ნათია თურნავა ვაშინგტონში Mastercard-ის ხელმძღვანელებს შეხვდა
ვაშინგტონში, საერთაშორისო სავალუტო ფონდისა და მსოფლიო ბანკის წლიური შეხვედრების ფარგლებში, საქართველოს ეროვნული ბანკის პრეზიდენტმა ნათია თურნავამ შეხვედრა გამართა Mastercard-ის აღმოსავლეთ ევროპის, შუა აღმოსავლეთისა და აფრიკის რეგიონის პრეზიდენტთან დიმიტრის დოსისთან და ვიცე-პრეზიდენტ აზამ ალამენტინთან.
შეხვედრაზე მხარეებმა განიხილეს საქართველოში ფინანსური ეკოსისტემის განვითარების ძირითადი მიმართულებები და Mastercard-ის ჩართულობა იმ ინიციატივებში, რომლებიც ემსახურება ფინანსური ჩართულობის ზრდას, ციფრული გადახდების განვითარებასა და სექტორის უსაფრთხოების გაძლიერებას.
განსაკუთრებული ყურადღება დაეთმო თანამედროვე ტექნოლოგიების დანერგვას გადახდების ბაზარზე, მათ შორის ძლიერი მომხმარებლის ავთენტიფიკაციის (SCA), ტოკენიზაციისა და სხვა ინოვაციური გადაწყვეტილებების განვითარებას, რომლებიც Mastercard-ის მხარდაჭერით ხორციელდება. აღნიშნული პროექტები მიზნად ისახავს მომხმარებელთა დაცულობის ამაღლებას და ბაზრის სტანდარტების შესაბამისობას საერთაშორისო პრაქტიკასთან.
ასევე განხილული იყო ფინტექ სექტორის წახალისება, ახალი პროდუქტებისა და სერვისების დანერგვის შესაძლებლობები, რაც ხელს შეუწყობს საქართველოს ფინანსური ბაზრის კონკურენტუნარიანობისა და საინვესტიციო მიმზიდველობის ზრდას.
Mastercard და საქართველოს ეროვნული ბანკი შეთანხმდნენ, რომ გააგრძელებენ მჭიდრო თანამშრომლობას ფინანსური ინოვაციების, მომხმარებელთა დაცვისა და თანამედროვე საგადახდო ინფრასტრუქტურის განვითარების მიმართულებით.
დღის ტოპ 10 სიახლე
გარე უბნების პოპულარობა, ინვესტორთა სტრატეგიები და NB TOWER-ის როლი უძრავი ქონების ტრანსფორმაციაში
სხვა სიახლეები
ლარის კურსი დოლართან და ევროსთან გამყარდა
20.10.2025.17:02
1 ევროს ოფიციალური ღირებულება 3.1560 ლარი გახდა, ხოლო 1 აშშ დოლარის 2.7076 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7076 ლარით განისაზღვრა. კურსი, რომელიც დღეს 2.7079 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0003 ლარი შეადგინა.
რაც შეეხება ევროს, მისი კურსი 3.1560 ლარია. მაშინ, როცა დღეს მოქმედი კურსი 3.1680 ლარს შეადგენდა. შესაბამისად, ევროს ცვლილებამ 0.012 ლარი შეადგინა.
ეკონომიკური საქმიანობის მონაწილეთა მიხედვით, სექტემბერში აგვისტოსთან შედარებით ინფლაციური მოლოდინები შემცირდა - სებ
17.10.2025.17:44
დაიწყეთ მზადება თბილისის წიგნის დღეებისთვის - ღონისძიების გენერალური სპონსორია საქართველოს ბანკი
17.10.2025.17:09
Global Finance-მა საქართველოს ბანკის პრემიუმ მიმართულება სამომხმარებლო და კორპორატიულ AI ბანკის კატეგორიაში მსოფლიოში საუკეთესოდ დაასახელა
17.10.2025.17:05
