გოგიტა თოდრაძე | როგორია დეტალური მონაცემები საქართველოში მოსახლეობის რაოდენობის და მისი შემადგენლობის, ასევე სხვადასხვა სახის დემოგრაფიული, სოციალურ-ეკონომიკური მახასიათებლების შესახებ

ფინანსები

იანვარში სახაზინო ფასიანი ქაღალდების ჯამურმა გამოშვების ₾388.83 მილიონი შეადგინა - ფინანსთა სამინისტრი

04.02.2026.11:00

2026 წლის იანვარში ჩატარდა 6 გამოშვებისა და 1 გაცვლის აუქციონი. სახაზინო ფასიანი ქაღალდების ჯამურმა გამოშვების მოცულობამ შეადგინა 388.83 მლნ ლარი. ფინანსთა სამინისტროს ცნობით, საშუალო შეწონილმა საპროცენტო განაკვეთმა 8.972% შეადგინა.

გამოშვებულ იქნა 6 და 12 თვის ვადიანობისა და 3, 5, 8 და 11 წლის ნარჩენი ვადიანობის მქონე სახაზინო ობლიგაციები. დაიფარა 502.21 მლნ ლარის მოცულობის სახაზინო ვალდებულებები.

2026 წლის 31 იანვრისათვის სახელმწიფო ფასიანი ქაღალდების პორტფელის 30.4% ფორმირებულია იმ ფასიანი ქაღალდებით, რომელთა დაფარვის ვადა დგება მომავალი 5 და მეტი წლის განმავლობაში. სახელმწიფო ფასიანი ქაღალდების პორტფელში ასევე დიდი წილი უკავია 3-5 წლის ვადიანობის მქონე ობლიგაციებს (დაახლოებით 27%).

მოთხოვნის კოეფიციენტი იანვარში გასული თვის მაჩვენებელთან (დეკემბერი 2.24) შედარებით გაიზარდა და 2.59 შეადგინა.

იანვარში სახაზინო ფასიანი ქაღალდების დარჩენილი საშუალო შეწონილი ვადიანობა 3.88 იყო.