ანტიკორუფციული მიმართულებით პრაქტიკულად ბოლომდე აღმოფხვრილი უნდა იყოს კორუფცია და ადამიანებმა უნდა დაიჯერონ, რომ შეიძლება იყო მაღალი თანამდებობის პირი და კორუფციული არანაირი გარიგების თანამონაწილე არცერთ მომენტში არ იყო, - განაცხადა სუს-ის უფროსმა მამუკა მდინარაძემ ჟურნალისტებთან. 

„როგორ შეგპირდეთ, რომ სუს-ი ბოლომდე გახსნილი იქნება, როგორც ქართველები ვიტყვით ხოლმე, ჩემ მტერს ბოლომდე გახსნილი უსაფრთხოების სამსახური. თავისი ფუნქცია აქვს მას თითოეულ რგოლში და ვფიქრობ, რომ თავისი ფუნქციების შესრულების დროს, სპეცსამსახურების ნიშა, საიდუმლო ნაწილი ძალიან, ძალიან მნიშვნელოვანია. თუმცა, მეტ გახსნილობას შემიძლია დაგპირდეთ. 

დღესაც კი, უსაფრთხოების სამსახური შეიძლება ასოცირდებოდეს მოსმენასთან და მსგავს საკითხებთან. კანონიერი მოსმენა, შეიძლება იყო სუს-ის საქმიანობის ნული მთელი რაღაც პროცენტი. შესაბამისად, იმდენად დიდია ფუნქციონალი თითოეული რგოლისა. ჩვენ არ უნდა დაგვავიწყდეს, რომ ანტიტერორისტული, სადაზვერვო, კონტრდაზვერვის, ანტიკორუფციული მიმართულება გვაქვს, სადაც ჩვენ სერიოზული შედეგები უნდა გვქონდეს. მაგალითად, ანტიკორუფციული მიმართულებით პრაქტიკულად ბოლომდე აღმოფხვრილი უნდა იყოს კორუფცია და ადამიანებმა უნდა დაიჯერონ, რომ შეიძლება იყო მაღალი თანამდებობის პირი და კორუფციული არანაირი გარიგების თანამონაწილე არცერთ მომენტში არ იყო. ეს შესაძლებელია, ეს უნდა დაიჯეროს ხალხმა და ეს უნდა უზრუნველვყოთ რეალური მოქმედებებით, არა ზედმეტი სიხისტით და ზედმეტად მკაცრი და საჩვენებელი მიდგომებით, არამედ რეალური ბრძოლით კორუფციასთან“, - აღნიშნა მდინარაძემ.