11 ივნისს ბუდაპეშტში საქართველო-უნგრეთის მთავრობათაშორისი სამიტი გაიმართება
საქართველოს პრემიერ-მინისტრი ირაკლი კობახიძე 11-12 ივნისს ოფიციალური ვიზიტით უნგრეთს ეწვევა.
11 ივნისს უნგრეთის პრემიერ-მინისტრის სასახლეში საქართველოს პრემიერ-მინისტრის დახვედრის ოფიციალური ცერემონია გაიმართება. ქართველ კოლეგას უნგრეთის პრემიერ-მინისტრი ვიქტორ ორბანი პირისპირ შეხვედრაზე უმასპინძლებს. ორმხრივ ფორმატში მოლაპარაკებები შედგება ორი ქვეყნის მინისტრთა კაბინეტის წევრებს შორის.
ოფიციალური ვიზიტის ფარგლებში ბუდაპეშტში საქართველო-უნგრეთის მთავრობათაშორისი კომისიის მეორე სხდომა გაიმართება. გაფორმდება შეთანხმებები სოფლის მეურნეობის, ენერგეტიკის, კულტურისა და ინოვაციების, ასევე სპორტის სფეროში ურთიერთთანამშრომლობის შესახებ.
მთავრობათაშორისი კომისიის სხდომის შემდეგ დაგეგმილია ირაკლი კობახიძის და ვიქტორ ორბანის ერთობლივი პრესკონფერენცია.
უნგრეთში ოფიციალური ვიზიტის ფარგლებში საქართველოს პრემიერ-მინისტრი შეხვედრებს გამართავს უნგრეთის პრეზიდენტ ტამაშ შუიოკთან და უნგრეთის ეროვნული ასამბლეის სპიკერ ლასლო კოვერთან.
დღის ტოპ 10 სიახლე
სხვა სიახლეები
ქალთა და ბავშვთა საკითხებზე მომუშავე პარლამენტის დროებითმა კომისიამ საქმიანობის პრიორიტეტები განსაზღვრა
12.06.2025.13:58
ქალთა და ბავშვთა საკითხებზე მომუშავე პარლამენტის დროებითმა კომისიამ კომისიის წევრთა საქმიანობის მიმართულებები განსაზღვრა.
როგორც კომისიის თავმჯდომარემ მარიამ ლაშხმა განაცხადა, კომისიის საქმიანობის პრიორიტეტები იქნება: ბავშვების დაცვა და შესაძლებლობების გაზრდა ციფრულ სამყაროში, ქალთა პოლიტიკური გაძლიერება, ოჯახის გაძლიერება და დემოგრაფია.
„ქალთა პოლიტიკური გაძლიერება განსაკუთრებით მნიშვნელოვანია მოახლოებული მუნიციპალური არჩევნების ჭრილში, იმისათვის, რომ უფრო მეტი ქალი იყოს პოლიტიკაში წარმოდგენილი, კომისია კონკრეტულ აქტივობებს დაგეგმავს.
სამომავლო ღონისძიებების ჩატარების მიზნით, სხდომაზე ასევე ვისაუბრეთ ქალთა და ბავშვთა საკითხებთან დაკავშირებული მნიშვნელოვანი თარიღების განსაზღვრაზე.
დღეს მეხანძრე-მაშველების დღეა და მინდა მივულოცო ამ პროფესიაში ჩართულ მცირერიცხოვან ქალებს პროფესიული დღე. აქვე უნდა აღინიშნოს, რომ იშვიათ პროფესიებში ქალთა ჩართულობა ერთ-ერთი მნიშვნელოვანი კონცენტრირების საგანია", - აღნიშნა მარიამ ლაშხმა შეხვედრის დასრულების შემდეგ.
უნგრეთთან მეორე სამიტი თანამშრომლობის, ფაქტობრივად, ყველა მიმართულებას შეეხებოდა - ლევან დავითაშვილი
12.06.2025.09:53
უნგრეთის პრემიერ-მინისტრის სასახლეში საქართველოს პრემიერ-მინისტრის დახვედრის ოფიციალური ცერემონია გაიმართა
11.06.2025.17:52
შალვა პაპუაშვილმა სახელმწიფო აუდიტის სამსახურის თანამშრომლებს გენერალური აუდიტორი გიორგი გაბიტაშვილი წარუდგინა
11.06.2025.17:51
მარიამ ქვრივიშვილმა ტაილანდის ავიაკომპანიის Thai AirAsia X - ის წარმომადგენლებთან სამომავლო თანამშრომლობა განიხილა
10.06.2025.17:06
დღეს ჩვენ ვწერთ ქვეყნის ეკონომიკური პოლიტიკის წარმატების ახალ ისტორიას - ვახტანგ თურნავა
10.06.2025.13:45
