ჩვენი ერთობლივი პროექტები ემსახურება არა მხოლოდ ეროვნულ ინტერესებს, არამედ წვლილი შეაქვთ როგორც რეგიონულ, ისე ევროპულ ენერგოუსაფრთხოებასა და დაკავშირებადობაში - აზერბაიჯანის ეკონომიკის მინისტრი
"სამმხრივი ეკონომიკური თანამშრომლობის ფორმატი და ჩვენი ბიზნესწრეების ფორუმი ძალიან მნიშვნელოვანი ნაბიჯია საქართველოს, აზერბაიჯანსა და თურქეთს შორის ეკონომიკური, სავაჭრო და საინვესტიციო ურთიერთობების შემდგომი გაღრმავების გზაზე" - ამის შესახებ აზერბაიჯანის რესპუბლიკის ეკონომიკის მინისტრმა, მიქაელ ჯაბაროვმა საქართველო - აზერბაიჯანი - თურქეთის სამმხრივი ბიზნესფორუმის ოფიციალური გახსნის ღონისძიების შემდეგ განაცხადა, რომელიც სამი ქვეყნის 350-ზე მეტი დელეგატის მონაწილეობით წინანდალში გაიმართა. ფორუმი საქართველოს ეკონომიკისა და მდგრადი განვითარების მინისტრმა მარიამ ქვრივიშვილმა, აზერბაიჯანის ეკონომიკის მინისტრმა მიქაელ ჯაბაროვმა და თურქეთის ვაჭრობის მინისტრმა ომერ ბოლატმა გახსნეს.
„ჩვენ ერთმანეთთან დაკავშირებულნი ვართ არამხოლოდ გეოგრაფიით, არამედ საუკუნოვანი მშვიდობიანი თანაარსებობით, მეგობრობითა და ნდობით. შემთხვევითი არ არის, რომ აზერბაიჯანული ინვესტიციები საქართველოს ეკონომიკაში 3 მილიარდ დოლარს აჭარბებს და ასობით აზერბაიჯანული კომპანიაა წარმოდგენილი სხვადასხვა სექტორში - ტურიზმში, უძრავ ქონებაში, წარმოებაში, სოფლის მეურნეობასა და სხვა სფეროებში. ვფიქრობ, ცალკე უნდა აღინიშნოს, რომ პროექტები, რომლებიც ჩვენმა ქვეყნებმა ერთობლივად განახორციელეს ენერგეტიკული უსაფრთხოების, სატრანსპორტო დერეფნებისა და ინფრასტრუქტურის განვითარების მიზნით, დღეს ემსახურება არამხოლოდ ჩვენი ერების ინტერესებს, არამედ წვლილი შეაქვთ როგორც ფართო რეგიონულ, ისე ევროპულ ენერგოუსაფრთხოებასა და დაკავშირებადობაში" - აღნიშნა ჯაბაროვმა.
მინისტრმა ხაზი გაუსვა საქართველოს ეკონომიკის აქტიური ზრდის დინამიკას და ეკონომიკური სექტორების განვითარებას.
„ძალიან გვიხარია საქართველოს მდგრადი ეკონომიკური ზრდა და ვულოცავთ ჩვენს მეგობრებსა და პარტნიორებს იმ შედეგებს, რომელსაც ქვეყანა აჩვენებს" - განაცხადა მიქაელ ჯაბაროვმა. მისივე შეფასებით, საქართველოს მომავალი მიმართულია ეკონომიკური კეთილდღეობის, მშვიდობიანი განვითარების, რეგიონული ვაჭრობისა და პარტნიორობის გაფართოებისკენ.
ბიზნესფორუმის ორგანიზატორი იყო საქართველოს ეკონომიკისა და მდგრადი განვითარების სამინისტრო და საქართველოს სავაჭრო-სამრეწველო პალატა, თანაორგანიზატორები კი Azpromo (აზერბაიჯანის ექსპორტისა და ინვესტიციების სააგენტო) და Deik (თურქეთის საგარეო ეკონომიკური ურთიერთობების საბჭო).
