„ალმას“ მიერ სადებიუტო ობლიგაციების განთავსება ძალიან მნიშვნელოვანი ფაქტია საქართველოს კაპიტალის ბაზრისთვის, - აცხადებს საქართველოს ეროვნული ბანკის ვიცე-პრეზიდენტი ეკატერინე მიქაბაძე. მისი თქმით, ბოლო პერიოდში კაპიტალის ბაზარი მზარდია. 

„მინდა აღვნიშნო,  რომ სექტორალური პენეტრაციის თვალსაზრისით იზრდება კაპიტალის ბაზრის სიღრმე,  ახალი დებიუტანტის დამატება თავისთავად კაპიტალის ბაზრის ნდობის  მნიშვნელოვანი გამოსახულებაა. წელს საკმაოდ აქტიურად ვითარდება საქართველოში სასესხო ფასიანი ქაღალდების ბაზარი. დაახლოებით, 325  მილიონი ლარის განთავსება მოხდა, რაც გასული წლის მაჩვენებელზე 50 %-ით მეტია. ჩვენ იმედი გვაქვს, რომ წლის ბოლომდე ასეთი აქტიურობა გაგრძელდება და საკმაოდ მნიშვნელოვანი ზრდა იქნება საქართველოს კაპიტალის ბაზარზე“, - აცხადებს ეკატერინე მიქაბაძე.

გალტ & თაგარტისა და თიბისი კაპიტალის მხარდაჭერით, ალმამ, კაპიტალის ბაზრისმხარდაჭერის პროგრამის ფარგლებში, ობლიგაციები გამოუშვა
გარე სარეკლამო სექტორის წამყვანმა კომპანია ალმამ, გალტ & თაგარტისა და თიბისი კაპიტალის მხარდაჭერით, სააგენტოს აწარმოე საქართველოში „კაპიტალის ბაზრის მხარდაჭერის პროგრამის“ ფარგლებში, სადებიუტოობლიგაციების გამოშვება წარმატებით განახორციელა.
კომპანიის მიერ დამტკიცებული 40 მილიონი აშშდოლარის ობლიგაციების პროგრამის ფარგლებში, ორიტრანშის გამოშვება განხორციელდა:
• აშშ დოლარში დენომინირებული ობლიგაციები – 30 მილიონი დოლარი, 2 წლიანი ვადით, წლიურიკუპონის განაკვეთით [8.50%], კუპონისნახევარწლიური გადახდით.
• ევროში დენომინირებული ობლიგაციები – 8.5 მილიონი ევრო, 2 წლიანი ვადით, წლიური კუპონისგანაკვეთით [7.25%], კუპონის ნახევარწლიურიგადახდით.
აღსანიშნავია, რომ ობლიგაციებზე მაღალი ინტერესი დაფიქსირდა როგორც ადგილობრივი, ისე საერთაშორისო ინვესტორების მხრიდან და განთავსებაში მონაწილეობა 150-ზე მეტმა ფიზიკურმა და იურიდიულმა პირმა მიიღო.