თიბისი საქართველოს ხელოვნური ინტელექტის ეროვნული ოლიმპიადის მხარდამჭერია
თიბისის მხარდაჭერით, 2025 წლის ხელოვნური ინტელექტის საერთაშორისო ოლიმპიადისთვის საქართველოს ნაკრების შესარჩევად ეროვნული ოლიმპიადა ჩატარდება.
2025 წელს საქართველო პირველად წარადგენს მოსწავლეთა ეროვნულ ნაკრებს ხელოვნური ინტელექტის მსოფლიო ოლიმპიადაზე (IOAI). საქართველოს ხელოვნური ინტელექტის ასოციაციამ GAIA, IOAI-ისგან ეროვნული ნაკრების შერჩევის ექსკლუზიური ავტორიზაცია მოიპოვა. ასევე, ოლიმპიადის მხარდამჭერია საქართველოს ინოვაციების და ტექნოლოგიების სააგენტო (GITA).
ოლიმპიადის სტრუქტურა და მიზანი:
ვის შეუძლია მონაწილეობა?
რეგისტრაცია და ინფორმაციის მიღება:
დამატებითი რესურსები: GAIA-ს საოლიმპიადო ონლაინ კურსის ჩანაწერები ხელმისაწვდომია აქ: https://tinyurl.com/mw63uyre
თიბისი, როგორც ახალი თაობის განათლების ხელშეწყობის წამყვანი კომპანია, საოლიმპიადო კურსის, ეროვნული ოლიმპიადისა და IOAI-ზე საქართველოს ეროვნული ნაკრების მხარდამჭერია. GAIA-სთან პარტნიორობის ფარგლებში, თიბისის მონაცემთა მეცნიერების გუნდის პროფესიონალები კურსის მენტორები არიან და მოსწავლეებს აქტიურად უჭერენ მხარს ოლიმპიადისთვის მომზადებაში.
დღის ტოპ 10 სიახლე
„ამბასადორი აილენდ ბათუმი” ინოვაციურ პროექტს დუბაის უძრავი ქონების საერთაშორისო გამოფენაზე წარადგენს
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
რა გავლენა იქონია ტრამპის სატარიფო პოლიტიკამ ქართული კომპანიების აქციებზე - ლაშა ქავთარაძის შეფასება
19 , 2025
ლონდონის საფონდო ბირჟაზე ქართული კომპანიების აქციების ფასები გლობალური ტრენდიდან გამომდინარე იცვლება. როგორც რადიო „სივრცის“ ეთერში გადაცემა Business Insider Georgia-ში სტუმრობისას Galt & Taggart-ის ეკონომისტმა ლაშა ქავთარაძემ განმარტა, აშშ-ს პრეზიდენტის მიერ ახალ სატარიფო პოლიტიკის დაანონსებამდე ქართული კომპანიების აქციების ფასები მზარდი იყო.
„სანამ ტრამპი მძიმე ტარიფებს დაანონსებდა, მაგრამ შემდგომ 90 დღით დააპაუზა, მანამდე ქართული კომპანიების აქციები იზრდებოდა და პირველ ორ თვეში რეკორდული მაჩვენებელი ფიქსირდებოდა. ამის შემდეგ გაჰყვა იმ ტრენდს, რაც გლობალურად გამოიწვია ამ სატარიფო პოლიტიკამ. გლობალური ინდექსები მნიშვნელოვნად შემცირდა. ეს შემცირება ქართული კომპანიის აქციებსაც შეეტყო, თუმცა მას შემდეგ, რაც ტრამპმა დააპაუზა 90 დღით, შემოტრიალდა საერთაშორისო ბაზრებზე კომპანიის აქციები და ქართული კომპანიის აქციებიც ამოვიდნენ, ანუ ის რაც კლება იყო სწრაფადვე თითქმის ორ დღეშივე იყო ამოსვლა. მიმდინარე წლის დასაწყისიდან მნიშვნელოვნად არის გაზრდილი. 10%-ზე მეტად არის გაზრდილი ეს აქციები და ვფიქრობთ, რომ მზარდი არის ლონდონის საფონდო ბირჟაზე წარმოდგენილი ქართული კომპანიები. იმიტომ, რომ ისინი ფართოვდებიან, როგორც საქართველოს ბანკი. აქ საქართველოს ბანკი არის ამ ჯგუფის Lion Finance Group -ის ერთ-ერთი შემადგენელი, მეორე Ameria Bank-ი, რომელიც გასულ წელს იყო შესყიდული ამ ჯგუფის მიერ. ასევე თიბისი ბანკიც, რომელიც უზბეკეთშიც არის წარმოდგენილი, ანუ ფართოვდებიან და არ არის გამორიცხული, რომ მომდევნო პერიოდებშიც კიდევ უფრო სხვა ბაზრებზეც იყვნენ გასულები. ეს ზრდა იმას მიანიშნებს, რომ ეს კომპანიები მიმზიდველი ხდება ფასის მიხედვითაც. მათი აქციები მოსალოდნელი არის, რომ გაიზარდოს. მაგალითად, Lion Finance ჯგუფი ეს კომპანია FTSE 250 -ში არის შესული და მიზანი არის რომ FTSE 100- ში იყოს წარმოდგენილი. FTSE 100-ში წარმოდგენა ნიშნავს იმას, რომ აქციის ფასიც მზარდი იქნება. ამიტომ რჩება ეს პოზიტიურად და საშუალო, ან გრძელვადიან პერიოდშიც მიმზიდველი იქნება ამ კომპანიებში ინვესტირება“, - აღნიშნა ლაშა ქავთარაძემ.
