Radisson RED-მა თბილისობის ფესტს უმასპინძლა

ფინანსები

რამდენია საქართველოს საგარეო ვალი - ფინანსთა სამინისტროს სტატისტიკა

18.11.2025.13:00

2025 წლის ოქტომბრის მდგომარეობით, საქართველოს სახელმწიფო საგარეო ვალი 9 178 822 ათას დოლარს შეადგენს, რაც ეროვნულ ვალუტაში დაახლოებით 24 910 406 ათასი ლარია.

ფინანსთა სამინისტროს მიერ გამოქვეყნებული მონაცემების მიხედვით, 2025 წლის ოქტომბერში 2024 წლის ოქტომბერთან შედარებით სახელმწიფო საგარეო ვალის მოცულობა 3,9%-ითაა გაზრდილი.

წინა თვესთან, ანუ 2025 წლის სექტემბრის მონაცემებთან კი 1%-ით არის შემცირებული.

სამინისტროს საიტზე განთავსებული მაჩვენებლებით, 2024 წლის ოქტომბრის მდგომარეობით სახელმწიფო საგარეო ვალი მოცულობა 8,832,502 ათასი დოლარი იყო, რაც ეროვნულ ვალუტაში 24,261,117 ათას დოლარს შეადგენდა.

2025 წლის ოქტომბრის მდგომარეობით მთავრობის საგარეო ვალი 8 850 883 ათასი დოლარს შეადგენდა, რაც ეროვნულ ვალუტაში 24 020 412 ათასი ლარს უტოლდება.

ოქტომბრის მონაცემებითვე, მრავალმხრივი კრედიტორების წინაშე დავალიანება 6 769 368 ათასი დოლარია, ანუ 18 371 389 ათასი ლარი.

საქართველოს სახელმწიფოს ყველაზე მსხვილი კრედიტორები არიან: აზიის განვითარების ბანკი (ADB), აზიის ინფრასტრუქტურის საინვესტიციო ბანკი (AIIB), ევროპის საინვესტიციო ბანკი (EIB), რეკონსტრუქციის და განვითარების განვითარების საერთაშორისო ბანკი (IBRD).

Visa-მ და Mastercard-მა 2005 წელს აშშ-ის მოვაჭრეების მიერ შეტანილ სარჩელთან დაკავშირებით შეთანხმებას მიაღწიეს 18.11.2025.11:00