ჩვენი ეროვნული ამოცანა არის ქვეყნის გამთლიანება და მოსახლეობის კეთილდღეობის ზრდა - შალვა პაპუაშვილი
ჩვენი ეროვნული ამოცანა არის ქვეყნის გამთლიანება და მოსახლეობის კეთილდღეობის ზრდა. ჩვენ ამ ცივილიზაციის ნაწილი კი არ უნდა გავხდეთ და ევროპაში კი არ უნდა შევიდეთ, ჩვენ უკვე ამის ნაწილი ვართ. ამ ნაწილებს შეიძლება სხვადასხვა ფორმა ჰქონოდა საუკუნეების განმავლობაში, მაგრამ ჩვენ ამის ნაწილი ვართ. ჩვენ ვართ ევროპა და დასავლური ცივილიზაცია, - განაცხადა საქართველოს პარლამენტის თავმჯდომარემ შალვა პაპუაშვილმა ჟურნალისტებთან.
„ახლა რასაც ვუყურებთ ეს ხომ არის პირდაპირი სცენარი, რა იქნებოდა 2022 წლის თებერვალში, ამ ოპოზიციის ნებისმიერი წარმომადგენელი რომ ყოფილიყო ხელისუფლებაში, ან ჩვენ დაგვეჯერებინა მაშინ ოპოზიციისთვის. საქართველო იქნებოდა დანგრეული, მგლოვიარე, რომელსაც სახვეწარი ექნებოდა მშვიდობა“, - დასძინა მან.
პარლამენტის თავმჯდომარე გამოეხმაურა იმ ბრალდებას, თითქოს საქართველო იზოლაციაშია მოქცეული და აღნიშნა, რომ ეს პროპაგანდა იმ ადამიანების მოფიქრებულია, ვისაც ჩვენს ქვეყანაში მარიონეტული ხელისუფლების მოყვანა სურს.
„ჩვენს ქვეყანაში არანაირი იზოლაცია არ არსებობს. როგორ შეიძლება იზოლაცია იყოს და 11,1%-იანი ეკონომიკური ზრდა გვქონდეს?! არსებობს პოლიტიკური ჯგუფი, რომელსაც აქვს კონკრეტული ინტერესი საქართველოს მიმართ, რომ საქართველო გამოიყენონ იარაღად ამ გლობალურ ომსა და პროქსიომში. ის, რომ საქართველო თავს არ აყენებინებს იარაღად, ამის გამო ვიღაცები ეძებენ გზებს როგორ შეცვალონ ეს მდგომარეობა. მოიყვანონ მარიონეტული ხელისუფლება საქართველოს სათავეში, რომელიც შემდეგ მათ მითითებებს შეასრულებს. ეს პროპაგანდა, რომ თითქოს ქვეყანა იზოლაციაშია, მათივე მოფიქრებულია“, - აღნიშნა შალვა პაპუაშვილმა.
დღის ტოპ 10 სიახლე
სხვა სიახლეები
საქართველო სახელმწიფო შესყიდვების კეთილსინდისიერებით ევროპის საუკეთესო სამეულშია, უსწრებს ევროკავშირის ყველა ქვეყანას და კანდიდატ ქვეყნებს, აღნიშნული გამოწვეულია იმ გადაწყვეტილებებითა თუ რეფორმებით, რომლებიც სახელმწიფო შესყიდვების სფეროშია დაგეგმილი - ლევან ჟორჟოლიანი
12.12.2025.13:36
ევროპის ანტიკორუფციული კვლევის ცენტრის ანგარიშის მიხედვით, საქართველო სახელმწიფო შესყიდვების კეთილსინდისიერებით ევროპის საუკეთესო სამეულშია, - ამის შესახებ საქართველოს მთავრობის ადმინისტრაციის უფროსმა ლევან ჟორჟოლიანმა განაცხადა.
როგორც ლევან ჟორჟოლიანმა აღნიშნა, საქართველოს უსწრებს მხოლოდ ისლანდია და შვეიცარია.
„საქართველოს უსწრებს ევროკავშირის ყველა ქვეყანას და ასევე, კანდიდატ ქვეყნებს. აღნიშნული გამოწვეული არის იმ გადაწყვეტილებებითა თუ რეფორმებით, რომლებიც სახელმწიფო შესყიდვების სფეროშია დაგეგმილი. ჩვენ ვფიქრობთ, რომ მომავალ წელს გვექნება უკეთესი შედეგები, ვინაიდან, გამჭვირვალობის კუთხით მიღებულ იქნა უპრეცედენტო გადაწყვეტილება, სახელმწიფო შესყიდვებში ბაზრის კვლევის ეტაპის გაელექტრონულებასთან დაკავშირებით. შექმნილია MRS სისტემა, რომელიც არის აბსოლუტურად ქართული ნოუჰაუ. ბაზრის კვლევები ჩატარდება სრულად ელექტრონული მეთოდით, რაც ფაქტობრივად გამორიცხავს ნებისმიერ კორუფციულ რისკს, აზღვევს 99%-ით. პრემიერის გაცხადებული პოლიტიკაა, რომ ევროპის სამეულში უნდა შევიდეთ კორუფციის სიმცირით, ხოლო სახელმწიფო შესყიდვების გამართვა არის ამ პოლიტიკის ძალიან დიდი და მნიშვნელოვანი ნაწილი", - განაცხადა ლევან ჟორჟოლიანმა.
საქართველოს პრემიერ-მინისტრი ირაკლი კობახიძე თურქმენეთის პრეზიდენტ სერდარ ბერდიმუჰამედოვს შეხვდა
11.12.2025.16:43
მნიშვნელოვანია, რომ ევროპასა და აზიას შორის ტვირთების გადაზიდვა სწრაფად, უსაფრთხოდ და ეფექტური რეგულაციით მოვახდინოთ - თამარ იოსელიანი
10.12.2025.16:14
აჭარის ფინანსთა და ეკონომიკის მინისტრი ედნარ ნატარიძე, "აჭარაში ბიზნესის შესაძლებლობები და გამოწვევები" - ამ თემაზე გამართულ შეხვედრას დაესწრო
10.12.2025.15:24
ბექა მიქაუტაძე დედაქალაქის მერის მიერ „რევმატოიდული ართრიტის სამკურნალო მედიკამენტების დაფინანსების“ პროგრამასთან დაკავშირებულ განცხადებას ეხმაურება
10.12.2025.13:43
საკანონმდებლო ორგანომ „უმაღლესი განათლების შესახებ“ კანონში ცვლილებები პირველი მოსმენით მიიღო
09.12.2025.20:01