დღის ტოპ 10 სიახლე
სხვა სიახლეები
ტელეკომპანია „იმედის“ განცხადება
27.02.2026.10:41
ტელეკომპანია „იმედისთვის“ ერთადერთი ღირებული შეფასება ქართველი ხალხის ნდობაა. ამ ნდობის წყალობით, ჩვენ გვაქვს ყველაზე მაღალი რეიტინგი საქართველოში. მიუხედავად ჩვენ მიმართ ცინიკური არგუმენტებით თავდასხმისა და შექმნილი ხელოვნური აჟიოტაჟისა, ჩვენს მაყურებელს გვინდა ვუთხრათ, რომ „იმედს“ არანაირი, მათ შორის არც ფინანსური პრობლემა არ ექნება.
არასდროს გვქონია რეკლამის ან ინვესტიციების მოზიდვის პრობლემა. ძალიან დიდი მადლობა იმ კომპანიებსა თუ ორგანიზაციებს, რომლებმაც ბოლო დღეების განმავლობაში, ჩვენ მიმართ სოლიდარობა გამოხატეს და დააფიქსირეს, რომ „იმედს“ მათი ფინანსური მხარდაჭერა კვლავაც ექნება. მათ შორის, რამდენიმე ბანკმა, შესაძლო სირთულეების მიუხედავად, გამოთქვა მზადყოფნა საბანკო მომსახურება გაუწიოს ტელეკომპანიას.
ჩვენ კარგად გვაქვს გაცნობიერებული მათი ბიზნესსაქმიანობისთვის მოსალოდნელი რისკები (იქნება ეს ანტიპიარი, ფინანსური პრობლემები თუ სხვა), რაც დამატებით სპირალში შეგვიყვანს - ნამდვილად არ გვსურს, დარტყმის ქვეშ დავაყენოთ რომელიმე მათგანი და მათზე ნადირობა გამოაცხადონ ძალებმა, რომელთა უშუალო ჩართულობით, 2007 წლიდან მოყოლებული, უკვე მეორედ თავს დაესხნენ თავისუფალ მედიას და სიტყვის თავისუფლებას.
„ტელეიმედი“ დაბადებულია გამარჯვებისთვის. ჩვენ, ჩვეულ რეჟიმში, გაასმაგებული ენერგიით განვაგრძობთ საზოგადოების ინფორმირებას. ამავე დროს ყოველგვარი შეფერხების გარეშე უზრუნველვყოფთ აბსოლუტურად ყველა თანამშრომლის, სხვათა შორის უკვე გაზრდილ სახელფასო ანაზღაურებას და შესაბამისი საგადასახადო ვალდებულებების შესრულებას.
გარდა ამისა, საზოგადოებას ვაცნობებთ, რომ ჩვენ, „იმედის“ ჰოლდინგის ახალი დამფუძნებლები, ტელეკომპანიის ერთგული მეგობრებისა და სპონსორების ფინანსური მხარდაჭერით, ყველა შესაბამისი პროცედურის დაცვით, უმოკლეს ვადაში, სულ რამდენიმე თვეში, შევქმნით საკუთარ ბანკს, სახელწოდებით „იმედის ბანკი“.
აქ იმედია!
წინანდალის ფორუმი საქართველოს, თურქეთსა და აზერბაიჯანს შორის იყო, როგორც დავოსის ფორუმი კასპიისა და კავკასიის რეგიონისთვის - ომერ ბოლატი
26.02.2026.17:58
გადავდივართ მეორე საფეხურზე, რომელიც გახლავთ იმპორტიორი დისტრიბუტორები - პირველ რიგში ვხვდებით საშუალო იმპორტიორ-დისტრიბუტორებს | შოთა ბერეკაშვილი
25.02.2026.09:37
