რას სთავაზობს რესპუბლიკური საავადმყოფოს პერსონალს სამინისტრო - ზურაბ აზარაშვილის განმარტება
საქართველოს ჯანდაცვის მინისტრმა ზურაბ აზარაშვილმა ტელეკომპანია „იმედის“ ეთერში განაცხადა, რომ რესპუბლიკური საავადმყოფოს ძველი შენობის ნგრევა გარდაუვალია და მის ნაცვლად ახალი კლინიკა აშენდება.
„70-იან წლებშია აშენებული შენობა და შეუძლებელია, ის დღევანდელ მოთხოვნებს პასუხობდეს, ამის მიღწევაც ფაქტობრივად შეუძლებელია. გადაწყვეტილება მიღებულია, რომ შენობის წინა მხარე, რომელიც შედარებით ადრეა 10-12 წლის წინაა აშენებული, დარჩება. თუმცა კლინიკად ისიც ვერ გამოდგება და მას გამოვიყენებთ იმ შენობის საოფისე ფართებად, რომელიც მის უკან აშენდება. ეს იქნება თანამედროვე სტანდარტებით აშენებული ახალი შენობა, ფაქტობრივად ახალი კლინიკა.
რაც შეეხება სამედიცინო პერსონალს, რომელიც დღეს რესპუბლიკურ საავადმყოფოშო მუშაობს, ყველანაირ გარანტიას ვაძლევთ რომ მათ ნაწილს თუ სრულად არა, სხვადასხვა კლინიკაში დავასაქმებთ. ან თუ ვერ დავასაქმებთ ჩვენ გარანტირებულად შევძლებთ სახელფასო ანაზღაურების სრულად შენარჩუნებას. ეს დაახლოებით სამწლიანი პროექტია, გახსნამდე დაახლოებით 6 თვით ან ერთი წლითა ადრე, კონკურსის წესით შევარჩევთ სამედიცინო პერსონალს, რომელიც ახალ რესპუბლიკურში იმუშავებს და მედპერსონალიც არ დარჩება ღირსეული ანაზრაურების გარეშე”,-აცხადებს აზარაშვილი.
მანამდე ექიმების ჯგუფმა საავადმყოფოს დახურვის შესახებ განცხადება Facebook-ზე გაავრცელა.
ამავე თემაზე:
სხვა სიახლეები
მიხეილ სარჯველაძე ევროპის პროფესიული კავშირების კონფედერაციის (ETUC) წარმომადგენლებს შეხვდა
24.07.2025.10:27
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი მიხეილ სარჯველაძე, ევროპის პროფესიული კავშირების კონფედერაციის (ETUC) წარმომადგენლებსა და საქართველოს პროფკავშირების გაერთიანების თავმჯდომარე ირაკლი პეტრიაშვილს შეხვდა.
მხარეებმა, შრომისა და სოციალური დაცვის სფეროში არსებული ვითარება, მიმდინარე რეფორმები და თანამშრომლობის პერსპექტივები განიხილეს. განსაკუთრებული ყურადღება გამახვილდა შრომის უსაფრთხოებაზე, შრომითი პირობების კიდევ უფრო გაუმჯობესებაზე, სოციალური დიალოგის განვითარებასა და დასაქმებულთა უფლებების ეფექტიან დაცვაზე.
მინისტრმა, ევროპის პროფკავშირების გაერთიანების წარმომადგენლებს, მხარდაჭერისთვის, მადლობა გადაუხადა და აღნიშნა, რომ საერთო ღირებულებების საფუძველზე, მათი თანამშრომლობა მომავალში კიდევ უფრო გაღრმავდება. თავის მხრივ, ევროპის პროფკავშირების წარმომადგენლებმა, დადებითად შეაფასეს საქართველოში მიმდინარე პროცესები.
შეხვედრის დასასრულს, მხარეებმა, არსებული საკითხების გადასაწყვეტად, მჭიდრო და აქტიური თანამშრომლობის მზაობა გამოხატეს.
გლობალურ ბაზრებზე დაფიქსირებულმა ზრდამ განსაკუთრებით პოზიტიურად იმოქმედა დინამიკურ პორტფელზე და ივნისის თვის ამონაგებმა 2.39% შეადგინა - საპენსიო ფონდი
10.07.2025.15:39
მიხეილ სარჯველაძე ფსიქოტროპული მედიკამენტების იმპორტი-რეალიზაციისა და და ჩანაცვლებითი თერაპიის შესახებ
25.06.2025.19:15
„რევმატოიდული ართრიტის სამკურნალო მედიკამენტების დაფინანსება“ კიდევ ერთი წინგადადგმული ნაბიჯია - ზურაბ ჩიკვილაძე
25.06.2025.12:26
თბილისის მერია რევმატოიდული ართრიტის სამკურნალო ძვირადღირებულ მედიკამენტს დააფინანსებს
25.06.2025.11:16
