გამოვდივარ ინიციატივით ვიფიქროთ სახელმწიფო ბანკის შექმნაზე - ილია ინჯია
გამოვდივარ ინიციატივით, რომ ვიფიქროთ სახელმწიფო ბანკის შექმნაზე, - ამის შესახებ საპარლამენტო სესიაზე პოლიტიკური ჯგუფი „ევროპელი სოციალისტების“ წარმომადგენელმა ილია ინჯიამ განაცხადა. მისი თქმით, სახელმწიფო ბანკის შექმნა მარტივს გახდის რეგულაციებს სოციალური მიმართულებით.
„რა თქმა უნდა, უმნიშვნელოვანესია ფასების დარეგულირება და ეს პირდაპირ კავშირშია სოციალურ მდგომარეობასთან ჩვენი მოსახლეობის. ბევრი რამე ჩვენთვის იქნება ნათელი ამ პროცესის მიმდინარეობისას და დარწმუნებული ვარ ის ფასის შედგენაში დიდი მონაწილეობა ექნება ალბათ საბანკო სისტემასაც და საპროცენტო განაკვეთსაც. მაგრამ ეს ხვალინდელი დღეა და ამ დეტალებს კიდევ უფრო ნათელს გახდის კომისიის მუშაობა.
გამოვდივარ ინიციატივით, რომ უმნიშვნელოვანესია ჩვენი ქვეყნის სუვერენიტეტის კიდევ უფრო განმტკიცებისთვის ვიფიქროთ სახელმწიფო ბანკის შექმნაზე, რომელიც კიდევ უფრო გაადვილებს რეგულაციებს იმ უმნიშვნელოვანეს სოციალური მიმართულებით, რომელიც საინტერესოა ჩვენი მოსახლეობისთვის.
ხვალინდელი ჩვენი მუშაობა მოკლე ვადაში უნდა დავამთავროთ, რომ ჩქარა შევუდგეთ ფასების კლებას, მაგრამ ეს არაფრით არ უნდა აისახოს პროდუქტების ხარისხზე. ეს აუცილებლად ხაზგასასმელია და საყურადღებო.
ეს არის დღევანდელი ჩვენი მუშაობა, დღეს შეიქმნება კომისია და წარმატება მინდა ვუსურვო ყველა კომისიის წევრს და ყველა ჩართულ ჯგუფს, რომელიც მონაწილეობას მიიღებს ამ პროცესში“, - აღნიშნა ილია ინჯიამ.
დღის ტოპ 10 სიახლე
სხვა სიახლეები
ბანკი ქართუ განცხადებას ავრცელებს
03.02.2026.16:38
ბანკი ქართუ განცხადებას ავრცელებს, რომელსაც უცვლელად გთავაზობთ:
„ბანკი ქართუ ეხმიანება TV პირველის მიერ გავრცელებულ მორიგ მანიპულაციურ სიუჟეტს და ცრუ ბრალდებებს ბანკი ქართუს მიერ ნარკოდანაშაულში ბრალდებული პირისთვის ქონების მიყიდვის და სესხის გაცემის შესახებ.
„პირიმზის“ შენობის რეალიზაცია მოხდა 2022 წელს. ბანკი ქართუ მოქმედებდა საქართველოს კანონმდებლობის და საუკეთესო საერთაშორისო საბანკო პრაქტიკის სრული დაცვით. მათ შორის შესწავლილ იქნა მყიდველი კომპანია, მისი იმჟამინდელი დამფუძნებელი/ბენეფიციარი/დირექტორი, მოხდა ინფორმაციის საძიებო სისტემებში გადამოწმება. არ არსებობდა ობიექტური გარემოება, რომ ბანკს თავი შეეკავებინა ასეთი ხელშეკრულების დადებისგან. აღნიშნულ გარიგებასთან და მასში მონაწილე პირებთან მიმართებაში ბანკმა განახორციელა კანონმდებლობით გათვალისწინებული ყველა საჭირო ქმედება.
საზოგადოებას შევახსენებთ, რომ აღნიშნული ბრალდება TV პირველის მხრიდან ბანკის ცილისწამების პირველი შემთხვევა არ არის. ბანკს სასამართლოში შეტანილი აქვს 2 სარჩელი TV პირველის წინააღმდეგ ცილისწამების სხვა ფაქტებზე. მათგან ერთ საქმეზე 2 ინსტანციაში ცილისწამების დავა ბანკს უკვე მოგებული აქვს.
ბანკი აუცილებლად მიმართავს სასამართლოს სარჩელით TV პირველის და სხვა პირების წინააღმდეგ, ვინც ბანკის საქმიანი რეპუტაციის შემლახველი, მანიპულაციური განცხადებები გააკეთა და დაუსაბუთებლად დაადანაშაულა ბანკი მძიმე დანაშაულში ბრალდებულ პირთან ურთიერთობაში.
დამატებით აღსანიშნავია, რომ „პირიმზესთან“ მიმართებაში ბანკი ქართუ წარმოადგენდა დაზარალებულ მხარეს, რაც დადასტურებულია სისხლის სამართლის საქმეზე კანონიერ ძალაში შესული 2019 წლის 02 დეკემბრის განაჩენით. სს „პირიმზის“ დამფუძნებლის, დირექტორის და 2011 წელს მაღალ პოლიტიკურ თანამდებობაზე მყოფი პირების შეთანხმებით მოხდა ბანკისათვის დანაშაულებრივი გზით ზიანის მიყენება“.
