საქართველოს ეროვნული ბანკის ინფლაციური მოლოდინების შესახებ ინფორმაციას აქვეყნებს, რომელიც ბიზნესისგან მიღებული ინფორმაციის დამუშავების შედეგად არის მიღებული.

მოცემულ ანგარიშში წარმოდგენილია ინფლაციური მოლოდინებისა და ეკონომიკური აქტივობის შესახებ ეკონომიკური საქმიანობის მონაწილეთა გამოკითხვის სექტემბრის თვის შედეგები:

„ეკონომიკური საქმიანობის მონაწილეთა მიხედვით, სექტემბერში აგვისტოსთან შედარებით ერთწლიან პერიოდზე ინფლაციური მოლოდინები შემცირდა. იმ რესპონდენტთა წილი, რომლებიც ფასების ცვლილებას 8%-ზე მეტად ვარაუდობენ შემცირებულია. ამავდროულად, სექტემბერში აგვისტოსთან შედარებით გაზრდილია იმ რესპონდენტთა რაოდენობა, რომლებიც საკუთარ პროდუქტზე ფასების საერთოდ არ ელოდებიან ან 0%-2%-ის ფარგლებში ფიქრობენ.

ამავე გამოკითხვის მიხედვით, სექტემბერში აგვისტოსთან შედარებით სამწლიან პერიოდზე ინფლაციური მოლოდინები შემცირებულია. ერთი მხრივ, შემცირებულია იმ მონაწილეთა რაოდენობა, რომლებიც მომდევნო სამი წლის მანძილზე ფასების ცვლილებას 8%-ზე მეტად და 4%-6%-ის ფარგლებში ფიქრობენ. მეორე მხრივ, აგვისტოსთან შედარებით, გაიზარდა იმ მონაწილეთა რაოდენობამ, რომლებიც ფასების ცვლილებას 6%-8%-სა და 2%-4%-ის ფარგლებში ელოდებიან.

გამოკითხულთა აზრით, საკუთარ პროდუქციაზე/მომსახურებაზე ფასების ზრდის მოლოდინი 1 წლიან პერიოდში შემცირებულია. ერთი მხრივ, შემცირდა იმ რესპონდენტთა რაოდენობა, რომლებიც მომდევნო 1 წლის მანძილზე ფასების ზრდას ელოდებიან 8%-ზე მეტად, ნულოვან ცვლილებასა და 0-2% ინტერვალის ფარგლებში. მეორე მხრივ, გაიზარდა იმ რესპონდენტთა რაოდენობა, რომლებიც სამომხმარებლო ფასების ცვლილებას 4%-6%-ისა და 6%-8%-ის ინტერვალში ელოდებიან.  ამავე გამოკითხვის მიხედვით, სექტემბერში აგვისტოსთან შედარებით მოლოდინები ხელფასების ზრდაზე შემცირებულია. კერძოდ, იმ რესპონდენტთა რაოდენობა, რომლებიც ხელფასების ცვლილებას 20% 30% ფარგლებში ელოდებიან შემცირებულია. ამავე დროს, გაზრდილია იმ რესპონდენტთა რაოდენობა, რომლებიც ხელფასების ცვლილებას 0%-10% მიდამოში მოიაზრებენ.

გამოკითხულთა აზრით, სექტემბერში კომპანიაში წარმოებისათვის საჭირო რესურსების გამოყენების ეფექტიანობა (კომპანიის რესურსების რეალური გამოყენება, მაქსიმალურ გამოყენებასთან შედარებით) აგვისტოსთან შედარებით შემცირებულია“, - აღნიშნულია პუბლიკაციაში.