ჩემს ძალიან ღრმა სიზმრებში შესაძლოა ვოცნებობდი განსაკუთრებულ თამაშზე, თუმცა ვერასდროს წარმოვიდგენდი იმას, რომ ეს იქნებოდა ევროპის ჩემპიონატზე და ეს იქნებოდა მერვედფინალში - გიორგი გველესიანი
საქართველოს ეროვნული ნაკრების ფეხბურთელმა, გიორგი გველესიანმა გადაცემაში „ნოესთან“ მის მიერ განვლილ გზაზე ისაუბრა და ბავშვობის ოცნებები და ფიქრები გაიხსენა. მისი თქმით, ვერც ერთ სიზმარსა თუ ოცნებაში ვერ წარმოიდგენდა ევროპის ჩემპიონატზე მიღწეულ შედეგებს.
„როდესაც უკვე რაღაც ასაკში შედიხარ, ფაქტობრივი გარემოებაა ისეთი, რომ რეალობას თვალი უნდა გაუსწორო. როცა ბავშვი ხარ ოცნებობ, რომელ გუნდში გინდა თამაში, პლაკატებს გააკრავ კედლებზე, ქომაგობ გუნდებს და ოცნებობ, თუ რომელ გუნდში რა პოზიციაზე ითამაშებ.
მე ჩემს ძალიან ღრმა სიზმრებში შესაძლოა ვოცნებობდი იმაზე, რომ ამ წლების კომპენსაცია იქნებოდა, თუ ერთ თამაშს მაინც ჩავატარებდი რაიმე განსაკუთრებულ მატჩში, თუმცა ჩემს ღრმა ფიქრებსა და სიზმრებშიც კი ვერასდროს წარმოვიდგენდი იმას, რომ ეს იქნებოდა ევროპის ჩემპიონატზე და ეს იქნებოდა მერვედფინალში. ეს წარმოუდგენელი შეგრძნებაა ჩემთვის“, - აღნიშნა გიორგი გველესიანმა.
დღის ტოპ 10 სიახლე
სხვა სიახლეები
მიხეილ სარჯველაძე აზიის განვითარების ბანკის (ADB) წარმომადგენლებს შეხვდა
26.06.2025.11:22
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი მიხეილ სარჯველაძე აზიის განვითარების ბანკის (ADB) წარმომადგენლებს შეხვდა.
მხარეებმა, შეხვედრაზე, მიმდინარე პროექტები განიხილეს და სამომავლო თანამშრომლობის გაღრმავების საკითხზეც იმსჯელეს. საუბარი შეეხო ციფრული ჯანდაცვის სერვისების განვითარების, შინმოვლის სერვისების გაფართოების, საავადმყოფოებზე დატვირთვის შემცირებისა და ზოგადად, ჯანდაცვის პერსონალის კვალიფიკაციის ამაღლების საკითხებს, რაც ხელს შეუწყობს ინტეგრირებული ზრუნვის სერვისების ეფექტურ მიწოდებას.
მიხეილ სარჯველაძემ აღნიშნა, რომ აზიის განვითარების ბანკი სამინისტროს ერთ-ერთი მნიშვნელოვანი პარტნიორია. თავის მხრივ, აზიის განვითარების ბანკის წარმომადგენლებმა, სისტემაში განხორციელებული და მიმდინარე რეფორმები დადებითად შეაფასეს და მხარდაჭერისთვის მზადყოფნა გამოთქვეს.
შეხვედრას ჯანდაცვის მინისტრის მოადგილეები ირაკლი სასანია და გიორგი პატარიძე, ასევე, სტრატეგიული განვითარებისა და ანალიტიკის დეპარტამენტის უფროსი ლელა სულაბერიძე ესწრებოდნენ.
მიხეილ სარჯველაძე ფსიქოტროპული მედიკამენტების იმპორტი-რეალიზაციისა და და ჩანაცვლებითი თერაპიის შესახებ
25.06.2025.19:15
„რევმატოიდული ართრიტის სამკურნალო მედიკამენტების დაფინანსება“ კიდევ ერთი წინგადადგმული ნაბიჯია - ზურაბ ჩიკვილაძე
25.06.2025.12:26
თბილისის მერია რევმატოიდული ართრიტის სამკურნალო ძვირადღირებულ მედიკამენტს დააფინანსებს
25.06.2025.11:16
უნგრეთთან თანამშრომლობას კონკრეტული შედეგები მოჰყვება, რომელსაც თითოეული მოქალაქე იგრძნობს - მიხეილ სარჯველაძე
11.06.2025.17:35
