ნათია თურნავა სსფ-სა და მსოფლიო ბანკის საგაზაფხულო შეხვედრების ფარგლებში საერთაშორისო ინვესტორების ჯგუფს შეხვდა
საქართველოს ეროვნული ბანკის პრეზიდენტმა ნათია თურნავამ და ფინანსთა მინისტრმა ლაშა ხუციშვილმა ქართული დელეგაციის სხვა წევრებთან ერთად, სავალუტო ფონდისა და მსოფლიო ბანკის საგაზაფხულო შეხვედრების ფარგლებში, საერთაშორისო ინვესტორებთან შეხვედრა გამართეს.
შეხვედრა საინვესტიციო ბანკ J.P. Morgan-ის ორგანიზებით შედგა და მასში 15-მდე ინვესტორი მონაწილეობდა. მათ შორის, ისეთი ცნობილი კომპანიები, როგორებიცაა: Danske Bank, Morgan Stanley, Shiprock Capital Management, Eaton Vance Corp. და სხვები.
ეროვნული ბანკის პრეზიდენტმა, პრეზენტაციის ფორმატში ამერიკელ ინვესტორებს საქართველოს ეკონომიკის ბოლო მაჩვენებლები გააცნო, ისაუბრა სტაბილურ მაკროეკონომიკურ გარემოსა და მყარ ფუნდამენტურ ფაქტორებზე, რის საფუძველზეც ქვეყანა ყველა გარე გამოწვევას უმკლავდება.
„ჩვენი ამოცანაა ახალი პერსპექტიული ინვესტორებისთვის უფრო ნათელი გავხადოთ საქართველოს მიმზიდველი საინვესტიციო გარემო და მოვიზიდოთ ისინი ქვეყანაში. ხოლო უკვე არსებულ ინვესტორებს კიდევ ერთხელ გავაცნოთ ჩვენი ხედვა და მათ მეტი ინვესტირების სურვილი გავუჩინოთ“, - აღნიშნა ნათია თურნავამ.
სებ-ის პრეზიდენტმა საერთაშორისო სავალუტო ფონდის ანგარიშზე გაამახვილა ყურადღება, რომლის მიხედვითაც საქართველო მსოფლიოში ერთ-ერთი ყველაზე სწრაფად მზარდი ეკონომიკაა. „ერთ სულ მოსახლეზე მშპ-ს ზრდის ტემპი და მაღალი ეკონომიკური ზრდის პარალელურად დაბალი ინფლაცია, პოტენციური ინვესტორებისთვის მიმზიდველ გარემოს ქმნის“, - განაცხადა ნათია თურნავამ.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სოსო ფხაკაძე
სხვა სიახლეები
ლარის კურსი დოლართან მიმართებაში გამყარდა
07.05.2025.17:56
1 ევროს ოფიციალური ღირებულება 3.1219 ლარი გახდა, ხოლო 1 აშშ დოლარის 2.7467 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7467 ლარით განისაზღვრა. კურსი, რომელიც დღეს მოქმედებდა, 2.7473 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0006 ლარი შეადგინა.
რაც შეეხება ევროს, მისი კურსი 3.1219 ლარია. მაშინ, როცა დღეს მოქმედი 3.1105 კურსი ლარს შეადგენდა. შესაბამისად, ევროს ცვლილებამ 0.0114 ლარი შეადგინა.
ეროვნულ ბანკში საქართველოს შემოსავლების სამსახურის, ინვესტორთა საბჭოს და საფინანსო სექტორის წარმომადგენლების შეხვედრა გაიმართა
06.05.2025.19:00
PLUS ბარათის გათამაშება გრძელდება – გაიცანით გამარჯვებული, რომელმაც 10 000 ლარი მოიგო
06.05.2025.17:27
პირველი მაისიდან გაფორმებულ ხელშეკრულებებზე სესხის გადატანისას წინსწრებით დაფარვის საკომისიო 2-დან 0.5 პროცენტამდე შემცირდა
06.05.2025.15:02
7 მაისს სებ-ის მონეტარული პოლიტიკის კომიტეტი გაიმართება - რა რისკები შეიძლება იქნას გათვალისწინებული გადაწყვეტილების მიღებისას
05.05.2025.18:30
