ლარის კურსი დოლართან და ევროსთან მიმართებაში გამყარდა

ფინანსები

მაისში სახაზინო ფასიანი ქაღალდების ჯამურმა გამოშვების მოცულობამ 275.78 მლნ ლარი შეადგინა

06.06.2025.19:00

მაისში სახაზინო ფასიანი ქაღალდების ჯამურმა გამოშვების მოცულობამ 275.78 მლნ ლარი შეადგინა. ფინანსთა სამინისტროს ინფორმაციით, 2025 წლის მაისში ჩატარდა 6 გამოშვებისა და 1 გაცვლის აუქციონი. გამოშვებული სახაზინო ფასიანი ქაღალდების საშუალო შეწონილმა საპროცენტო განაკვეთმა კი 8.93% შეადგინა. სულ გამოშვებულ იქნა 6 და 12 თვის ვადიანობისა და 3, 5, 7 და 11 წლის ნარჩენი ვადიანობის მქონე სახაზინო ობლიგაციები. დაიფარა 451.25 მლნ ლარის მოცულობის სახაზინო ვალდებულებები.

2025 წლის 31 მაისისათვის სახელმწიფო ფასიანი ქაღალდების პორტფელის 42.8% ფორმირებულია იმ ფასიანი ქაღალდებით, რომელთა დაფარვის ვადა დგება მომავალი 1-3 წლის განმავლობაში. სახელმწიფო ფასიანი ქაღალდების პორტფელში ასევე დიდი წილი უკავია 3-5 წლის ვადიანობის მქონე ობლიგაციებს (დაახლოებით 26.6%).

მოთხოვნის კოეფიციენტი გასული თვის მაჩვენებელთან (აპრილი 1.89) შედარებით გაიზარდა და 1.98 შეადგინა.

მაისში სახაზინო ფასიანი ქაღალდების დარჩენილი საშუალო შეწონილი ვადიანობა გაიზარდა და 3.74 წელი შეადგინა (აპრილი 3.6 წელი)

მაისის მდგომარეობით საქართველოს საერთაშორისო სავალუტო რეზერვებმა 4.6 მლრდ დოლარი შეადგინა 06.06.2025.18:27