:13
2024 წელს გვქონდა დადებითი მიგრაციული სალდო ჩვენი ამოცანაა მაქსიმალურად დავაბრუნოთ ჩვენი ემიგრანტები ჩვენს ქვეყანაში - ირაკლი კობახიძე
01.05.2025.12:00
გერქვას საქართველოს ჯარისკაცი, ეს ერთდროულად უდიდესი პატივი და უზარმაზარი პასუხისმგებლობაა - ირაკლი კობახიძე
30.04.2025.13:59
