სამომხმარებლო სესხებზე ვადის გაზრდის საკითხს სებ-ი სექტემბერში გადახედავს
სებ-ი სამომხმარებლო სესხებზე ვადის გაზრდის საკითხს სექტემბერში გადახედავს. როგორც სებ-ის პრეზიდენტის მოვალეობის შემსრულებელმა ნათია თურნავამ განაცხადა, თავის დროზე სამომხმარებლო სესხების ვადიანობის შემცირების გადაწყვეტილება ინფლაციის შემცირების პოლიტიკის ფარგლებში იყო მიღებული.
„ეს ე.წ. მაკროპრუდენციული ზომაა, რომელიც სამომხმარებლო სესხების კუთხით აქტივობის შენელებას ისახავს მიზნად, რასაც, თავის მხრივ, ანტიინფლაციური ეფექტი ჰქონდა. ამ თვალსაზრისით კარგი შედეგები იყო მიღწეული, რადგან ამ სეგმენტის საკრედიტო აქტივობის ზრდის ტემპი თუ გასულ წელს 40%-ს აღწევდა და იყო ინფლაციის მაგენერირებელი და ფასების ზრდის მაპროვოცირებელი ფაქტორი, დღეს ის თითქმის განახევრებულია და 20-22%-ია. მაგრამ მაინც ჯერ კიდევ საყურადღებოა. თუ ჩვენ შევხედავთ, როგორ იზრდება საქართველოში საკრედიტო აქტივობა და ჩავშლით სესხების ჯგუფების მიხედვით, დავინახავთ, რომ ერთ-ერთი მზარდი არის სამომხმარებლო სესხები“, - აღნიშნა თურნავამ.
მისი თქმით, აღნიშნულმა გადაწყვეტილებამ იმუშავა და თავისი პოზიციური გავლენა შეასრულა.
დღის ტოპ 10 სიახლე
სხვა სიახლეები
Mastercard-ი კვლავ ლიდერია - საქართველოში 10.3 მილიონზე მეტი სადებეტო ბარათია მიმოქცევაში
03.10.2025.17:29
სებ-ის მონაცემების მიხედვით, მიმოქცევაში არსებული საგადახდო სადებეტო ბარათების რაოდენობა (ერთეული) ერთი წლის განმავლობაში 12,8%-ით გაიზარდა, ხოლო წინა თვის მონაცემებთან შედარებით 1,2%-ით.
2025 წლის აგვისტოს ბოლოსთვის ბაზარზე აქტიური 10 346 892 ერთეული სადებეტო ბარათი იყო, მაშინ როდესაც ერთი წლით ადრე მათ რაოდენობა 9 176 105 ბარათს შეადგენდა.
საქართველოში სადებეტო ბარათების მხრივ კვლავ Mastercard-ი ლიდერობს. 2025 წლის აგვისტოს ბოლოსთვის არსებული საგადახდო სადებეტო ბარათებიდან 5 640 930 ერთეული სწორედ Mastercard-ზე მოდის.
Mastercard-ის ბარათების მიმდინარე მონაცემები კი ივლისის მაჩვენებლებთან შედარებით 0,9%-იან, ხოლო 2024 წლის აგვისტოსთან შედარებით 17,9%-იან ზრდას აჩვენებს.
აგვისტოს სტატისტიკის მიხედვით, აქტიური სადებეტო ბარათებიდან 54,5%-ს Mastercard-ი ფლობს, 27,9%-ს VISA, AMEX კი 14,3%-ის მფლობელია. დანარჩენი სადებეტო ბარათები კი სხვა სისტემებზე ნაწილდება.
2025 წლის აგვისტოს ბოლოსთვის მიმოქცევაში VISA-ს აქტიური 2 888 980 ბარათი იყო. ზრდა წინა თვესთან შედარებით 1,8%-ია, ხოლო 2024 წლის აგვისტოსთან შედარებით 7,9%-ითაა გაზრდილი.
რაც შეეხება AMEX-ს, აგვისტოში მისი სადებეტო ბარათების რაოდენობა 1 483 489 ერთეული იყო, რაც თვიურ ჭრილში 1,4%-იანი, ხოლო წლიურ ჭრილში 21,3%-იანი ზრდაა.
