“კრისტალი” მომხმარებელთა უფლებების დაცვის საერთაშორისო დღეს უერთდება
კრისტალი უერთდება მომხმარებელთა უფლებების დაცვის საერთაშორისო დღეს, რომელიც მთელი მსოფლიოს მასშტაბით, 15 მარტს აღინიშნება.
“კრისტალისთვის” მომხმარებლებზე ზრუნვა და მათი უფლებების დაცვა, ერთ-ერთი მთავარი პრიორიტეტია. კომპანია ერთგულებასა და პასუხისმგებლობას თითოეული ფიზიკური თუ იურიდიული პირის მიმართ ყოველდღიური საქმიანობით ადასტურებს. “კრისტალისთვის” უმნიშვნელოვანესია, ყველა მომხმარებლისთვის იყოს სანდო ფინანსური პარტნიორი, რისთვისაც მათ ყოველთვის სთავაზობდეს საუკეთესო გამოცდილებასა და დაცულობას.
“მომხმარებელთა უფლებები არ არის მხოლოდ კანონით გათვალისწინებული ვალდებულება, ეს არის კორპორაციული პრინციპები, გამჭვირვალობა, უსაფრთხოება და ხარისხი — ის ღირებულებები, რომლებზეც ჩვენი კომპანია დგას. მომხმარებლების დაცვა მუდმივი პროცესია და, ბუნებრივია, ის ყოველთვის პრიორიტეტად დარჩება: საბანკო ლიცენზიის მიღება მეტ პასუხისმგებლობას გვაკისრებს. შესაბამისად, ამ მიმართულებით მუშაობასა და საქმიანობას კვლავაც აქტიურად გავაგრძელებთ”, - აღნიშნავს კრისტალის გენერალური დირექტორი ილია რევია.
გასულ წელს ამ მიმართულებით “კრისტალმა” საერთაშორისო აღიარებაც მოიპოვა და მიკროფინანზას გლობალური სარეიტინგო კომპანია MFR-ისგან მომხმარებელთა დაცვის ვერცხლის სერტიფიკატის მიიღო. სერტიფიკატი, რომელიც მომხმარებელთა დაცვის საერთაშორისოდ აღიარებულ სტანდარტებსა და კრიტერიუმებს ეფუძნება, “კრისტალს” MFR-ის ექსპერტების მიერ ჩატარებული ხანგრძლივი და სიღრმისეული კვლევის შემდეგ მიენიჭა.
საერთაშორისო აღიარება ადასტურებს, რომ კომპანია ზედმიწევნით ითვალისწინებს მომხმარებლების დაცვის გლობალურ პრინციპებს, უზრუნველყოფს სამართლიან, სანდო და გამჭვირვალე მიდგომებს, ახორციელებს პასუხისმგებლიანი და გონივრული დაკრედიტების პოლიტიკას მომხმარებლისთვის ჭარბვალიანობის ასარიდებლად, განსაკუთრებულად იცავს მათი პირადი მონაცემების უსაფრთხოებას, ხელს უწყობს მომხმარებლების ეკონომიკურ გაძლიერებასა და ფინანსურ რესურსებზე წვდომას.
ამას გარდა, ვერცხლის სერტიფიკატი ხაზს უსვამს, რომ “კრისტალი” აკმაყოფილებს მომხმარებლების ადეკვატური დაცვისთვის აუცილებელ ყველა სტანდარტს და თანამედროვე პრაქტიკის შესაბამისად მუდმივად პროგრესირებს.
“კრისტალის” შესახებ:
კრისტალმა 2025 წლის 12 თებერვალს, საქართველოს ეროვნული ბანკისგან მიკრობანკის ლიცენზია მიიღო.
მიკრობანკის ლიცენზიის მიღებამდე, კომპანია ქართულ საფინანსო ბაზარზე სს მიკროსაფინანსო ორგანიზაციის სტატუსით ოპერირებდა. ლიცენზიის მიღებას კრისტალი 520 მილიონი ლარის სასესხო პორტფელით, 48 ფილიალში დასაქმებული 1 000-ზე მეტი თანამშრომლით და ქვეყნის მასშტაბით 105 000 -ზე მეტი უნიკალური მომხმარებებლით შეხვდა.
