ევროკავშირის კვლევაში საქართველო კორუფციისგან თავისუფლების ინდექსით უსწრებს ევროკავშირის კანდიდატ ყველა ქვეყანას, რაც განპირობებულია საქართველოს მთავრობის ბოლო პერიოდის რეფორმებითა თუ გადაწყვეტილებებით - ლევან ჟორჟოლიანი
ევროკავშირმა გამოაქვეყნა კვლევა, რომლის თანახმად საქართველო კორუფციისგან თავისუფლების ინდექსით უსწრებს ევროკავშირის კანდიდატ ყველა ქვეყანას და ასევე ევროკავშირის წევს სახელმწიფოებს, მათ შორისაა საბერძნეთი, იტალია, სლოვენია, სლოვაკეთი და ა.შ., - განაცხადა საქართველოს მთავრობის ადმინისტრაციის უფროსმა ლევან ჟორჟოლიანმა.
ლევან ჟორჟოლიანის შეფასებით, აღნიშნული განპირობებულია იმ რეფორმებითა თუ გადაწყვეტილებებით, რომლებიც ბოლო პერიოდის განმავლობაში იქნა მიღებული საქართველოს მთავრობის მიერ.
„ასევე, ყველანი ვხედავთ საქართველოს პროკურატურის, ანტიკორუფციული სააგენტოს და ფინანსთა სამინისტროს საგამოძიებო სამსახურის აქტიურ ქმედებებს კორუფციასთან ბრძოლის მიმართულებით. ვფიქრობთ, მომავალ წელს საქართველოს ექნება გაცილებით უკეთესი შედეგები, ვინაიდან, აბსოლუტურად შეიცვალა და რეფორმირდა შესყიდვების სისტემა, ასევე - მთავრობის ადმინისტრაციაში გაჩნდა დამატებითი საზედამხედველო ბერკეტები და მექანიზმები. ამბიციური გეგმები გვაქვს, შევიდეთ კორუფციისგან თავისუფალი ქვეყნების ევროპის საუკეთესო სამეულში. ეს რეფორმები, რომლებიც განხორციელდა განსაკუთრებით 2025 წლის მეორე ნახევარში, ვფიქრობ, 2026 წლის რეიტინგებში სწორედ ამ შედეგს მიგვაღწევინებს“, - აღნიშნა ლევან ჟორჟოლიანმა.
დღის ტოპ 10 სიახლე
Best Discovery-საქართველო m&i Transatlantic Vienna 2026-ის საქმიანი ტურიზმის ფორუმის გამარჯვებულია
სხვა სიახლეები
საქართველოს დღეს სომხეთის პრემიერ-მინისტრი ეწვევა
03.03.2026.12:39
საქართველოს 3-4 მარტს სამუშაო ვიზიტით სომხეთის რესპუბლიკის პრემიერ-მინისტრი ნიკოლ ფაშინიანი ეწვევა.
სომეხ კოლეგას საქართველოს პრემიერ-მინისტრი ირაკლი კობახიძე უმასპინძლებს. ორი ქვეყნის პრემიერ-მინისტრების პირისპირ შეხვედრის შემდეგ, ირაკლი კობახიძისა და ნიკოლ ფაშინიანის თანათავმჯდომარეობით, საქართველო-სომხეთის ეკონომიკური თანამშრომლობის მთავრობათაშორისი კომისიის სხდომა გაიმართება.
პრემიერ-მინისტრები მედიისთვის ერთობლივ განცხადებებს გააკეთებენ.
სომხეთის რესპუბლიკის პრემიერ-მინისტრი საქართველოს დელეგაციასთან ერთად ეწვევა, რომლის შემადგენლობაში პრემიერ-მინისტრის ადმინისტრაციის უფროსი არაიკ ჰარუთიუნიანი, საგარეო საქმეთა მინისტრი არარატ მირზოიანი, განათლების, მეცნიერების, კულტურის და სპორტის მინისტრი ჟანა ანდრეასიანი, ტერიტორიული მართვისა და ინფრასტრუქტურის მინისტრი დავით ხუდატიანი, ეკონომიკის მინისტრი გევორგ პაპოიანი და საგარეო საქმეთა მინისტრის მოადგილე ვაჰან კოსტანიანი არიან.
