სექტემბერში სახაზინო ფასიანი ქაღალდების ჯამურმა გამოშვებამ 233.75 მლნ ლარი შეადგინა - ფინანსთა სამინისტრო
2025 წლის სექტემბერში ჩატარდა 6 გამოშვებისა და 1 გაცვლის აუქციონი. სახაზინო ფასიანი ქაღალდების ჯამურმა გამოშვების მოცულობამ შეადგინა 233.75 მლნ ლარი.
ფინანსთა სამინისტროს ცნობით, საშუალო შეწონილმა საპროცენტო განაკვეთმა 9.108% შეადგინა. გამოშვებულ იქნა 6 და 12 თვის ვადიანობისა და 4, 6, 9 და 11 წლის ნარჩენი ვადიანობის მქონე სახაზინო ობლიგაციები. დაიფარა 110 მლნ ლარის მოცულობის სახაზინო ვალდებულებები.
2025 წლის 30 სექტემბრისათვის სახელმწიფო ფასიანი ქაღალდების პორტფელის 40.6% ფორმირებულია იმ ფასიანი ქაღალდებით, რომელთა დაფარვის ვადა დგება მომავალი 1-3 წლის განმავლობაში. სახელმწიფო ფასიანი ქაღალდების პორტფელში ასევე დიდი წილი უკავია 3-5 წლის ვადიანობის მქონე ობლიგაციებს (დაახლოებით 26%).
მოთხოვნის კოეფიციენტი სექტემბერში გასული თვის მაჩვენებელთან (აგვისტო 2.1) შედარებით გაიზარდა და 2.52 შეადგინა.
სექტემბერში სახაზინო ფასიანი ქაღალდების დარჩენილი საშუალო შეწონილი ვადიანობა 3.72 იყო.
დღის ტოპ 10 სიახლე
STEM ოლიმპიადაზე 150-ზე მეტი სკოლა დარეგისტრირდა - საქართველოს ბანკი, განათლების მთავარი მხარდამჭერი
სხვა სიახლეები
ლარის კურსი დოლართან მიმართებაში გამყარდა
11.12.2025.17:04
1 ევროს ოფიციალური ღირებულება 3.1582 ლარი გახდა, ხოლო 1 აშშ დოლარის 2.6991 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.6991 ლარით განისაზღვრა. კურსი, რომელიც დღეს მოქმედებდა 2.6995 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0004 ლარი შეადგინა.
რაც შეეხება ევროს, მისი კურსი 3.1582 ლარია. მაშინ, როცა დღეს მოქმედი კურსი 3.1398 ლარს შეადგენდა. შესაბამისად, ევროს ცვლილებამ 0.0184 ლარი შეადგინა.
ცვლილებას მივესალმებით - საბანკო ასოციაცია სებ-თან არსებული დავების განმხილველი კომისიის მიერ განსახილველი დავის საგნის ღირებულების ზღვარის აწევაზე
11.12.2025.15:35
ნოემბერში გადასახადებიდან მიღებული შემოსავლის ფაქტობრივმა მაჩვენებელმა გეგმას 3.4%-ით გადააჭარბა - ფინანსთა სამინისტრო
10.12.2025.11:00
ნოემბერში სახაზინო ფასიანი ქაღალდების ჯამურმა გამოშვების მოცულობამ ₾247.65 მილიონი შეადგინა
09.12.2025.17:00
ბაზისბანკის მობაილბანკით 24/7-ზე მობილურის ნომრით მომენტალური გადარიცხვები საქართველოს ბანკთან და კრედო ბანკთან
09.12.2025.10:22
