ლევან შავკაციშვილი | ADB-ის 57-ე ყოველწლიური შეხვედრა

ფინანსები

სებ-ის გადაწყვეტილება მონეტარული პოლიტიკის განაკვეთის უცვლელად, 8%-ზე შენარჩუნებასთან დაკავშირებით, ჩვენს პროგნოზებთან თანხვედრაშია - ოთარ ნადარაია

17.12.2025.14:01

სებ-ის გადაწყვეტილება მონეტარული პოლიტიკის განაკვეთის უცვლელად, 8%-ზე შენარჩუნებასთან დაკავშირებით, ჩვენს პროგნოზებთან თანხვედრაშია, - აცხადებს თიბისი კაპიტალის მთავარი ეკონომისტი. ოთარ ნადარაიას განმარტებით, მას შემდეგ, რაც ინფლაცია კიდევ უფრო შემცირდება, სებ-ის აქცენტიც მონეტარული პოლიტიკის განაკვეთის შემცირებისკენ გადაიხრება.

„მოლოდინებთან შესაბამისობაში იყო განაკვეთის 8%-ზე დატოვება - იმ არაერთი ფაქტორის გათვალისწინებით, რაც სებ-ის პრესრელიზში იყო აღნიშნული.

ჯერჯერობით, სებ-ის შეფასებით, რისკები მაინც არსებობს. ინფლაცია მცირდება, მაგრამ ჯერჯერობით მაინც ფრთხილი გადაწყვეტილებისკენ გადაიხარა სებ-ი და, კიდევ უფრო რომ გამოიკვეთება ინფლაციის სამიზნესთან დაახლოება, შემდგომ იქნება შერბილებაზე აქცენტი.

რაც შეეხება სამომავლო დინამიკას, თავისთავად არის რისკფაქტორები, თუმცა საბაზო სცენარი მაინც, ვფიქრობთ, არის განაკვეთის შემცირება. ჩვენი შეფასებით, 2026 წელს განაკვეთის დაახლოებით 7,5%-მდე შემცირებას ვიხილავთ, რასაც აშშ-ში განაკვეთების შემცირებაც უწყობს ხელს. თუმცა „ფედის“ ბოლო განცხადება, რაც ვნახეთ, სავარაუდოდ, ზომიერი - მხოლოდ ერთი - შემცირება იქნება მომავალ წელს. ეს პროგნოზები ყოველთვის იცვლება და, თავისთავად, რისკფაქტორების გათვალისწინებით, მათ შორის სავალუტო ბაზარზე არსებული ვითარება მნიშვნელოვანია. თუ სავალუტო ბაზარზე ვალუტის ჭარბი მიწოდება შენარჩუნდა, ესეც, რა თქმა უნდა, სხვა თანაბარ პირობებში, შემცირებას უწყობს ხელს“, - აცხადებს ნადარაია.

სავალუტო ფონდის მისიის მიერ ხაზი გაესვა ქვეყნის მაკროეკონომიკური და ფისკალური პოლიტიკის მდგრადობას - ფინანსთა მინისტრის მოადგილე ეკატერინე გუნცაძე 17.12.2025.13:28