ფასიანი ქაღალდების პორტფელის სტრუქტურა უმნიშვნელოდ შეიცვალა - ფინანსთა სამინისტრო
2024 წლის ოქტომბერში 6 გამოშვებისა და 1 გამოსყიდვის აუქციონი ჩატარდა, სადაც სახაზინო ფასიანი ქაღალდების ჯამურმა გამოშვების მოცულობამ 306.7 მლნ ლარი შეადგინა. ფინანსთა სამინისტროს ცნობით, საშუალო შეწონილმა საპროცენტო განაკვეთმა 8.282% შეადგინა.
აღსანიშნავია, რომ საერთო ჯამში გამოშვებულ იქნა 6 და 12 თვის ვადიანობის და 3, 5, 7 და 11 წლის ნარჩენი ვადიანობის მქონე სახაზინო ობლიგაციები. დაიფარა 268.95 მლნ ლარის მოცულობის სახაზინო ვალდებულებები.
2024 წლის 31 ოქტომბრისათვის სახელმწიფო ფასიანი ქაღალდების პორტფელის დაახლოებით 34% ფორმირებულია იმ ფასიანი ქაღალდებით, რომელთა დაფარვის ვადა დგება მომავალი 3-5 წლის განმავლობაში.
სახელმწიფო ფასიანი ქაღალდების პორტფელში ასევე დიდი წილი უკავია 1-დან 3 წლამდე ობლიგაციებს (დაახლოებით 27%).
მოთხოვნის კოეფიციენტი გასული თვის მაჩვენებელთან (სექტემბერი 2.32) შედარებით შემცირდა და 2.19 შეადგინა.
ოქტომბერში სახაზინო ფასიანი ქაღალდების დარჩენილი საშუალო შეწონილი ვადიანობამ 3.53 წელი შეადგინა
(სექტემბერი 3.46 წელი).
დღის ტოპ 10 სიახლე
მარიამ ქვრივიშვილმა დიდი ბრიტანეთის ელჩთან ორმხრივი ურთიერთობის პრიორიტეტული მიმართულებები განიხილა
სხვა სიახლეები
1 დოლარის ოფიციალური კურსი 2.7263 ლარი გახდა
02.10.2025.17:00
1 ევროს ოფიციალური ღირებულება 3.2034 ლარი გახდა, ხოლო 1 აშშ დოლარის 2.7263 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7263 ლარით განისაზღვრა. კურსი, რომელიც დღეს მოქმედებდა, 2.7258 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0005 ლარი შეადგინა.
რაც შეეხება ევროს, მისი კურსი 3.2034 ლარია. მაშინ, როცა დღეს მოქმედი კურსი 3.1968 ლარს შეადგენდა. შესაბამისად, ევროს ცვლილებამ 0.0066 ლარი შეადგინა.
