არ უნდა გვეშინოდეს, რომ C ჰეპატიტის პროექტი აშშ-თან პარტნიორობის შეჩერების გამო შეწყდება, ამერიკულ კომპანიასთან კონტრაქტი 2026 წლამდეა - ამირან გამყრელიძე
C ჰეპატიტის პროგრამასთან დაკავშირებით ამერიკულ კომპანია „გილიადთან“ კონტრაქტი 2026 წლამდეა ძალაში - სახელმწიფოს შეუძლია 2026 წლიდან C ჰეპატიტის წამალი, რომელიც 200-300 დოლარის ფარგლებშია თავად შეიძინოს,- განაცხადა დაავადებათა კონტროლის ეროვნული ცენტრის ყოფილმა ხელმძღვანელმა, ამირან გამყრელიძემ, რითაც გავრცელებულ ინფორმაციას გამოეხმაურა იმასთან დაკავშირებით, რომ ამერიკის შეერთებულ შტატებთან პარტნიორული ურთიერთობების გაწყვეტამ, შესაძლოა, ისეთი პროექტის შეწყვეტა გამოიწვიოს, როგორიც არის C ჰეპატიტის ელიმინაცია.
როგორც ამირან გამყრელიძე „ინტერპრესნიუსთან“ განმარტავს, მოსახლეობას არ უნდა ეშინოდეს, რომ ეს პროექტი აღნიშნული მიზეზის გამო შეწყდება.
„რაც შეეხება C ჰეპატიტის პროგრამას, კონტრაქტია „გილიადთან“, რომელიც დიდი საერთაშორისო კერძო ფარმაცევტული კომპანიაა. ეს კონტრაქტი 2026 წლამდეა ძალაში. არ მგონია, აღნიშნულ პერიოდში ავადმყოფებისთვის წამლის მიწოდებაში, რომელსაც გვაწვდის „გილიადი“ პრობლემა შეიქმნას.
2026 წლიდან არ ვიცი რა მდგომარეობა იქნება. თუ არ გაგრძელდა, სახელმწიფოს ისე არ უჭირს, რომ თავისთავზე არ აიღოს. სახელმწიფოს შეუძლია 2026 წლიდან C ჰეპატიტის წამალი, რომელიც 200-300 დოლარის ფარგლებშია შეიძინოს. მოსახლეობას არ უნდა ჰქონდეს საშიშროება, რომ ეს პროექტი ამ მიზეზის გამო შეწყდება. მეორე ნაწილს სახელმწიფო აფინანსებდა, ეს არის გამოკვლევები, სკრინინგი, სწრაფი ტესტები, სხვა საგანმანათლებლო პროექტები“, - აღნიშნა გამყრელიძემ.
დღის ტოპ 10 სიახლე
სხვა სიახლეები
მიხეილ სარჯველაძე აზიის განვითარების ბანკის (ADB) წარმომადგენლებს შეხვდა
26.06.2025.11:22
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი მიხეილ სარჯველაძე აზიის განვითარების ბანკის (ADB) წარმომადგენლებს შეხვდა.
მხარეებმა, შეხვედრაზე, მიმდინარე პროექტები განიხილეს და სამომავლო თანამშრომლობის გაღრმავების საკითხზეც იმსჯელეს. საუბარი შეეხო ციფრული ჯანდაცვის სერვისების განვითარების, შინმოვლის სერვისების გაფართოების, საავადმყოფოებზე დატვირთვის შემცირებისა და ზოგადად, ჯანდაცვის პერსონალის კვალიფიკაციის ამაღლების საკითხებს, რაც ხელს შეუწყობს ინტეგრირებული ზრუნვის სერვისების ეფექტურ მიწოდებას.
მიხეილ სარჯველაძემ აღნიშნა, რომ აზიის განვითარების ბანკი სამინისტროს ერთ-ერთი მნიშვნელოვანი პარტნიორია. თავის მხრივ, აზიის განვითარების ბანკის წარმომადგენლებმა, სისტემაში განხორციელებული და მიმდინარე რეფორმები დადებითად შეაფასეს და მხარდაჭერისთვის მზადყოფნა გამოთქვეს.
შეხვედრას ჯანდაცვის მინისტრის მოადგილეები ირაკლი სასანია და გიორგი პატარიძე, ასევე, სტრატეგიული განვითარებისა და ანალიტიკის დეპარტამენტის უფროსი ლელა სულაბერიძე ესწრებოდნენ.
მიხეილ სარჯველაძე ფსიქოტროპული მედიკამენტების იმპორტი-რეალიზაციისა და და ჩანაცვლებითი თერაპიის შესახებ
25.06.2025.19:15
„რევმატოიდული ართრიტის სამკურნალო მედიკამენტების დაფინანსება“ კიდევ ერთი წინგადადგმული ნაბიჯია - ზურაბ ჩიკვილაძე
25.06.2025.12:26
თბილისის მერია რევმატოიდული ართრიტის სამკურნალო ძვირადღირებულ მედიკამენტს დააფინანსებს
25.06.2025.11:16
უნგრეთთან თანამშრომლობას კონკრეტული შედეგები მოჰყვება, რომელსაც თითოეული მოქალაქე იგრძნობს - მიხეილ სარჯველაძე
11.06.2025.17:35
