სებ-ის მიერ ინტერვენციის განხორციელება მიზანშეწონილია გამომდინარე იქიდან, რომ ლარის რყევებს მეტ-ნაკლებად მინიმუმამდე ამცირებს - Galt & Taggart-ის ეკონომისტი
ვფიქრობ, ეროვნული ბანკის მიერ გაკეთებული ტრანზაქციები მთლიანობაში პოზიტიურია, იქედან გამომდინარე, რომ მეტ-ნაკლებად ლარის რყევებს მინიმუმამდე ამცირებს. ლარის კურსის სტაბილურობა ერთ-ერთი მნიშვნელოვანი ფაქტორია, რაც სხვა ბევრ მაკროეკონომიკურ მაჩვენებელზე პოზიტიურად აისახება, მათ შორის ეკონომიკურ ზრდასა და ინფლაციაზე, - ამის შესახებ Galt & Taggart-ის ეკონომისტმა ლაშა ქავთარაძემ სებ-ის სავალუტო ინტერვენციის კომენტირებისას განაცხადა.
მისი თქმით, იმის გათვალისწინებით, როცა მიმდინარე პერიოდში ქვეყანაში ძლიერია მაკრო ფუნდამენტალები და ლარის კურსზე შეტევა მხოლოდ გაურკვევლობებიდან მომდინარეობს, რომელიც ჩვენი შეფასებით მოკლევადიანი ხასიათისაა, ამ მოკლევადიან პერიოდში ინტერვენციის განხორცელება არის მიზანშეწონილი.
„ბაზრის მოთამაშეების უარყოფით მოლოდინებს გარკვეულწილად ეს ინტერვენციები ანეიტრალებს, რათა არ წარმოიქმნას ლარის კურსზე მოკლევადიანი დომინოს ეფექტი გაუფასურების მიმართულებით. სწორედ, ამ მიზნით ბაზარზე ჩარევა მიზანშეწონილია და ხარჯი, რომელიც პრევენციისთვის გაიწევა, ამას სტაბილურობა მოაქვს ეკონომიკისთვის“, - აღნიშნა ლაშა ქავთარაძემ.
დღის ტოპ 10 სიახლე
ჟინი განათლების გზაზე არ ჩერდება - გახდი საქართველოს ბანკის სტიპენდიატი და ისწავლე დიდ ბრიტანეთში
სხვა სიახლეები
1 დოლარის ოფიციალური ღირებულება 2.7143 ლარი გახდა
17.09.2025.17:09
1 ევროს ოფიციალური ღირებულება 3.2143 ლარი გახდა, ხოლო 1 აშშ დოლარის 2.7143 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7143 ლარით განისაზღვრა. კურსი, რომელიც დღეს მოქმედებდა, 2.7080 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0063 ლარი შეადგინა.
რაც შეეხება ევროს, მისი კურსი 3.2143 ლარია. მაშინ, როცა დღეს მოქმედი
კურსი 3.1979 ლარს შეადგენდა. შესაბამისად, ევროს ცვლილებამ 0.0164 ლარი შეადგინა.
დაესწარი ვებინარს და გაიგე, როგორ ისწავლო დიდ ბრიტანეთში სრული დაფინანსებით - საქართველოს ბანკი, განათლების მთავარი მხარდამჭერი ბანკი
16.09.2025.19:09
თიბისი კაპიტალმა მაკროეკონომიკური მიმოხილვა გამოაქვეყნა ლარიზაციის დინამიკა კვლავ გრძელდება
16.09.2025.14:28
მარტიდან აგვისტოს ჩათვლით სებ-მა დაახლოებით, 1.5 მლრდ დოლარი შეიძინა და, როგორც ჩანს, სავალუტო ინტერვენციებს სექტემბერშიც განაგრძობს - TBC Capital
16.09.2025.13:21
ლარის გამყარების მიმართულებით კონვერტაციები დასრულებული ჯერ კიდევ არ არის - TBC Capital
16.09.2025.13:20
