ლევან შავკაციშვილი | ADB-ის 57-ე ყოველწლიური შეხვედრა

ფინანსები

ქვეყანაში საგადახდო სადებეტო ბარათების რაოდენობა რეკორდულ ნიშნულზეა, ბაზრის ლიდერობას კი კვლავ Mastercard-ი ინარჩუნებს

29.11.2025.11:00

სებ-ის მონაცემების მიხედვით, მიმოქცევაში არსებული საგადახდო სადებეტო ბარათების რაოდენობა (ერთეული) ერთი წლის განმავლობაში 12,3%-ით გაიზარდა, ხოლო წინა თვის მონაცემებთან შედარებით 0,9%-ით.

2025 წლის ოქტომბრის ბოლოსთვის ბაზარზე აქტიური 10 608 929 ერთეული სადებეტო ბარათი იყო, მაშინ როდესაც ერთი წლით ადრე მათ რაოდენობა 9 441 209 ბარათს შეადგენდა.

საქართველოში სადებეტო ბარათების მხრივ კვლავ Mastercard-ი ლიდერობს. 2025 წლის ოქტომბრის ბოლოსთვის არსებული საგადახდო სადებეტო ბარათებიდან 5 730 535 ერთეული სწორედ Mastercard-ზე მოდის.

Mastercard-ის ბარათების მიმდინარე მონაცემები კი სექტემბრის მაჩვენებლებთან შედარებით 0,4%-იან, ხოლო 2024 წლის ოქტომბერთან შედარებით 15,8%-იან ზრდას აჩვენებს.

ოქტომბრის სტატისტიკის მიხედვით, აქტიური სადებეტო ბარათებიდან 54%-ს Mastercard-ი ფლობს, 28,3%-ს VISA, AMEX კი 14,5%-ის მფლობელია. დანარჩენი სადებეტო ბარათები კი სხვა სისტემებზე ნაწილდება.

2025 წლის ოქტომბრის ბოლოსთვის მიმოქცევაში VISA-ს აქტიური 3 004 311 ბარათი იყო. ზრდა წინა თვესთან შედარებით 1,5%-ია, ხოლო 2024 წლის ოქტომბერთან შედარებით 9,6%-ითაა გაზრდილი.

რაც შეეხება AMEX-ს, ოქტომბერში მისი სადებეტო ბარათების რაოდენობა 1 541 003 ერთეული იყო, რაც თვიურ ჭრილში 1,6%-იანი, ხოლო წლიურ ჭრილში 21,9%-იანი ზრდაა.

ლარის კურსი დოლართან და ევროსთან გამყარდა 28.11.2025.17:02

ბაზარზე საკრედიტო ბარათების რაოდენობა მზარდია - VISA პოზიციებს არ თმობს 28.11.2025.17:00

2026 წლის პროგნოზით ველით, რომ ლარი ძირითადად სტაბილური დარჩება და 1 დოლარი 2.7 ლარის ფარგლებში იქნება - Galt & Taggart 28.11.2025.16:29

Galt & Taggart-ის გათვლებით, 2025 წლის განმავლობაში დოლარის საშუალო გაცვლითი კურსი 2.74 ლარი იქნება 28.11.2025.16:27