Georgia Capital PLC აცხადებს, რომ მის მიერ ადრე გამოცხადებული 50 მილიონი აშშ დოლარის ოდენობის აქციების გამოსყიდვისა და გაუქმების პროგრამის წარმატებით დასრულების შემდეგ, კომპანიამ დღეს დაიწყო დირექტორთა საბჭოს მიერ 2026 წლის 23 თებერვალს დამტკიცებული ახალი, 50 მილიონი აშშ დოლარის ოდენობის აქციების გამოსყიდვისა და გაუქმების პროგრამა.

პროგრამა მოქმედი იქნება ცხრა თვის განმავლობაში. აქციების შესყიდვა განხორციელდება ღია ბაზარზე, ხოლო ხაზინის აქციების გაუქმება შესრულდება ყოველთვიურად. გამოსყიდვის მიზანია კომპანიის სააქციო კაპიტალის შემცირება.

გამოსყიდვის პროგრამის ფარგლებში თითო აქციაზე გადახდილი მაქსიმალური ფასი არ გადააჭარბებს ერთ აქციაზე ბოლო გამოქვეყნებულ წმინდა აქტივების ღირებულებას (NAV). 2025 წლის წლიურ საერთო კრებაზე („AGM“) აქციონერების მიერ მინიჭებული უფლებამოსილების შესაბამისად, გამოსასყიდი აქციების მაქსიმალური რაოდენობა შეადგენს 3,150,275-ს.

პროგრამა ხორციელდება წინასწარ განსაზღვრული პარამეტრების ფარგლებში და 2025 წლის AGM-ზე მინიჭებული საერთო უფლებამოსილების, FCA-ის ლისტინგის წესების მე-12 თავის, ასევე ბაზრის ბოროტად გამოყენების რეგულაციის (Market Abuse Regulation 596/2014/EU) და ევროკომისიის დელეგირებული რეგულაციის (EU) 2016/1052-ის (იმ სახით, როგორც ისინი გაერთიანებული სამეფოს შიდა სამართალში მოქმედებს) მოთხოვნების შესაბამისად.

კომპანიამ დანიშნა Numis Securities Limited („Deutsche Numis“) პროგრამის მართვისთვის, როგორც შეუქცევადი და არადისკრეციული აქციების გამოსყიდვის მმართველი პროგრამის დასრულებამდე. დახურულ პერიოდებში კომპანიასა და მის დირექტორებს არ აქვთ პროგრამაში ცვლილებების შეტანის უფლება და მისი შესრულება სრულად ხორციელდება Deutsche Numis-ის დამოუკიდებელი გადაწყვეტილებით.

კომპანია შესაბამის განცხადებებს გააკეთებს დამატებით, როგორც კი დასრულდება აქციების მორიგი გამოსყიდვები.