სებ-ი ინფლაციური მოლოდინებისა და ეკონომიკური აქტივობის შესახებ მორიგ ანგარიშს აქვეყნებს, რომლის მიხედვითაც აპრილში ინფლაციური მოლოდინები შემცირებულია. თავის მხრივ სებ-ის აღნიშნულ ანგარიშს ბიზნეს სუბიექტების გამოკითხვის მიხედვით აკეთებს. 

„მოცემულ ანგარიშში წარმოდგენილია ინფლაციური მოლოდინებისა და ეკონომიკური აქტივობის შესახებ ეკონომიკური საქმიანობის მონაწილეთა გამოკითხვის აპრილის თვის შედეგები:

ეკონომიკური საქმიანობის მონაწილეთა მიხედვით, აპრილში მარტთან შედარებით ერთწლიან პერიოდზე ინფლაციური მოლოდინები შემცირებულია. ერთი მხრივ, იმ რესპონდენტთა რაოდენობა, რომლებიც მომდევნო 1 წლის მანძილზე ფასების ზრდას 2%-4%-ის, 6%-8%-ის ინტერვალებში და 8%-ზე მეტად ფიქრობენ, შემცირდა. მეორე მხრივ,
მომატებულია იმ რესპონდენტთა რაოდენობა, რომლებიც სამომხმარებლო ფასების ცვლილებას შედარებით დაბალი ზრდის
ინტერვალში 0%-2%-ისა და 4%-6%-ის ფარგლებში ელოდებიან.

ამავე გამოკითხვის მიხედვით, აპრილში მარტთან შედარებით სამწლიან პერიოდზე ინფლაციური მოლოდინები შემცირებულია. კერძოდ, დაკლებულია იმ მონაწილეთა რაოდენობა, რომლებიც მომდევნო სამი წლის მანძილზე ფასების ცვლილებას 4%-6%-ისა და 6%-8%-ის ფარგლებში ფიქრობენ. თუმცა, მოიმატა იმ მონაწილეთა რაოდენობამ, რომლებიც
ფასების ცვლილებას 2%-4%-ის ინტერვალში მოიაზრებენ.

გამოკითხულთა აზრით, საკუთარ პროდუქციაზე/მომსახურებაზე ფასების ზრდის მოლოდინი 1 წლიან პერიოდში მომატებულია. ერთი მხრივ, აპრილში მარტთან შედარებით მოიმატა იმ რესპონდენტთა რაოდენობამ, რომლებიც საკუთარ პროდუქტზე ფასების მატებას 2%-4%-ის, 4%-6%-ის ფარგლებსა და 8%-ზე მეტად ელოდებიან. მეორე მხრივ, შემცირებულია იმ რესპონდენტთა წილი, რომლებიც ფასების ცვლილებას 0%-2%-ისა და 6%-8%-ის ინტერვალებში ვარაუდობენ.

ამავე გამოკითხვის მიხედვით, აპრილში მარტთან შედარებით მოლოდინები ხელფასების ზრდაზე შემცირებულია. კერძოდ,
დაკლებულია იმ რესპონდენტთა რაოდენობა, რომლებიც ხელფასების ცვლილებას 20%-30%-ის ფარგლებში და 30%-ზე მეტად ელოდებიან. ამავე დროს, მომატებულია იმ რესპონდენტთა რაოდენობა, რომლებიც ხელფასების ცვლილებას 10%-20%-ის მიდამოში მოიაზრებენ.

გამოკითხულთა აზრით, აპრილში კომპანიაში წარმოებისათვის საჭირო რესურსების გამოყენების ეფექტიანობა (კომპანიის რესურსების რეალური გამოყენება, მაქსიმალურ გამოყენებასთან შედარებით) მარტთან შედარებით მომატებულია“, - აღნიშნულია სებ-ის მიერ გამოქვეყნებულ ინფორმაციაში.