Mastercard-მა და AI Hub-მა, Tech განათლების გასაძლიერებლად, სტრატეგიული პარტნიორობა დაიწყეს
Mastercard, ციფრული გადახდების გლობალური ლიდერი, მთელი მსოფლიოს მასშტაბით აძლიერებს Tech მიმართულებას, როგორც ინოვაციების დანერგვით, ასევე, განათლების ხელშეწყობით. გამონაკლისი არც საქართველოა. სწორედ ამ მიზნით, Mastercard-მა და AI Hub-მა “ნებულამ”, სტრატეგიული პარტნიორობა დაიწყეს. შეთანხმება ოფიციალურად 28 მარტს გაფორმდა. სტრატეგიული პარტნიორობის ფარგლებში შექმნა საგანმანათლებლო კურსები ხელოვნური ინტელექტის (AI), ფინანსური განათლების, ელ. კომერციისა და კიბერუსაფრთხოების მიმართულებებით.
"Mastercard-ში ჩვენ გვჯერა, რომ Tech განათლების ხელშეწყობა არის უზრუნველყოფილი მომავლის და ეკონომიკური ზრდის გასაღები. ჩვენი პარტნიორობა AI Hub “ნებულასთან” განსაკუთრებული მნიშვნელობისაა, რადგან ის ცხადად გამოხატავს ჩვენს ვალდებულებას, საჭირო უნარებითა და ცოდნით უზრუნველვყოთ პროფესიონალთა შემდეგი თაობა და გავაძლიეროთ ქვეყნის ტექნოლოგიური ლანდშაფტი. ამ სტრატეგიული პარტნიორობის მეშვეობით, მონაწილეები მიიღებენ თეორიულ და პრაქტიკულ ცოდნას დღესდღეობით ყველაზე მნიშვნელოვან და მოთხოვნად მიმართულებებში. ჩვენი სურვილია დავეხმაროთ პირადად მათ კარიერულ გაძლიერებაში, ხოლო ქვეყანას, ეკონომიკურ წინსვლაში“ - დავით ზღუდაძე, Mastercard-ის ვიცე-პრეზიდენტი საქართველოსა და სომხეთში.
ხელოვნური ინტელექტის (AI) განვითარების სრული კურსი 2025 წლის აპრილიდან დაიწყება. 8 კვირიანი კურსის დასრულების შემდეგ, სტუდენტები შეძლებენ დამოუკიდებლად შექმნან AI თულები, მათ შორის AI-ით მართული ჩატბოტები, სურათების ამოცნობის მოდელები, პროგნოზირებადი ანალიტიკის თულები, AI რეკომენდაციის ალგორითმები AI-ით გენერირებული კონტენტი და ვებ-აპლიკაციები. თეორიული ცოდნისა და საჭირო უნარების გამოყენება კი, სხვადასხვა მიმართულებით - ფინანსებში, მარკეტინგში, ელ. კომერციასა და მედია ინდუსტრიებში შეეძლებათ.
„ჩვენი პარტნიორობა Mastercard-თან წარმოადგენს მნიშვნელოვან ნაბიჯს საქართველოს ტექნოლოგიური ეკოსისტემის და მომავალი პროფესიონალების გაძლიერების მიმართულებით. ეს შესაძლებლობა მათ საშუალებას მისცემს, გამოიყენონ თავიანთი ცოდნა რეალურ სამყაროში, შექმნან მომავლის კარიერული პერსპექტივები და ხელი შეუწყონ ქვეყნის ტექნოლოგიურ წინსვლას. ჩვენი მისიაა, რომ გავაძლიეროთ ქვეყნის ტექნოლოგიური მომავალი და ახალგაზრდა პროფესიონალებსა თუ დამწყებებს შევთავაზოთ ხელმისაწვდომი ცოდნა და პრაქტიკული უნარები ხელოვნური ინტელექტის, კიბერუსაფრთხოების, ელ. კომერციისა და ფინანსური განათლების სფეროში.“ - ნატალი პატარიძე, მულტიფუნქციური ცენტრის დირექტორი.
Mastercard უკვე რამდენიმე წელია აქტიურადაა ჩართული საგანმანათლებლო ინიციატივებში. ფინანსური განათლება, ციფრული უსაფრთხოება, უახლესი ტექნოლოგიები სტაბილურად რჩება პრიორიტეტულ მიმართულებებად და სწორედ მათი ხელშეწყობისთვის იქმნება და ადაპტირდება უნიკალური საგანმანათლებლო პროგრამები, რომლებსაც გლობალური კომპანია ქართველ და საერთაშორისო პარტნიორებთან ერთად ახორციელებს.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სხვა სიახლეები
07.05.2025.17:56
1 ევროს ოფიციალური ღირებულება 3.1219 ლარი გახდა, ხოლო 1 აშშ დოლარის 2.7467 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7467 ლარით განისაზღვრა. კურსი, რომელიც დღეს მოქმედებდა, 2.7473 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0006 ლარი შეადგინა.
რაც შეეხება ევროს, მისი კურსი 3.1219 ლარია. მაშინ, როცა დღეს მოქმედი 3.1105 კურსი ლარს შეადგენდა. შესაბამისად, ევროს ცვლილებამ 0.0114 ლარი შეადგინა.