საქართველოს ეროვნული ბანკი ევროკავშირის წევრი ქვეყნების ცენტრალურ ბანკებთან თანამშრომლობას გააფართოებს
ეროვნული ბანკის წარმომადგენლებმა ვენაში, ევროპის ცენტრალური ბანკების თანამშრომლობის სამუშაო ჯგუფის შეხვედრაში მიიღეს მონაწილეობა.
შეხვედრა ცენტრალური ბანკების ევროპული სისტემის (ESCB) ეგიდით შედგა და საქართველო ევროკავშირის კანდიდატი ქვეყნის სტატუსით მონაწილეობდა.
შეხვედრას ასევე ესწრებოდნენ ევროკავშირის ქვეყნების ეროვნული ბანკებისა და კანდიდატი ქვეყნების წარმომადგენლები.
შეხვედრის ფარგლებში მონაწილეებს საქართველოს ეროვნული ბანკის საერთაშორისო ურთიერთობების დეპარტამენტის ხელმძღვანელმა გიორგი ედილაშვილმა სხვადასხვა საერთაშორისო ორგანიზაციებთან თანამშრომლობით მიმდინარე ტექნიკური დახმარების პროექტები გააცნო.
მან ასევე ისაუბრა ევროკავშირთან და წევრი ქვეყნების ეროვნულ ბანკებთან სხვადასხვა მიმართულებით დამატებით თანამშრომლობაზე და ხაზი გაუსვა თანამშრომლობის მნიშვნელობას.
"საკმაოდ ნაყოფიერი შეხვედრა გვქონდა, რომლის ფარგლებშიც დეტალურად მიმოვიხილეთ ევროკავშირის წევრი ქვეყნების ცენტრალურ ბანკებთან სამომავლო თანამშრომლობა. გადაწყდა, რომ სხვადასხვა მიმართულებით გავაგრძელებთ საქმიანობას ახალი პროექტების განსახორციელებლად", - აღნიშნა გიორგი ედილაშვილმა.
სხვა სიახლეები
საქართველოს ტექნიკურმა უნივერსიტეტმა საერთაშორისო სამეცნიერო დელეგაციას უმასპინძლა
05.10.2026.18:41
თანამშრომლობის გაფართოების მიზნით, საქართველოს ტექნიკურ უნივერსიტეტს ევროპის სხვადასხვა ქვეყნის წამყვანი უნივერსიტეტებისა და სამეცნიერო ინსტიტუტების წარმომადგენლებისგან შემდგარი საერთაშორისო სამეცნიერო დელეგაცია ეწვია.
დელეგაციის წევრებთან სამუშაო შეხვედრა გამართა საქართველოს ტექნიკური უნივერსიტეტის რექტორმა, აკადემიკოსმა დავით გურგენიძემ. მხარეებმა საქართველოში თანამედროვე ფიზიკისა და მასთან დაკავშირებული სამეცნიერო-ტექნოლოგიური მიმართულებების განვითარების პერსპექტივებზე იმსჯელეს.
დავით გურგენიძის თქმით, საერთაშორისო სამეცნიერო თანამშრომლობის გაძლიერება საქართველოს ტექნიკური უნივერსიტეტის ერთ-ერთი პრიორიტეტული მიმართულებაა. როგორც რექტორმა აღნიშნა, საერთაშორისო კვლევით ცენტრებთან პარტნიორობის გაღრმავების კუთხით არაერთი მნიშვნელოვანი ინიციატივა ხორციელდება, რაც ქართველი სტუდენტებისა და მკვლევრების საერთაშორისო სამეცნიერო პროექტებში მონაწილეობის შესაძლებლობას გაზრდის.
ვიზიტის ფარგლებში საერთაშორისო სამეცნიერო დელეგაციის წევრებმა საქართველოს ტექნიკურ უნივერსიტეტში სემინარების ციკლი და ვორქშოპი გამართეს. საუბარი შეეხო ისეთ მნიშვნელოვან თემებს, როგორებიცაა: თანამედროვე ფიზიკის, ნეიტრინოს ფიზიკის, სამედიცინო ფიზიკისა და ციკლოტრონული ტექნოლოგიების მიმართულებით უახლესი სამეცნიერო მიღწევები; კვლევის აქტუალური საკითხები და სამომავლო პერსპექტივები.
საქართველოს ტექნიკურმა უნივერსიტეტმა ქართულ და აფხაზურ ენებზე საერთაშორისო კონფერენციის თეზისების კრებული გამოსცა
30.09.2026.17:50
სტუ-ის რექტორი, აკადემიკოსი დავით გურგენიძე ტაშკენტის კიმიოს საერთაშორისო უნივერსიტეტის რექტორს, პროფესორ აკმალ ალაკულიევს შეხვდა
28.09.2026.14:22
თბილისის №21 საჯარო სკოლაში სასწავლო პროცესი დღეიდან განახლდება - განათლების სამინისტრო
28.09.2026.01:49
საქართველოს ტექნიკური უნივერსიტეტის რექტორმა ღვაწლმოსილ თანამშრომლებს სტუ-ის ოქროს მედლები და საპატიო დიპლომები გადასცა
25.09.2026.17:02
საქართველოს ტექნიკურ უნივერსიტეტში ჩინეთის საერთაშორისო CORE აკადემიის დელეგაციასთან შეხვედრა გაიმართა
21.09.2026.17:46
სტუ-ში აკადემიკოს ირაკლი ჟორდანიას დაბადებიდან 95-ე და საწარმოო ძალებისა და ბუნებრივი რესურსების შემსწავლელი ცენტრის დაარსებიდან 48-ე წლისთავი აღნიშნეს
17.09.2026.15:03
ჩვენთვის სტუდენტური ცხოვრება ისეთივე მნიშვნელოვანია, როგორც აკადემიური პროცესი - Skillwill Swiss College-ის დამფუძნებელი
15.09.2026.15:42
