საქსტატის მონაცემებით, სამომხმარებლო ფასების ჰარმონიზაციის ინდექსი (HICP) 2025 წლის მაისის მონაცემებით, წინა წლის ანალოგიურ პერიოდთან შედარებით 3,5%-ით გაიზარდა, ხოლო წინა თვესთან შედარებით 0,5%-ით. 

წლიურ ჭრილში HICP-ი ყველაზე მაღალია შემდეგ კატეგორიაში: ჯანმრთელობის დაცვა (9,1%), სურსათი და უალკოჰოლო სასმელები (7,0%), სასტუმროები, კაფეები და რესტორნები (6,1%), განათლება (5,2%), ალკოჰოლური სასმელები, თამბაქო (3,4%), დასვენება, გართობა და კულტურა (1,8%), საცხოვრებელი სახლი, წყალი, ელექტროენერგია, აირი და სათბობის სხვა სახეები (0,8%), ტანსაცმელი და ფეხსაცმელი (0,5%) და სხვადასხვა საქონელი და მომსახურება (6,5%).

სამაგიეროდ HICP-ის შემცირდა შემდეგ სეგმენტებში: კავშირგაბმულობა (-12,5%), ტრანსპორტი (-4,1%), ავეჯი, საოჯახო ნივთები და მორთულობა, სახლის მოვლა-შეკეთება (-2,5%).

რაც შეეხება 2025 წლის მაისის მონაცემების შედარებას აპრილის მაჩვენებლებთან, სტატისტიკა ასე გამოიყურება:

თვიურ ჭრილში HICP-ი გაიზარდა შემდეგ კატეგორიაში: სასტუმროები, კაფეები და რესტორნები (1,8%), სურსათი და უალკოჰოლო სასმელები (1,2%), ტანსაცმელი და ფეხსაცმელი (0,5%), ალკოჰოლური სასმელები, თამბაქო (0.2%), ჯანმრთელობის დაცვა (0,0%), დასვენება გართობა და კულტურა (0,0%), განათლება, სხვადასხვა საქონელი და მომსახურება (0,0%).

თვიურად HICP-ის შემცირდა შემდეგ სეგმენტებში: ტრანსპორტი (-0,9%), კავშირგაბმულობა (-0,6%), ავეჯი, საოჯახო ნივთები და მორთულობა, სახლის მოვლა-შეკეთება (-0,1%), საცხოვრებელი სახლი, წყალი, ელექტროენერგია, აირი და სათბობის სხვა სახეები (-0,1%).

სამომხმარებლო ფასების ჰარმონიზაციის ინდექსი (HICP) გამოიყენება, ძირითადად, ევროკავშირის წევრი ქვეყნების მიერ და წარმოადგენს ფასების სტაბილურობის უმნიშვნელოვანეს მაჩვენებელს.

სამომხმარებლო ფასების ჰარმონიზებული ინდექსის გაანგარიშება ეფუძნება ევროკავშირის მიერ შემუშავებულ მეთოდოლოგიურ სახელმძღვანელოს და რეგულაციებს, რომელთა ზედმიწევნით დაცვა სავალდებულოა ამ ინდიკატორის მწარმოებელი ყველა ქვეყნისთვის.

„საქსტატის“ განმარტებით, HICP გამოიყენება, ძირითადად, ევროკავშირის წევრი ქვეყნების მიერ და წარმოადგენს ფასების სტაბილურობის უმნიშვნელოვანეს მაჩვენებელს. ის ეფუძნება ერთიან, ჰარმონიზებულ მეთოდოლოგიას და ამდენად, საქართველოს მიერ ამ ინდიკატორის წარმატებით დანერგვას დიდი მნიშვნელობა ენიჭება ევროკავშირის სტანდარტებთან დაახლოების თვალსაზრისით.

HICP არ შეცვლის აქამდე არსებულ სამომხმარებლო ფასების ინდექსს, რომელიც კვლავ გამოიყენება ინფლაციის მაჩვენებლის გაანგარიშებისთვის. ჰარმონიზებული ინდექსი წარმოადგენს დამატებით საანალიზო მაჩვენებელს და გამოყენებული იქნება საერთაშორისო შესადარისობის უზრუნველყოფისთვის.