TBC ჯგუფის მთავარი ეკონომისტი: ლარმა წნეხს გაუძლო
ფინანსურ ბაზარზე განვითარებული პროცესების მიუხედავად, ლარის კურსი ჯერჯერობით სტაბილურობას ინარჩუნებს. მიუხედავად იმისა, რომ ერთ დღეში ლარი თითქმით 1%-ით გაუფასურდა, TBC ჯგუფის მთავარი ეკონომისტი ოთარ ნადარაია სიტუაციას ამ მხრივ სავალალოდ არ მიიჩნევს და აცხადებს, რომ ეროვნულმა ვალუტამ წნეხს გაუძლო.
მისი თქმით, მნიშვნელოვანია ლარმა მკვეთრი რყევები არ განიცადოს, რაც ჯერჯერობით არ იგრძნობა.
,,სამწუხაროა, რომ პროფესიონალმა კადრებმა, რომლებიც წლობით მუშაობდნენ ეროვნულ ბანკში, თანამდებობა დატოვეს. მიმდინარე პროცესი გარკვეულწილად ლარზეც მოქმედებს, ყველამ ვნახეთ, რომ ეროვნულმა ვალუტამ გარკვეული ზეწოლა განიცადა, მაგრამ მასშტაბური რყევა არ არის. ვფიქრობ, საკმაოდ ბევრია რესურსი და მაკროეკონომიკურადაც, რეზერვების კუთხითაც კარგი პერიოდია, რაც სავალუტო ბაზარს სტაბილურობის შენარჩუნებაში დაეხმარება“, - აცხადებს ოთარ ნადარაია Business Insider Georgia-თან.
შეგახსენებთ, რომ ლარი დოლართან 3,38 თეთრით, ევროსთან კი 3,60 თეთრით გაუფასურდა. როგორც ცნობილია, ეროვნული ბანკის სამმა ვიცე-პრეზიდენტმა და სებ-ის პრეზიდენტის მრჩეველმა თანამდებობები დატოვეს.
დღის ტოპ 10 სიახლე
სხვა სიახლეები
მიკროსაფინანსო ორგანიზაციებში მომხმარებელთა მხრიდან დაფიქსირებული პრეტენზიების რაოდენობა 33%-ითაა შემცირებული
04.07.2025.11:00
2025 წლის მაისში მიკროსაფინანსო ორგანიზაციებში დაფიქსირებული პრეტენზიების რაოდენობამ 42 ერთეული შეადგინა, რაც იმას ნიშნავს, რომ წლიურ ჭრილში პრეტენზიების რაოდენობა 33%-ითაა შემცირებული. სებ-ის სტატისტიკური მაჩვენებლებით, 2024 წლის მაისში მიკროსაფინანსო ორგანიზაციებში დაფიქსირებული პრეტენზიების რაოდენობამ 63 პრეტენზია შეადგინა.
რაც შეეხება 2025 წლის აპრილის მაჩვენებელს, მიკროსაფინანსო ორგანიზაციებში დაფიქსირებული პრეტენზიების რაოდენობა 48 იყო, მაშინ როდესაც იანვრის მაჩვენებლებთან შედარებით 13%-იანი კლებაა.
ირკვევა, რომ მიკროსაფინანსო ორგანიზაციების კლიენტებს პროდუქტებთან მიმართებაში ყველაზე მეტი პრეტენზია სალომბარდე სესხებთან მიმართულებით აქვთ.
სებ-ის ინფორმაციით, მაისში მიკროსაფინანსო ორგანიზაციების მომხმარებლებმა სულ 42 პრეტენზია დააფიქსირეს, საიდანაც 31 პრეტენზია სალომბარდე სესხებთან მიმართებაშია, 4 ავტო სესხთან დაკავშირებული პრეტენზიაა, ხოლო 2 ბიზნეს სესხთან დაკავშირებით დაფიქსირებული პრეტენზიებია. სტატისტიკის თანახმად კი 5 სხვადასხვა პროდუქტებთან მიმართებაში ოფიციალურად გამოხატული უკმაყოფილებაა.
