ხელოვნური ინტელექტის (AI) სრული კურსი Mastercard-ისგან – ხელმისაწვდომი განათლება ტექნოლოგიური მომავლისთვის
თუ დაფიქრდებით, აღმოაჩენთ, რომ ხელოვნური ინტელექტი მომავლის ის თემაა, რომელიც მოულოდნელად შემოიჭრა ჩვენს რეალობაში. ახალ ამბებში, ინსტაგრამის რეკომენდაციებში, ჩატბოტებსა თუ ფოტო ალბომებში - რაც არ უნდა გავიხსენოთ — AI არის ყველგან. დღეს, ხელოვნური ინტელექტი მთლიანად ცვლის ჩვენს რეალობას და თავიდან განსაზღვრავს ადამიანის როლს ამ სამყაროში - ვინ ვართ, როგორი ურთიერთობა გვაქვს სხვა ადამიანებთან, როგორ ვმუშაობთ და უფრო მეტიც, როგორ ვირჩევთ პროფესიას.
სწორედ ამიტომ, Mastercard-მა და AI Hub-მა "ნებულამ", www.fastoo.com-ის მხარდაჭერით, სტრატეგიული პარტნიორობა დაიწყეს და საქართველოში ახალი საგანმანათლებლო ინიციატივა წამოიწყეს, რომელიც მომავალი თაობის პროფესიონალებს AI სფეროში განვითარებისთვის სანდო და პრაქტიკულ გზას სთავაზობს. „ხელოვნური ინტელექტის (AI) სრული კურსი“ აპრილში დაიწყება და 8 კვირის განმავლობაში მონაწილეებს გააცნობს AI-ის მუშაობის საფუძვლებს. ასწავლის, როგორ შექმნან საკუთარი ჩატბოტები, ვიზუალური ამომცნობი სისტემები და თუნდაც, რეკომენდაციის ალგორითმები – ზუსტად იმავე ლოგიკით, როგორც TikTok ან Netflix მუშაობს.
მოდულებად დაყოფილი პროგრამა ეტაპობრივად მიაწოდებს სტუდენტებს ცოდნას: პირველი კვირები მანქანური სწავლისა და ღრმა ნეირონული ქსელების საფუძვლებს ეძღვნება – როგორ სწავლობენ მანქანები, როგორ არჩევენ შაბლონებს და როგორ აღიქვამენ ვიზუალურ ან ტექსტურ ინფორმაციას. ამის შემდეგ, სტუდენტები AI-ის გაცნობას რეალური ინდუსტრიებში დაიწყებენ. ისინი ისწავლიან ფინანსებში – თაღლითობის აღმოჩენას, მარკეტინგში – მომხმარებლის ქცევის პროგნოზირებას, HR-ში – რეკრუტინგის ავტომატიზაციას, მედიასა და ხელოვნებაში კი – AI-ით გენერირებული კონტენტის შექმნას. ყოველი თემა მოიცავს არა მხოლოდ თეორიას, არამედ პრაქტიკულ დავალებებს — სწორედ ამიტომაა „ხელოვნური ინტელექტის (AI) სრული კურსი“ განსაკუთრებული.
მესამე ეტაპი კი — უკვე მოწინავე ცოდნისა და პრაქტიკის განვითარებაა. ჰიპერპარამეტრების რეგულირება, ახსნადი AI, მონაცემთა კონფიდენციალურობა, GDPR და ეთიკა — ეს არამხოლოდ ტექნიკური უნარებია, არამედ პასუხისმგებლობა, რომელსაც თანამედროვე დეველოპერი ატარებს. კურსის ბოლო ნაწილში სტუდენტები შექმნიან საკუთარ პროექტს. ეს შეიძლება იყოს AI ჩატბოტი, გამოსახულების ამომცნობი სისტემა ან რისკების ანალიტიკა – რაც მთავარია, პროექტმა რეალურ საჭიროებას უნდა უპასუხოს.
„ხელოვნური ინტელექტის (AI) სრული კურსი“ საერთაშორისო სტანდარტების დაცვით, მთლიანად ქართულ ენაზე ჩატარდება. თუმცა აუცილებელი მოთხოვნაა Python-ის, მონაცემთა სტრუქტურებისა და ალგორითმების საბაზისო და მათემატიკური საფუძვლების - ალგებრის, ალბათობისა და სტატისტიკის ცოდნა.
დღის ტოპ 10 სიახლე
მოსაზრება
ჩვენი ამოცანაა, ბიზნეს სექტორის ინტერესების წარმოდგენა
საჭიროა, ამ დადგენილებების მოდიფიცირება ისეთი გზით, რომ არ დაზიანდეს არც ბიზნესის და არც სახელმწიფოს ინტერესები.
სხვა სიახლეები
07.05.2025.17:56
1 ევროს ოფიციალური ღირებულება 3.1219 ლარი გახდა, ხოლო 1 აშშ დოლარის 2.7467 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7467 ლარით განისაზღვრა. კურსი, რომელიც დღეს მოქმედებდა, 2.7473 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0006 ლარი შეადგინა.
რაც შეეხება ევროს, მისი კურსი 3.1219 ლარია. მაშინ, როცა დღეს მოქმედი 3.1105 კურსი ლარს შეადგენდა. შესაბამისად, ევროს ცვლილებამ 0.0114 ლარი შეადგინა.