საკმაოდ ძლიერი წელი გვექნება, რაც ნიშნავს რომ უნდა გავაქტიურდეთ როგორც ადგილობრივ ისე საერთაშორისო ბაზრებზე - საქართველოს საპენსიო ფონდის მთავარი საინვესტიციო ოფიცრის მოვალეობის შემსრულებელი

ფინანსები

მიკრობანკმა „კრისტალმა“ Mastercard-ის პირველი პლასტიკური ბარათები გამოუშვა

27.02.2026.12:43

მიკრობანკმა „კრისტალმა“ მომხმარებლებისთვის Mastercard-ის პლასტიკური ბარათების გამოშვება დაიწყო. აღნიშნული ნაბიჯი მნიშვნელოვანი ეტაპია როგორც „კრისტალის“ განვითარებისთვის, ისე ქვეყანაში ციფრული გადახდების ეკოსისტემის გაძლიერებისთვის.

ახალი სადებეტო ბარათები ხელმისაწვდომია სტანდარტულ და გოლდ კატეგორიებში და მომხმარებლებს საშუალებას აძლევს განახორციელონ გადახდები საქართველოში და მსოფლიოს ნებისმიერ წერტილში, სადაც Mastercard მიიღება. ბარათის მფლობელები ასევე შეძლებენ ონლაინ გადახდებსა და უკონტაქტო ტრანზაქციებს, თანამედროვე უსაფრთხოების სტანდარტების დაცვით.

Mastercard-ისთვის „კრისტალთან“ პარტნიორობა კიდევ ერთი მნიშვნელოვანი ნაბიჯია ფინანსური ჩართულობის გაღრმავებისა და რეგიონებში თანამედროვე გადახდების ხელმისაწვდომობის გაზრდის მიმართულებით. Mastercard საქართველოში აქტიურად თანამშრომლობს როგორც კომერციულ ბანკებთან, ისე მიკროსაფინანსო სექტორთან, რათა მომხმარებლებს შესთავაზოს უსაფრთხო, სწრაფი და ინოვაციური გადახდის საშუალებები.

„საქართველოს ფინანსური სექტორი განვითარების ახალ ეტაპზეა - ფოკუსი გადადის არა მხოლოდ ტექნოლოგიურ ინოვაციებზე, არამედ მომხმარებელზე მორგებულ, მდგრად ფინანსურ პროდუქტებზე.

მიკრობანკ “კრისტალის” მიერ Mastercard-ის ბარათების დანერგვა მნიშვნელოვანია იმ თვალსაზრისით, რომ თანამედროვე საგადახდო ინფრასტრუქტურაზე წვდომა ფართოვდება და ხელმისაწვდომი ხდება კიდევ უფრო ფართო აუდიტორიისთვის. მომხმარებლები იღებენ უნივერსალურ, უსაფრთხო და საერთაშორისო სტანდარტების გადახდის ინსტრუმენტს, რომელიც ეფექტურად მუშაობს როგორც ყოველდღიურ ხარჯებში, ისე ონლაინ და უცხოურ ტრანზაქციებში.

ჩვენთვის ეს პარტნიორობა ნიშნავს ფინანსური ჩართულობის გაღრმავებას, უნაღდო ანგარიშსწორების ზრდის მხარდაჭერას და საქართველოში გადახდების ეკოსისტემის სისტემურ განვითარებას. აღნიშნული ნაბიჯი სრულად შეესაბამება Mastercard-ის გლობალურ სტრატეგიას - გავაძლიეროთ ციფრული ეკონომიკა და შევქმნათ უსაფრთხო, ინკლუზიური და მდგრადი ფინანსური გარემო“, - აცხადებს Mastercard-ის ვიცე-პრეზიდენტი საქართველოსა და სომხეთში დავით ზღუდაძე.