ეკატერინე მიქაბაძემ სსფ-სა და მსოფლიო ბანკის ყოველწლიურ შეხვედრებში მიიღო მონაწილეობა
საქართველოს ეროვნული ბანკის ვიცე-პრეზიდენტმა ეკატერინე მიქაბაძემ, ვაშინგტონში საერთაშორისო სავალუტო ფონდისა (სსფ) და მსოფლიო ბანკის ყოველწლიურ შეხვედრებში მიიღო მონაწილეობა.
სამუშაო ვიზიტის ფარგლებში შეხვედრები გაიმართა სსფ-ის მმართველი დირექტორის მოადგილესთან, ბო ლისთან, ახლო აღმოსავლეთისა და ცენტრალური აზიის დეპარტამენტის დირექტორთან, ჯიჰად აზურთან და სსფ-ის მისიის ხელმძღვანელთან, ალეხანდრო ჰაჟდენბერგთან. შეხვედრები ასევე გაიმართა საკრედიტო სარეიტინგო კომპანიებთან და ინვესტორებთან.
შეხვედრებზე განიხილეს საქართველოს მაკროეკონომიკური მდგომარეობა, ხაზი გაესვა მონეტარულ და ფისკალურ სტაბილურობასა და სიძლიერეს. ასევე აღინიშნა, რომ საქართველოში ინფლაციის მიზნობრივი მაჩვენებელი დაბალ დონეზე ნარჩუნდება.
შეხვედრებზე ხაზგასმით აღინიშნა, რომ ფასების სტაბილურობის უზრუნველყოფა ეროვნული ბანკის თანმიმდევრული მონეტარული პოლიტიკის შედეგია. გარდა ამისა, საუბარი მიმდინარე გლობალურ და რეგიონულ გამოწვევებს შეეხო.
ქართული დელეგაციის შემადგენლობაში იყვნენ ფინანსთა მინისტრის მოადგილე ეკატერინე გუნცაძე და ეროვნული ბანკის მაკროეკონომიკისა და სტატისტიკის დეპარტამენტის უფროსის მოადგილე თამთა სოფრომაძე.
21-26 ოქტომბრის ყოველწლიურ შეხვედრებში მონაწილეობენ საერთაშორისო სავალუტო ფონდისა და მსოფლიო ბანკის მმართველები, ასევე ეკონომიკური გუნდის წარმომადგენლები მსოფლიოს თითქმის ყველა ქვეყნიდან.
სხვა სიახლეები
ლარის კურსი დოლართან და ევროსთან გამყარდა
14.07.2025.17:00
1 ევროს ოფიციალური ღირებულება 2.7149 ლარი გახდა, ხოლო 1 აშშ დოლარის 3.1737 ლარი.
სებ-ის საიტზე გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7149 ლარით განისაზღვრა. კურსი, რომელიც დღეს მოქმედებდა, 2.7160 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0011 ლარი შეადგინა.
რაც შეეხება ევროს, მისი კურსი 3.1737 ლარია. მაშინ, როცა დღეს მოქმედი კურსი 3.1753 ლარს შეადგენდა. შესაბამისად, ევროს ცვლილებამ 0.0016 ლარი შეადგინა.
რეიტინგი შესაძლებლობას გვაძლევს, მეტი ფინანსური რესურსი მოვიზიდოთ და მომხმარებლებს კიდევ უფრო კონკურენტული პროდუქტები შევთავაზოთ - ილია რევია
14.07.2025.11:20
2 მიკრობანკის [კრისტალი, ემბისი] ლიცენზიის გაცემას პოზიტიურად ვაფასებთ - Fitch Ratings
14.07.2025.11:00
დაესწარით საქართველოს ბანკის ვებინარს და მიიღეთ დეტალური ინფორმაცია ნიკა გუჯეჯიანის სახელობის სტიპენდიაზე
11.07.2025.15:12
ეკატერინე გალდავამ მსოფლიო ბანკის მიერ ორგანიზებულ გლობალური გადახდების კვირეულში მიიღო მონაწილეო
11.07.2025.15:10
