SOCAR-ი მწვანე ობლიგაციების გამოშვებას იწყებს
აზერბაიჯანის სახელმწიფო ნავთობკომპანია (SOCAR) „მწვანე ობლიგაციების“ გამოშვების პროცესს 2025 წლის 15 იანვარს დაიწყებს. აღნიშნულის შესახებ აზერბაიჯანული მედია SOCAR-ზე დაყრდნობით წერს.
ობლიგაციების ემისიის მოცულობა 200 მილიონი დოლარია.
ემისია დაყოფილია 200 ათას ობლიგაციად, თითო ფასიანი ქაღალდის ნომინალური ღირებულებით $1 ათასი. ობლიგაციის წლიური განაკვეთი 6%-ია, გადახდა განხორციელდება ყოველ სამ თვეში ერთხელ. ობლიგაციებს აქვს 5 წლის ვადა.
SOCAR-ის „მწვანე ობლიგაციების“ შესყიდვის ბოლო ვადაა კი 2025 წლის 28 თებერვალია.
ობლიგაციების განთავსებიდან მიღებული თანხები შპს SOCAR Green-ის მიერ განხორციელებული განახლებადი ენერგიის პროექტების დაფინანსებას მოხმარდება.
„მწვანე ობლიგაციების“ შეძენა, რომლის ანდერრაიტერიც არის Pasha Capital Investment Company, შესაძლებელია ASAN xidmət No1 და No5 ცენტრებში, ასევე აზერბაიჯანში რეგისტრირებულ საინვესტიციო კომპანიებში.
დღის ტოპ 10 სიახლე
სხვა სიახლეები
საქართველოს საკრედიტო ბარათების ბაზარზე VISA ლიდერობს, Mastercard-ის წილი კი მცირდება
27.08.2025.19:00
მიმოქცევაში არსებული საგადახდო საკრედიტო ბარათების 39%-ი VISA-ს საკრედიტო ბარათებზე მოდის, ხოლო 13%-ი Mastercard-ზე. ივლისის სტატისტიკით ამ ბაზარზე AMEX-ის წილი 21%-ია.
ივლისის მდგომარეობით ქვეყანაში ქვეყანაში აქტიური საკრედიტო ბარათების რაოდენობამ 761 484 ერთეული შეადგინა.
სტატისტიკური მაჩვენებლების თანახმად, ივლისის ბოლოსთვის VISA-ს აქტიური საკრედიტო ბარათების რაოდენობა 299 481 ერთეულს შეადგენდა, AMEX-ის 156 935 ერთეულს, ხოლო Mastercard-ის 99 642 ერთეულს.
761 484 ერთეული საკრედიტო ბარათი სხვა საგადახდო სისტემების კუთვნილებაა.
თუ VISA-სა და Mastercard-ის ბაზრის წილს საკრედიტო ბარათების მიმართულებით მიმოვიხილავთ სახეზეა, რომ 2025 წლის ივლისში 2024 წლის ივლისთან შედარებით VISA-ს აქტიური საკრედიტო ბარათების რაოდენობა 19%-ითაა გაზრდილი, ხოლო Mastercard-ის 6%-ითა შემცირებული.
აღსანიშნავია ისიც, რომ ივლისში ივნისთან შედარებით მიმოქცევაში არსებული საკრედიტო ბარათების რაოდენობა თითქმის 1%-ითაა გაზრდილი, ხოლო 2024 წლის ივლისთან შედარებით 8%-იანი ზრდაა.
დეპოზიტების ლარიზაციის კოეფიციენტმა ივლისის ბოლოსათვის 50.33 პროცენტი შეადგინა - სებ
27.08.2025.17:00
კომერციული ბანკების მიერ გაცემული სესხების მოცულობამ 66.12 მილიარდი ლარი შეადგინა - სებ
27.08.2025.11:00
