ვენაში ფინანსთა მინისტრი ლაშა ხუციშვილი საჯარო ფინანსების მართვის სფეროში პრაქტიკოსთა ურთიერთთანამშრომლობის ქსელის (PEMPAL) გაერთიანებულ შეხვედრაზე სიტყვით გამოვიდა
საქართველოს ფინანსთა მინისტრი ლაშა ხუციშვილი დაესწრო საჯარო ფინანსების მართვის სფეროში პრაქტიკოსთა ურთიერთთანამშრომლობის ქსელის (PEMPAL) გაერთიანებულ შეხვედრას, თემაზე: „საჯარო ფინანსების მართვის სამომავლო პერსპექტივები თანამედროვე გლობალური გამოწვევების ფონზე - ინოვაციური გადაწყვეტა".
შეხვედრა მსოფლიო ბანკის, PEMPAL-ის ახალი პროგრამის არსებული და პოტენციური დონორების, მასპინძელი ავსტრიის ფინანსთა სამინისტროს, მოწვეული ექსპერტების და მსოფლიოს 30 ქვეყნის,მათ შორის, PEMPAL-ის 21 წევრი ქვეყნის 200-მდე წარმომადგენლის მონაწილეობით გაიმართა მიმდინარე წლის 25 მარტს ავსტრიაში, ქ. ვენაში.
პანელურ განხილვაზე საქართველოს ფინანსთა მინისტრთან ერთად მონაწილეობდნენ მოლდოვისა და ჩრდილოეთ მაკედონიის ფინანსთა მინისტრები, ასევე ყირგიზეთის, რუმინეთის, ბოსნია და ჰერცოგოვინას, ტაჯიკეთისა და სერბეთის ფინანსთა მინისტრის მოადგილეები.
პანელის ძირითადი განსახილველი საკითხები ეხებოდა საჯარო ფინანსების მართვის თანამედროვე გამოწვევებს და ამ გამოწვევების საპასუხოდ სამომავლო ურთიერთთანამშრომლობის შესაძლებლობებს PEMPAL-ის ქსელის ფარგლებში.
ფინანსთა მინისტრმა ყურადღება გაამახვილა საქართველოს საჯარო ფინანსების მართვის რეფორმის დანერგვის მიმართულებით არსებულ მიღწევებზე, რომელიც დასტურდება არაერთი საერთაშორისო შეფასებითა და რეიტინგებით. ისაუბრა თანამედროვე გამოწვევებზე, მათ შორის, ციფრული ტექნოლოგიების როლზე საჯარო ფინანსების მართვის სფეროში, ასევე PEMPAL-ის ქსელის მნიშვნელობაზე გლობალური გამოწვევების საპასუხო მექანიზმების დანერგვაში.
PEMPAL-ის ქსელი თანამშრომლობს 3 თემატური მიმართულებით: ბიუჯეტირება, ხაზინა და შიდააუდიტი და შიდა კონტროლი. აღნიშნული მიმართულებებით შექმნილი საორგანიზაციო და თემატური კომიტეტების ფარგლებში წარმოდგენილი არიან საქართველოს ფინანსთა სამინისტროს საბიუჯეტო დეპარტამენტის, შიდა კონტროლის დეპარტამენტის და სახაზინო სამსახურის წარმომადგენლები.
დღის ტოპ 10 სიახლე
სხვა სიახლეები
საქართველოს საერთაშორისო სავალუტო რეზერვებმა ნოემბერში რეკორდულად მაღალ მაჩვენებელს მიაღწია და $5.8 მილიარდს გადააჭარბა
05.12.2025.17:20
2025 წლის ნოემბრის მდგომარეობით, წინა თვესთან შედარებით, საქართველოს საერთაშორისო სავალუტო რეზერვები 213.2 მლნ აშშ დოლარით გაიზარდა და რეკორდულ მაჩვენებელს მიაღწია. ქვეყნის საერთაშორისო სავალუტო რეზერვები 5.8 მილიარდ აშშ დოლარს აჭარბებს.
საქართველოს ეროვნული ბანკი რეზერვების შევსებაზე ორიენტირებული რჩება. აღსანიშნავია, რომ მიმდინარე პერიოდშიც ბაზრის ხელსაყრელი პირობებიდან გამომდინარე, სებ-ი რეზერვების შევსებას განაგრძობს. მაგალითისთვის, მარტში 101.7 მლნ-ის, აპრილში 266.4 მლნ-ის, მაისში 245.4 მლნ-ის, ივნისში 266.0 მლნ-ის, ივლისში 416.9 მლნ-ის, აგვისტოში 199.6 მლნ-ის, სექტემბერში 100.0 მლნ-ის, ოქტომბერში 167.4 მლნ-ის წმინდა შესყიდვა განხორციელდა. ჯამურად 2025 წლის იანვარ-ოქტომბერში წმინდა შესყიდვებმა 1,763.3 მლნ შეადგინა. წმინდა შესყიდვების ნოემბრის სტატისტიკა კი 25 დეკემბერს გამოქვეყნდება.
საერთაშორისო სავალუტო რეზერვები ქვეყნის მაკროეკონომიკური სტაბილურობის მნიშვნელოვანი გარანტორია. ეროვნული ბანკის გრძელვადიანი პოლიტიკა ყოველთვის მიმართულია საერთაშორისო რეზერვების დაგროვებასა და სარეზერვო აქტივების ეფექტურ მართვაზე - ნოემბრის მონაცემებით მიღწეული მაჩვენებელიც აღნიშნულის დასტურია.
2025 წლის ნოემბრის მდგომარეობით ოქროს წილი მთლიან საერთაშორისო სავალუტო რეზერვებში 16.5%-ს (961.8 მლნ აშშ დოლარი) შეადგენს. ოქროს ფასის ცვლილების შედეგად, მონეტარული ოქროს ღირებულება, მისი შეძენის მომენტიდან, 461.8 მლნ აშშ დოლარით გაიზარდა, რაც ეროვნული ბანკის რეზერვების დივერსიფიკაციის სტრატეგიის მართებულობას უსვამს ხაზს.
საქართველოს ეროვნული ბანკი ოფიციალური საერთაშორისო რეზერვების შესახებ განახლებულ მონაცემებს 2026 წლის 6 იანვარს გამოაქვეყნებს.
იანვარ-სექტემბრის განმავლობაში ქართული საბარათე ინსტრუმენტებით ქვეყნის შიგნით ₾61.9 მილიარდის ოპერაცია განხორციელდა - სებ
03.12.2025.19:00
ქართული საბარათე ინსტრუმენტებით საქართველოში და მის ფარგლებს გარეთ ჯამში ₾25 მილიარდის ტრანზაქციები განხორციელდა
03.12.2025.15:00
