გარე სარეკლამო სექტორის წამყვანმა კომპანიამ „ალმა“ ობლიგაციები გამოუშვა, რაშიც მას გალტ & თაგარტი და თიბისი კაპიტალი დაეხმარა. „ალმას“ მიერ გამოშვებული ობლიგაციები ნომინირებულია ორ ვალუტაში: 30 მილიონი აშშ დოლარი და 8.5 მილიონი ევრო. როგორც „ალმას“ დირექტორი გიორგი ტრაპაიძე აცხადებს, განთავსებიდან მიღებულ თანხებს კომპანია ძირითადად გარე რეკლამის ინფრასტრუქტურის განახლებას მოახმარს.

„დღეს ჩვენ ყველანი აღვნიშნავთ მნიშვნელოვან დღეს „ალმას“ ისტორიაში, ეს არის ობლიგაციების ემისია - 30 მლნ დოლარის და 8,5 მლნ ევროს ოდენობით. ეს განთავსება არა მხოლოდ ფინანსური ტრანზაქციაა, ეს არის ასევე ერთგვარი ისტორიული ნაბიჯი „ალმას“ ისტორიაში. ეს არის წინ გადადგმული ნაბიჯი, რომელიც ხელს შეუწყობს ჩვენი საშუალო და გრძელვადიანი პერსპექტივების გაუმჯობესებას და გაამტკიცებს „ალმას“ პოზიციას გარე რეკლამის ბაზარზე. 

თანხის ნაწილი მოხმარდება ჩვენი მიმდინარე პროექტების დაფინანსებას. ვგულისხმობ გარკვეული სარეკლამო კონსტრუქციების განახლებას თბილისსა და რეგიონებში. ორ ვალუტაში ობლიგაციების ემისის არსი არის ის, რომ გარკვეული ფინანსური ვალდებულებების ფინანსირებას მოხმარდება, რომელიც შესაბამის ვალუტებში გვქონდა აქამდე აღებული“, - ამბობს გიორგი ტრაპაიძე

მისივე თქმით, გარდა არსებული ინფრასტრუქტურის განახლებისა, მოხდება ახალის მონტაჟიც. 

„გარე რეკლამის მედიაჩენელი არის დიჯიტალთან ერთად ერთ-ერთი ყველაზე მზარდი. განსახვევებით სხვა ტრადიციული მედია საშუალებებისგან. დიჯიტალთან ერთობლიობაში ძალიან დიდი ეფექტს აძ;ევს ჩვენს დამკვეთებს. რაც შეეხება ჩვენს გეგმას, რაშიც უშუალოდ ეს თანხა უნდა დაიხარჯოს ეს ეხება თბილისსა და ბათუმში განთავსებულ სარეკლამო კონსტრუქციების განახლებას და გარკვეულწილად ახალი კონსტრუქციების ახალ ადგილებზე განთავსებასაც. მათ შორის, როგორც სტატისტიკრი კონსტრუქციების, ისე მონიტორების მიმართულებით“, - აცხადებს „ალმას“ დირეტორი. 

ირკვევა, რომ დღეს გარე რეკლამაზე მოთხოვნით 3 სექტორი განსაკუთრებით გამოირჩევა. 

„დღეს სამი სექტორი შემიძლია გამოვყო, ეს არის უძრავი ქონება-დეველოპმენტი, ფინანსური სექტორი და რითეილი“, - ამბობს გიორგი ტრაპაიძე.

შეგახსენებთ, რომ გარე სარეკლამო სექტორის წამყვანმა კომპანია „ალმამ“, გალტ & თაგარტისა და თიბისი კაპიტალის მხარდაჭერით, სააგენტოს „აწარმოე საქართველოში“ „კაპიტალის ბაზრის მხარდაჭერის პროგრამის“ ფარგლებში, სადებიუტოობლიგაციების გამოშვება წარმატებით განახორციელა.