შესაძლებელია, იანვრის ბოლო გახდეს საქართველოში გრიპისა და გრიპისმაგვარი შემთხვევების მაქსიმალური გამოვლენის პერიოდი - ივანე ჩხაიძე
საქართველოში გრიპის შემთხვევების რაოდენობა ყოველკვირეულად მატულობს და სავარაუდოდ, ეს პროცესი შემდეგი კვირების განმავლობაშიც გაგრძელდება, - განაცხადა იაშვილის სახელობის ბავშვთა ცენტრალური საავადმყოფოს სამედიცინო დირექტორმა, ივანე ჩხაიძემ სეზონურ ვირუსებზე საუბრისას.
მისივე თქმით, გრიპის ვირუსის შემთხვევები წინა წლების ანალოგიურ პერიოდთან შედარებით 2-ჯერ ნაკლებია.
„ბოლო 4 კვირის განმავლობაში გრიპის შემთხვევები მატულობს. დღეისთვის ის პასუხი, რასაც გვაძლევს ლუგარის ლაბორატორია მიუთითებს იმაზე, რომ მწვავე რესპირაციულ-ვირუსულ ინფექციებს შორის გრიპის ხვედრითი წილი 40%-ია, რაც იმას ნიშნავს, რომ ყველაზე მეტი შემთხვევა ფიქსირდება სწორედ გრიპით გამოწვეული, ეს არის როგორც ჰოსპიტალიზაციის, ასევე შემთხვევები ამბულატორიულ პრაქტიკაში. რაც ასევე ნიშნავს იმას, რომ დღეს საქართველოში დომინანტური ვირუსია.
მომდევნო კვირეების განმავლობაში მატების ეს დინამიკა შენარჩუნდება და შესაძლებელია, იანვრის ბოლო გახდეს საქართველოში გრიპისა და გრიპისმაგვარი შემთხვევების მაქსიმალური პერიოდი. 100 ათას მოსახლეზე გადათვლით წლევანდელი მონაცემი არ არის უფრო მეტი ვიდრე შარშან ან შარშანწინ იყო. პირიქით, 2 წლის უკან, ამავე პერიოდში, გრიპისა და გრიპისმაგვარი შემთხვევების რაოდენობა ორჯერ მეტი იყო“, - განაცხადა ჩხაიძემ.
დღის ტოპ 10 სიახლე
სხვა სიახლეები
21.02.2026.03:28
მომზადებულია ყველა საჭირო წინაპირობა და მომდევნო თვეების განმავლობაში გადამოწმდებიან ოჯახები სამინისტროს მიერ განსაზღვრული პროგრამის მიხედვით - მიხეილ სარჯველაძე სოციალურად დაუცველთა ბაზაში რეგისტრირებულთა გადამოწმებაზე
20.02.2026.11:51
ჯანდაცვის სამინისტრო სოციალურად დაუცველთა ბაზის გადამოწმებას იწყებს. აღნიშნულთან დაკავშირებით დევნილთა, შრომის, ჯანმრთელობისა და სოციალური დაცვის მინისტრმა, მიხეილ სარჯველაძემ, განცხადება ბრიფინგზე გააკეთა.
მიხეილ სარჯველაძის განცხადებით, ოჯახების გადამოწმებისთვის ყველა საჭირო წინაპირობა უკვე მომზადებულია და მომდევნო თვეების განმავლობაში გადამოწმდებიან, შესაბამისი პროგრამის მიხედვით.
„გადამოწმების წარმართვისთვის მომზადებულია ყველა საჭირო წინაპირობა და მომდევნო თვეების განმავლობაში გადამოწმდებიან ოჯახები სამინისტროს მიერ განსაზღვრული პროგრამის მიხედვით, რა დროსაც, პრიორიტეტულად შემოწმდებიან ოჯახები, რომელთა შემთხვევაშიც, სხვადასხვა ფაქტორების გამო, მაღალია ალბათობა, რომ ისინი არ აკმაყოფილებენ იმ პირობებს, რომლის გამოც და რომლის შემთხვევაშიც, მოქმედი კანონმდებლობის შესაბამისად, მათ ეკუთვნით შემწეობა. მაგალითად, ერთ-ერთ ასეთ საფუძვლად განისაზღვრება უკანასკნელი 3 თვის განმავლობაში 2000 ლარიანი შემოსავლის მიღება ყოველთვიურად,“- განაცხადა მიხეილ სარჯველაძემ.
