თუ იგივე დონის შესყიდვები განხორციელდა, რაც 2025 წელს, შეგვიძლია ვთქვათ, რომ კურსი გარკვეულწილად 2–2.7-ის ფარგლებში იმერყევებს, - ამის შესახებ რადიო „სივრცის“ ეთერში გადაცემა Business Insider Georgia-ში სტუმრობისას Galt & Taggart-ის მთავარმა ეკონომისტმა ლაშა ქავთარაძემ განაცხადა. 

მისი თქმით, 2025 წელს ეროვნული ბანკი რეზერვების დაგროვების მიზნით ბაზარზე აქტიურ შესყიდვებს ახორციელებდა, რაც პოლიტიკის შედარებით აგრესიულ ხასიათზე მიუთითებს.

„ამასთან დაკავშირებით მინდა გითხრათ, რომ 2025 წელს რეზერვები რომ არ ყოფილიყო შესავსები და ჩვენ ადეკვატურ დონეზე ვყოფილიყავით, უფრო მეტად დავინახავდით გამყარებულ კურსს, მიუხედავად იმისა მაინც გამყარდა კურსი 2025 წელს 4%-ით. წელსაც ვფიქრობთ, რომ გარემო ისეთი არის, რომ გაცვლითი კურსი მინიმუმ შენარჩუნდება სტაბილურ დონეზე - 2.7-ის ფარგლებში. არ არის გამორიცხული, რომ გარკვეულ თვეებში უფრო დაბალი კურსიც ვიხილოთ და აქ კიდევ მნიშვნელოვანი არის რამდენად აგრესიული იქნება, შეგვიძლია დავარქვათ რომ 2025 წელს ეროვნული ბანკის პოლიტიკა შესყიდვების მიმართულებით რეზერვების დაგროვების კუთხით აგრესიული იყო.

რამდენად აგრესიული იქნება ეს მიმდინარე წელს, ესეც მნიშვნელოვანი ფაქტორი არის. თუ იგივე დონის შესყიდვები განხორციელდა, რაც 2025 წელს, შეგვიძლია ვთქვათ, რომ კურსი გარკვეულწილად 2-სა და 2.7-ის ფარგლებში იმერყევებს. თუმცა ბევრი ფაქტორი არის, ესაა საბაზისო მიდგომა. თუმცა არ არის გამორიცხული, რომ ვთქვათ ცოტათი გამყარებული კურსიც ვიხილოთ მიმდინარე წელს, რომელიც შესაძლოა გახდეს უფრო მეტად არგუმენტი იმისა, რომ მონეტარული პოლიტიკა შემდგომ იყოს შერბილებული 2026 წლის წლის განმავლობაში“, - განაცხადა ლაშა ქავთარაძემ.