არ უნდა გვეშინოდეს, რომ C ჰეპატიტის პროექტი აშშ-თან პარტნიორობის შეჩერების გამო შეწყდება, ამერიკულ კომპანიასთან კონტრაქტი 2026 წლამდეა - ამირან გამყრელიძე
C ჰეპატიტის პროგრამასთან დაკავშირებით ამერიკულ კომპანია „გილიადთან“ კონტრაქტი 2026 წლამდეა ძალაში - სახელმწიფოს შეუძლია 2026 წლიდან C ჰეპატიტის წამალი, რომელიც 200-300 დოლარის ფარგლებშია თავად შეიძინოს,- განაცხადა დაავადებათა კონტროლის ეროვნული ცენტრის ყოფილმა ხელმძღვანელმა, ამირან გამყრელიძემ, რითაც გავრცელებულ ინფორმაციას გამოეხმაურა იმასთან დაკავშირებით, რომ ამერიკის შეერთებულ შტატებთან პარტნიორული ურთიერთობების გაწყვეტამ, შესაძლოა, ისეთი პროექტის შეწყვეტა გამოიწვიოს, როგორიც არის C ჰეპატიტის ელიმინაცია.
როგორც ამირან გამყრელიძე „ინტერპრესნიუსთან“ განმარტავს, მოსახლეობას არ უნდა ეშინოდეს, რომ ეს პროექტი აღნიშნული მიზეზის გამო შეწყდება.
„რაც შეეხება C ჰეპატიტის პროგრამას, კონტრაქტია „გილიადთან“, რომელიც დიდი საერთაშორისო კერძო ფარმაცევტული კომპანიაა. ეს კონტრაქტი 2026 წლამდეა ძალაში. არ მგონია, აღნიშნულ პერიოდში ავადმყოფებისთვის წამლის მიწოდებაში, რომელსაც გვაწვდის „გილიადი“ პრობლემა შეიქმნას.
2026 წლიდან არ ვიცი რა მდგომარეობა იქნება. თუ არ გაგრძელდა, სახელმწიფოს ისე არ უჭირს, რომ თავისთავზე არ აიღოს. სახელმწიფოს შეუძლია 2026 წლიდან C ჰეპატიტის წამალი, რომელიც 200-300 დოლარის ფარგლებშია შეიძინოს. მოსახლეობას არ უნდა ჰქონდეს საშიშროება, რომ ეს პროექტი ამ მიზეზის გამო შეწყდება. მეორე ნაწილს სახელმწიფო აფინანსებდა, ეს არის გამოკვლევები, სკრინინგი, სწრაფი ტესტები, სხვა საგანმანათლებლო პროექტები“, - აღნიშნა გამყრელიძემ.
დღის ტოპ 10 სიახლე
სხვა სიახლეები
პაციენტის მდგომარეობა რჩება კვლავ მძიმე, საყურადღებო, მიმდინარეობს მულტიდისციპლინური მართვა - სოფიო ასპანიძე პატრიარქზე
17.03.2026.16:48
პაციენტის მდგომარეობა რჩება კვლავ მძიმე, საყურადღებო, მიმდინარეობს მულტიდისციპლინური მართვა, - განაცხადა პატრიარქის ჯანმრთელობის მდგომარეობასთან დაკავშირებით „კავკასიის მედიცინის ცენტრის“ დირექტორმა სოფიო ასპანიძემ.
მისი თქმით, ამავდროულად შეიკრიბა კონსილიუმი, რომელმაც გააერთიანა ქვეყნის წამყვანი რეანიმატოლოგები.
„პაციენტის მდგომარეობა რჩება კვლავ მძიმე, საყურადღებო. მიმდინარეობს მულტიდისციპლინური მართვა. როგორც მოგეხსენებათ, ამავდროულად შეიკრიბა კონსილიუმი, რომელმაც გააერთიანა ჩვენი ქვეყნის წამყვანი რეანიმატოლოგები. ფაქტობრივად, შეჯერდა და თანხმდებიან, რომ ამ ეტაპზე მიმდინარე ყველა სამკურნალო ღონისძიება არის ადეკვატური. ჩვენ ვფიქრობთ, რომ ერთობლივი ძალისხმევით მოვახდინოთ დაკვირვება შემდგომ უკვე ყველა პარამეტრის და მაქსიმალურად, შეთანხმებულად ვიაროთ პატრიარქის ჯანმრთელობის მართვის საკითხებში“, - აღნიშნა მან.
დასავლეთ საქართველოს სამედიცინო ცენტრში სასწრაფო დახმარების სერვისმა „ვიან კარდიო-ნეირო" დაიწყო მუშაობა
24.02.2026.13:03
კავკასიის მედიცინის ცენტრში კარდიოლოგიური სასწრაფო დახმარების სერვისი „ვიან კარდიო“ ამუშავდა
22.01.2026.12:26
