რამდენია საქართველოს საგარეო ვალი - ფინანსთა სამინისტროს სტატისტიკა
2025 წლის აგვისტოს მდგომარეობით, საქართველოს სახელმწიფო საგარეო ვალი 9 091 824 ათას დოლარს შეადგენს, რაც ეროვნულ ვალუტაში დაახლოებით 24 498 830 ათასი ლარია.
ფინანსთა სამინისტროს მიერ გამოქვეყნებული მონაცემების მიხედვით, 2025 წლის აგვისტოში 2024 წლის აგვისტოსთან შედარებით სახელმწიფო საგარეო ვალის მოცულობა 1,1%-ითაა გაზრდილი.
წინა თვესთან, ანუ 2025 წლის ივლისის მონაცემებთან კი 0,6%-ითაა მომატებული.
სამინისტროს საიტზე განთავსებული მაჩვენებლებით, 2024 წლის აგვისტოს მდგომარეობით სახელმწიფო საგარეო ვალი მოცულობა 8,989,998 ათასი დოლარი იყო, რაც ეროვნულ ვალუტაში 24,192,984 ათას დოლარს შეადგენდა.
2025 წლის აგვისტოს მდგომარეობით მთავრობის საგარეო ვალი 8 752 515 ათასი დოლარს შეადგენდა, რაც ეროვნულ ვალუტაში 23 584 527 ათასი ლარს უტოლდება.
აგვისტოს მონაცემებითვე, მრავალმხრივი კრედიტორების წინაშე დავალიანება 6 661 089 ათასი დოლარია, ანუ 17 948 970 ათასი ლარი.
საქართველოს სახელმწიფოს ყველაზე მსხვილი კრედიტორები არიან: აზიის განვითარების ბანკი (ADB), აზიის ინფრასტრუქტურის საინვესტიციო ბანკი (AIIB), ევროპის საინვესტიციო ბანკი (EIB), რეკონსტრუქციის და განვითარების განვითარების საერთაშორისო ბანკი (IBRD).
დღის ტოპ 10 სიახლე
სხვა სიახლეები
ლარის კურსი დოლართან და ევროსთან გამყარდა
20.11.2025.17:01
1 ევროს ოფიციალური ღირებულება 3.1203 ლარი გახდა, ხოლო 1 აშშ დოლარის 2.7067 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7067 ლარით განისაზღვრა. კურსი, რომელიც დღეს მოქმედებდა 2.7073 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0006 ლარი შეადგინა.
რაც შეეხება ევროს, მისი კურსი 3.1203 ლარია. მაშინ, როცა დღეს მოქმედი
კურსი 3.1342 ლარს შეადგენდა. შესაბამისად, ევროს ცვლილებამ 0.0139 ლარი შეადგინა.
