საქართველოს საკრედიტო ბარათების ბაზარზე VISA უპირობი ლიდერია - სტატისტიკა
მიმოქცევაში არსებული საგადახდო საკრედიტო ბარათების 40,2%-ი VISA-ს საკრედიტო ბარათებზე მოდის, ხოლო 12,7%-ი Mastercard-ზე. სექტემბრის სტატისტიკით ამ ბაზარზე AMEX-ის წილი 20,6%-ია.
სექტემბრის მდგომარეობით ქვეყანაში ქვეყანაში აქტიური საკრედიტო ბარათების რაოდენობამ 776 016 ერთეული შეადგინა.
სტატისტიკური მაჩვენებლების თანახმად, სექტემბრის ბოლოსთვის VISA-ს აქტიური საკრედიტო ბარათების რაოდენობა 312 136 ერთეულს შეადგენდა, AMEX-ის 159 876 ერთეულს, ხოლო Mastercard-ის 98 578 ერთეულს.
205 426 ერთეული საკრედიტო ბარათი სხვა საგადახდო სისტემების კუთვნილებაა.
თუ VISA-სა და Mastercard-ის ბაზრის წილს საკრედიტო ბარათების მიმართულებით მიმოვიხილავთ სახეზეა, რომ 2025 წლის სექტემბერში 2024 წლის სექტემბერთან შედარებით VISA-ს აქტიური საკრედიტო ბარათების რაოდენობა 2,7%-ითაა გაზრდილი, ხოლო Mastercard-ის 0,1%-ითა შემცირებული. სამაგიეროდ წლიურ ჭრილში 1,4%-იანი ზრდაა AMEX-ის საკრედიტო ბარათების რაოდენობის კუთხით.
აღსანიშნავია ისიც, რომ სექტემბერში აგვისტოსთან შედარებით მიმოქცევაში არსებული საკრედიტო ბარათების რაოდენობა თითქმის 1,3%-ითაა გაზრდილი, ხოლო 2024 წლის სექტემბერთან შედარებით 8,5%-იანი ზრდაა.
დღის ტოპ 10 სიახლე
თბილისის შემოვლითი გზის 45-ე კმ-ზე დაწესებული მოძრაობის შეზღუდვა 28 ნოემბრის ჩათვლით გახანგრძლივდა
სხვა სიახლეები
საქართველოში სადებეტო ბარათების რაოდენობამ 10,5 მლნ-ს გადააჭარბა - Mastercard კვლავ ლიდერია
28.10.2025.19:00
სებ-ის მონაცემების მიხედვით, მიმოქცევაში არსებული საგადახდო სადებეტო ბარათების რაოდენობა (ერთეული) ერთი წლის განმავლობაში 12,9%-ით გაიზარდა, ხოლო წინა თვის მონაცემებთან შედარებით 1,6%-ით.
2025 წლის სექტემბრის ბოლოსთვის ბაზარზე აქტიური 10 515 588 ერთეული სადებეტო ბარათი იყო, მაშინ როდესაც ერთი წლით ადრე მათ რაოდენობა 9 317 650 ბარათს შეადგენდა.
საქართველოში სადებეტო ბარათების მხრივ კვლავ Mastercard-ი ლიდერობს. 2025 წლის სექტემბრის ბოლოსთვის არსებული საგადახდო სადებეტო ბარათებიდან 5 704 912 ერთეული სწორედ Mastercard-ზე მოდის.
Mastercard-ის ბარათების მიმდინარე მონაცემები კი აგვისტოს მაჩვენებლებთან შედარებით 1,1%-იან, ხოლო 2024 წლის სექტემბერთან შედარებით 16,7%-იან ზრდას აჩვენებს.
სექტემბრის სტატისტიკის მიხედვით, აქტიური სადებეტო ბარათებიდან 54,3%-ს Mastercard-ი ფლობს, 28,2%-ს VISA, AMEX კი 14,4%-ის მფლობელია. დანარჩენი სადებეტო ბარათები კი სხვა სისტემებზე ნაწილდება.
2025 წლის სექტემბრის ბოლოსთვის მიმოქცევაში VISA-ს აქტიური 2 960 370 ბარათი იყო. ზრდა წინა თვესთან შედარებით 2,5%-ია, ხოლო 2024 წლის სექტემბერთან შედარებით 9,8%-ითაა გაზრდილი.
რაც შეეხება AMEX-ს, სექტემბერში მისი სადებეტო ბარათების რაოდენობა 1 517 324 ერთეული იყო, რაც თვიურ ჭრილში 2,3%-იანი, ხოლო წლიურ ჭრილში 22%-იანი ზრდაა.