კრისტალის ისტორია 1998 წელს იწყება, მაშინ, როცა აფხაზეთიდან იძულებით გადაადგილებულ პირთა მიერ ადგილობრივი არაკომერციული ორგანიზაცია - საქველმოქმედო ჰუმანიტარული ცენტრი „აფხაზეთი“ დაფუძნდა, რომელმაც წამოიწყო მიკრო დაკრედიტების საპილოტე პროგარამა. ფონდის სასესხო კაპიტალი მაშინ სულ რაღაც $10,000 დოლარს შეადგენდა. თითქმის 27 წლის მანძილზე ორგანიზაციამ ხანგრძლივი, გამოწვევებით და მრავალი წარმატებით სავსე პერიოდი გაიარა.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სხვა სიახლეები
16.05.2025.13:00
საპენსიო სააგენტოს, რომელსაც მიმდინარე თვიდან სახელი შეეცვალა და საპენსიო ფონდის სახელით განაგრძობს ოპერირებას, აქტივების მოცულობა ყოველთვიურად იზრდება. როგორც რადიო სივრცის ეთერში გადაცემა Business Insider Georgia-ში სტუმრობისას საპენსიო ფონდის მთავარი საინვესტიციო ოფიცრის მოვალეობის შემსრულებელმა ანა ნაჭყებიამ განაცხადა, 2025 წლის 30 აპრილის მდგომარეობით, ფონდის აქტივების მოცულობამ 6.7 მილიარდ ლარს, ხოლო ჯამურმა დაგენერირებულმა ამონაგებმა 1.6 მილიარდ ლარს მიაღწია.
„ჩვენი აქტივების მოცულობა ყოველთვიურად იზრდება. როგორც იცით ვაერთიანებთ დაახლოებით 1.4 მლნ მონაწილეს, რომლებიც ყოველთვიურად თავიანთი შემოსავლისას დაახლოებით 6%-ს ფონდში რიცხავენ. აპრილის მდგომარეობით, ჩვენი აქტივების მოცულობამ 6.7 მლრდ ლარი შეადგინა. აღნიშნული 6.7 მლრდ-დან კი 1.6 მლრდ ლარი არის ჩვენს მიერ დაგენერირებული ამონაგები, ხოლო დანარჩენი შენატანები, რომელსაც ვიღებთ კომპანიებისგან“, - აცხადებს ანა ნაჭყებია.
მისივე თქმით, ყველას აქვს საშუალება, რომ თავად გადაწყვიტოს თუ რომელ პორტფელში სურს მოახდინოს საკუთარი ფინანსების ინვესტირება.
„როგორც იცით კანონის შესაბამისად, ჩვენ ვმართავთ სამი განსხვავებული რისკისა და შემოსავლების მქონე პორტფელს. ეს არის კონსერვატიული პორტფელი, დაბალანსებული პორტფელი და დინამიკური პორტფელი.
მთავარი სხვაობას ამ პორტფელებს შორის განსაზღვრავს კანონი და მთავარი სხვაობა არის აქტივების განაწილება.
კონსერვატიული პორტფელის ძირითადი ნაწილი, ანუ დაახლოებით 80%-ი არის ინვესტირებული საქართველოში, ადგილობრივ ფასიან ქაღალდებში. აქ არის ძირითადად დეპოზიტები ქართულ ბანკებში და ასევე გვაქვს სახელმწიფო ფასიანი ქაღალდები, ხოლო 20%-ი არის განთავსებული საერთაშორისო აქციებში.
დინამიკური პორტფელი, რომელიც ამ კონსერვატიულიდან ყველაზე განსხვავებული პორტფელია სხვანაირად არის მოწყობილი და აქ აქტივების ძირითადი ნაწილი, 55%-ი არის ინვესტირებული საზღვარგარეთ აქციებში, ხოლო 45%-ი ადგილობრივ ობლიგაციებში.
შესაბამისად, დაბალანსებული პორტფელი არის ამ ორს შორის პორტფელი და ეს საშუალებას აძლევს ყველა მონაწილეს თავად გადაწყვიტოს როგორ დააინვესტიროს თავისი აქტივები. ყველას უჩანს საპენსიო გვერდზე თავისი აქტივების მოცულობა და თვითონ შეუძლია, რომ მოვიდეს საპენსიო ფონდში, ან იუსტიციის სახლში და გადაწყვიტოს, რომელი არის მისთვის შესაფერისი საინვესტიციო პორტფელი“, - აცხადებს ანა ნაჭყებია.