ევექსი ჰოსპიტლებმა 2022 წლის „სიცოცხლის ელჩები“ საზეიმო ღონისძიებაზე გამოავლინა
70 ნომინანტი და 39 გამარჯვებული - ევექსი ჰოსპიტლების მასშტაბური პროექტის, „სიცოცხლის ელჩების“ მორიგი, მეოთხე სეზონი დასრულდა.
პროექტი მედპერსონალისადმი მადლიერების გამოხატვას ემსახურება და მათ ყოველდღიურ გმირობას წარმოაჩენს. აერთიანებს ამაღელვებელ ისტორიებს, გვაცნობს იმ ექიმებსა და ექთნებს, რომელთაც სწორედ ადამიანების გადარჩენისთვის მიიღეს სიცოცხლის ელჩის წოდება. სამედიცინო შემთხვევები უნიკალურია ისევე, როგორც განუმეორებელია მედპერსონალის თავდაუზოგავი შრომა იშვიათი დიაგნოზის გამოვლენისა და მკურნალობისთვის, ექსტრემალურ სიტუაციებში პაციენტების გადარჩენისა და მათი სიცოცხლის ხარისხის გაუმჯობესებისთვის.
„სიცოცხლის ელჩები“ სწორედ ჰოსპიტლების კედლებს მიღმა დარჩენილ დაუჯერებელ ისტორიებს აერთიანებს და საზოგადოებას დოკუმენტური ვიდეორგოლების სახით აწვდის. პროექტი, რომელიც 2019 წლიდან ტარდება, ყოველწლიურად ასახელებს სხვადასხვა ნომინაციას, ვინაიდან მოიცავს როგორც გადარჩენის, ასევე - ახალი თაობისთვის საუკეთესო გამოცდილებისა და ცოდნის გაზიარების გამორჩეულ პრეცენდენტს.
წელს პროექტმა 10 სხვადასხვა ნომინაცია, 24 ვიდეორგოლი და ამდენივე განსაკუთრებული სამედიცინო შემთხვევა გააერთიანა და 3 მილიონამდე ნახვა დააგროვა. 2022 წელს ვიდეორგოლებისთვის მიცემული ხმების რეკორდული რაოდენობა დაფიქსირდა და 33 371-ს მიაღწია. ხმის მიცემის პროცესში „ევექსი ჰოსპიტლების“ თანამშრომლებმა მიიღეს მონაწილეობა. სწორედ მათ გამოავლინეს გამარჯვებულები შემდეგ ნომინაციებში: წლის სიცოცხლის გაუმჯობესებული ხარისხი, წლის გადარჩენილი სიცოცხლე, წლის გადარჩენილი სიცოცხლე (პედიატრია), წლის გუნდი, წლის გუნდი (პედიატრია), წლის დებიუტი, წლის მასწავლებელი, წლის ექთანი, წლის ექსტრემალური გადაწყვეტილება, ექსპერტთა საბჭოს წლის პროექტი.
საზეიმო ღონისძიება წელს „შატო მუხრანში“ ჩატარდა, სადაც სპეციალურად სიცოცხლისთვის მებრძოლი მედპერსონალისთვის საუკეთესო კომპოზიციები შეასრულა თბილისის სიმფონიურმა ორკესტრმა ვახტანგ კახიძის ხელმძღვანელობით.
მედპერსონალის დაფასების მასშტაბური პროექტი 2024 წლიდან კვლავ გაგრძელდება. ნომინაციებზე წარდგენილი კანდიდატების, მათი გამორჩეული სამედიცინო შემთხვევებისა და ყოველდღიური მოღვაწეობის შესახებ გადაღებული დოკუმენტური ვიდეორგოლების ნახვა შესაძლებელია სპეციალურად შექმნილ პლატფორმაზე www.elchebi.ge.
დღის ტოპ 10 სიახლე
სხვა სიახლეები
დასავლეთ საქართველოს სამედიცინო ცენტრში სასწრაფო დახმარების სერვისმა „ვიან კარდიო-ნეირო" დაიწყო მუშაობა
24.02.2026.13:03
ამერიკის საერთაშორისო კომისიის (AACI) მიერ აკრედიტებულ დასავლეთ საქართველოს სამედიცინო ცენტრში, ფუნქციონირება დაიწყო სპეციალურად აღჭურვილმა სასწრაფო დახმარების სერვისმა - ვიან კარდიო-ნეირო, რომელიც განკუთვნილია გადაუდებელი კარდიოლოგიური და ნევროლოგიური პაციენტებისთვის. სერვისი ამ ეტაპზე მხოლოდ ქუთაისის მასშტაბით ოპერირებს.
სერვისი დაფუძნებულია პაციენტის დროულ და უსაფრთხო მართვაზე. გამოძახების (16 003) შემთხვევაში ადგილზე ფასდება ჯანმრთელობის მდგომარეობა, გადაუდებელი სამედიცინო რეაგირება და საჭიროების შემთხვევაში — სწრაფი და უსაფრთხო ჰოსპიტალიზაცია დასავლეთ საქართველოს სამედიცინო ცენტრში, სადაც მაღალპროფესიონალური, მულტიდისციპლინური გუნდის მხრიდან ხდება ყოვლისმომცველი კარდიოლოგიური და ნევროლოგიური მაღალტექნოლოგიური კვლევების, ინტერვენციული ან/და ქირურგიული მკურნალობის სრული სპექტრის ჩატარება.
სასწრაფო დახმარების მაღალკვალიფიციური გუნდი, თანამედროვე, სპეციალიზებული სატრანსპორტო საშუალება და ბრიგადისთვის შექმნილი ინფრასტრუქტურა უზრუნველყოფს ვიან კარდიო-ნეიროს სერვისის უწყვეტ, ზუსტ და პროფესიონალურ ფუნქციონირებას. შედეგად, ყოველი გამოძახება სრულად კოორდინირებული პროცესია, რომელიც ხორციელდება გამოცდილ ემერჯენსი სერვისთან პარტნიორობით — პაციენტის უსაფრთხოებისა და სიცოცხლის დაცვის უმაღლესი სტანდარტით.
დასავლეთ საქართველოს სამედიცინო ცენტრი კვლავ აგრძელებს ზრუნვას, პაციენტთათვის თანამედროვე მკურნალობის მეთოდების, სამედიცინო სერვისების ხელმისაწვდომობისა და ახალი ინოვაციების დანერგვის გზით.
როცა სიცოცხლეს წუთები წყვეტს — მოქმედებს ვიან კარდიო-ნეირო 24/7-ზე.
16 003
